عسى البخيل إلي حسابه ملايين
توخذ ملايينه و يقفل حسابه
تعطى كريمٍ وقفته تعجب العين
إلي كسب قولة نعم في شبابه
أما أطلق المسجون أو سدّد الدين
أو سلّف المحتاج لا طق بابه
هذا هو اللي ودك إن عمره سنين
ما ودك أعمار الثنين اتشابه .
كل ما شفت الضعافة فالخصيم ، اعفيت عنّه
انتو تشوفونها ذله واشوف انها رجولـه
الكلام الي سوات الطيب فوق الجرح ، اكنّه
والكلام الي سوات الطيب فوق الجمر ، اقوله
المجلس اللي مالنا فيه تقدير
« اظن تجنيبه لزومٍ علينا »
حنا ليا جينا المجالس مسايير
ان جا لنا تقدير والا مشينا
سلومنا تعرف وعاداتنا غير
ومن لا يبي عاداتنا ما يبينا .
من الماضي اللي فيه ذكرى ولي مدهال
اخاف التفت و تراود الكف تلويحه
احداث الليالي المؤسفه تصدم العقال
لا طاحو من صدوف الليالي ميه طيحه
يا مصغر هموم الشاعر اللي يبي الاطلال
و يا مكبر هموم اللي يبي ربع تلميحه
ايضاح الامور يزيد بعض الامور إغلال
ما قد خرب البيت القوي غير توضيحه