ّ

تحرّص لو انكْ تشوف كل الاراضي ريف !

[ّ @ksa1r_]

من يظن بخير . . فينـا لا يغير ظنـه
صد بوجيه النوايا السود ياراعيها

ان تغيبنا حضرت وصرت راس العنه
وان حضرنا تاقف الدنيا على رجليها

[ّ @ksa1r_]

توقعتك معي .. لو الزمان يدور لكن دار
وشفتك تختلق من كل زله موقف واهي

عساني كل ما زل الكلام .. وضاعت الأشوار
ما أقول الكلمه اللي ما تكبّر قدري وجاهي

لو تجوب البسيطه وتعبر ما بين دار ودار
ما تلقى مثل قلبي لو تشوف عيونك أشباهي

[ّ @ksa1r_]

غيرك على الاطلاق فالعين ، مالاق

[ّ @ksa1r_]

قال أنت و شفيك لاحاضر و لا غايب
قلت المقادير لا منها ولا عنها

لاتمتحني و أنا من الفضفضه تايب
و غاسل يدي من كفوف الناس والسنها

الي رحل وش خذا والجاي وش جايب
والله مدري لكن . . الله يزينها

[ّ @ksa1r_]

ليا حس في حزنه توارى عن الانظار
ولا يوقع من همومه وضيقه قريّب

لو تحطه الاقدار ما بين نار وغار
ماهوب متردي، كان ماهوب متطيّب

[ّ @ksa1r_]

حتى لو إنّه صار فـ الحال تغيير
أرحب بـ طاريك قدر و حفاوه

إللي علي إني أطرّيك بـ الخير
لو كان من بيني و بينك عداوه

[ّ @ksa1r_]

الحاسد يموت و اطباعه ما خلّاها
ما يقدر يكون صاحب حق ومسالم

لو تظلم الناس وتعذرب مزاياها
السمعة الطيّبة ما ضرّها الظالم

الكلمة اللي على نفسك ما ترضاها
تعلّم انك ما ترضاها على العالم

- علي مسفر

[ّ @ksa1r_]

ياما بذرنا الطيب في راعي الطيب
وفي جاحد المعروف ياما بذرنا

ولا عندنا للي جحدنا مطاليب
قد جاه من جوداتنا ما عذرنا

ياما غدينا له قصور ومعازيب
وبظلالنا ياما عليه انكسرنا

[ّ @ksa1r_]

اللي بـ حب خشوم ومصايد شفوف
لو لاح لي براقها .. ماشعفني

[ّ @ksa1r_]

الردي بالذات مامثل اسفهانه
يبتعد منّا وراه الله يزوله

واحدٍ لاشافنا يبلع لسانه
فـ القفا خلّه يقول اللي يقوله

[ّ @ksa1r_]

ساكتٍ وكل مافيه يتكلم :)

[ّ @ksa1r_]

المحبه غاليه بس المشاعر ماتثمّن
والتهور في دروب الحب يبغيله جراوه

يَحبيبي ودي اسأل لاتخاف ابغى اتطمّن
هو غلا والا كلامك بس من باب الفضاوه

خايفٍ اسخي شعوري في دروب الحب ثمّن
يطلع الناتج من الاحداث خذلان وقساوه

كلمة احبك كذا من غير فعلٍ ماتسمّن
كنها ارحب من بخيلٍ ما يلحقها حفاوه

[ّ @ksa1r_]

" أكبر دروس الحياة الفانيه - مبدأ "

[ّ @ksa1r_]

التغافل نشوفه نوع من الشطاره

[ّ @ksa1r_]

مصيـر المبتعد تجيبه ساعة — إنكاف

[ّ @ksa1r_]

يتضح مايتضح والخافيات . . آمرّ وأدهى !

[ّ @ksa1r_]

اقدّر اللحظه اللي ينتصر حظّ الاجودي فيها *

[ّ @ksa1r_]

إن زانت الاخلاق تنبت نواوير
و إن شانت الاخلاق زعّلت غالي :/

[ّ @ksa1r_]

تنازلت لك عن كل حاجة ولا ابغى شي
لو تروح معك الروح مانيب داعيها

معك حق يوم إنك تسوي السوايا ذي
عطيتك مكانه منت كفوٍ تجي فيها

تركت الدروب اللي من أول تجيبك لي
"انا كل حاجة عفتها مقدر اجيها "

مع إن نظرتي ماهيب تكذب وقلبي حيّ
خذلني النظر في هقوةٍ فيك هاقيها

-الافا في ابهى صورة

[ّ @ksa1r_]

نحيا حياة أحرار راضين النصيب
ونمووووت ماتاطى لنا الدنيا طرف

ونطيب لو عيت ليالينا تطيب
فضل من اللي جمٌل الحال ولطف