عثمان عايد بن شبيرم

[عثمان عايد بن شبيرم @kl4_li]

روسنا ماتنحني غير لـ الرب القدير
وقدرنا عند النشاما على راس النباه

نكرم الطيب ولوهو على الدنيا فقير
مابحثنا في مخابيه ويش اللي معاه ..

[عثمان عايد بن شبيرم @kl4_li]

ماني عميل التصنّع والكبر والغرور
على النوايا النظيفه خطوتي سقتها .

[عثمان عايد بن شبيرم @kl4_li]

ليا من طريت فـ بالي و دارت الافكار
تسولف على الناس جنبي .. واطنشها

[عثمان عايد بن شبيرم @kl4_li]

يا كم ذكريات نزفها بالحنايا حاد
لو اتصنع النسيان ماني بناسيها

[عثمان عايد بن شبيرم @kl4_li]

اللي مضى لك أمس ما يرجع اليوم 
" و أرزاق بكره .. ما تجي قبل بكره ".

[عثمان عايد بن شبيرم @kl4_li]

انا بخير وماعلى قلـبي خـلاف
لو الحزن مرات يطغي بصدري .

[عثمان عايد بن شبيرم @kl4_li]

الخساير لا خسرنا عساها فـ اربعه
"المنافق والردي والهلامه والبخيل" .

[راشد عبدالله الديحاني @r10__0]

ماني ورا العالم مسيّر وملزوم
أمشي مخيّر بين خلقه بكيفي

[عثمان عايد بن شبيرم @kl4_li]

"أنت مثل الضيف بـ عيون البدو
مكرمينك و الخطأ منك معذور"

[عثمان عايد بن شبيرم @kl4_li]

مهما تسوي طيب تلقي عواجه
ماكل خلق الله تذكر محاسنك

يازين هرج اللي يبي منك حاجه !
وياشين هرجه لاخذا حاجته منك

[عثمان عايد بن شبيرم @kl4_li]

حلمي كبيـر و رغبتي كنّها طيـر
مايطـوي الجنحان لاشاف قمّه

إن قالـهـا الله واللِيـالي مداويـر
لا أرقـى سنام طويق والحلـم أتمـه

[عثمان عايد بن شبيرم @kl4_li]

لك يلتفت قلب ويماري عليك الضمير
لو صاحب القلب ماله فالدروب التفات

[عثمان عايد بن شبيرم @kl4_li]

الصبر حكمه والامل يطرد الياس
والجد والاخلاص قيمة وشيمة

والعز هيبة والشرف يرفع الرأس
والكذب سلعة مالها أي قيمة .

[عثمان عايد بن شبيرم @kl4_li]

بطون الايام مهما .. خيبت ظني
بتلف و تدور .. ماني ناشدٍ عنها

حتا لو انها خذتك .. و ردتك عني
ما ردها تزين وارجع واخذك منها

[عثمان عايد بن شبيرم @kl4_li]

لا ترخص النفس والايام ملحوقه
اجمع من العز ما يروي مشاويرك

[عثمان عايد بن شبيرم @kl4_li]

ياصاحبي أنت السند حزة الضيق
وأنت الذي يغني عن الناس ظله
ٰ
الطيب يرفع من مقام المخاليق
وأنت بمقامك ترفع الطيب كله .

[عثمان عايد بن شبيرم @kl4_li]

بنتلاقى حتى لو صعب الكلام
يكفي ادري عن شعورك والغرام

[عثمان عايد بن شبيرم @kl4_li]

أنت .. مثل الحاجه الممنوعه إللّي :
تجعل الأنسان يشعر " بـ السعاده "

[عثمان عايد بن شبيرم @kl4_li]

تمنيت وصله بالفكر ما طلبت كثير
أبي أطري على باله مثل ما علي يطرى

[عثمان عايد بن شبيرم @kl4_li]

ما نرخص كرامتنا ولا نقبل التقصير
و على عزنا نبقى لو الوقت ما نصفنا

لنا حاضرٍ يستاهل الشكر و التقدير
و لنا ماضيٍ بين الخلايق .. مشرفنا

[عثمان عايد بن شبيرم @kl4_li]

لا تقولين إن ظروف الزمن ماتستجيب
من يحّب يخلّي المستحيله ممكنه