خذ ماتبي مني وابي منك ثنتين
ومثلي تسرك نفعته لا نفعته
صوتك مدامنا انا وانت حيين
لا تقطعه عنى بعد ما سمعته
وإذا حصلت شوفتك من حين لي حين
تعال واسق بداخلي ما زرعته
عطني وعد نبقى على الحب ماشين
مهما حصل درب الغلا ما رجعته
عشان لا منك تغيرت بعدين ؟
أذكرك في وعدك اللي قطعته
دار فيني الوقت مَن كل الجهات
لين علم بي على الضلع القصير
مـا تجاوزت السنين المترفات
يـوم عمري لا صـغير ولا كـبير
من يقول الشي لامن فات مات
ما يموت الا اذا مات الضمير
فيه فتره .. (حافله بالذكريات)
لا انتهى الليل وبداء الثلث الاخير
أنتي عندي بالغلا و الحلا ما لش مثيل
من عرفتش ما ملا العين في وزنش مره
لا تغلاّ وانت غالي من الوزن .. الثقيل
ما يهز أجمل بنات العرب منش شعره
ما نبي نبني عماير و لا قصر .. ظليل
اتمنّى أعيش انا وياش في ظل شجره