بدر الدفيليج

[بدر الدفيليج @kwtsh]

خل المعاتب يا رهين البدايات
الظاهر انك تحسب إنا نسينا

يوم اني ارجي منك لحظة تلفات
وتلد كنك بالعيون تهجينا

تقصيري الراهن نتيجه لما فات
سوا رفضنا الحق والا رضينا

ضروري انك تعترف بالنهايات
المعطيات تقول شبه انتهينا

وانا مقصر بالسنن والعبادات
خل الحقوق اللي عليك وعلينا

[بدر الدفيليج @kwtsh]

مافيه احد قد ذاق لذة الانتصار
ويخاف من ويش الليالي جايبه

غامر ترى الايام تعطيك اختبار
ماهو بشرط ان كل طلقه صايبه

الحظ بالدنيا مثل شمس النهار
تشرق عليك وعند غيرك غايبه

[بدر الدفيليج @kwtsh]

عن اللي قد مضى لي لا تسولف يانديم الليل
انا من راح عني ما نشدت الناس وشلونه

لا شك اشتاق للي عايشٍ بالذاكره واميل
لكن مبداي ثابت ما اختلف شكله وقانونه

من يشد الحبل بالحيل شديت الحبل بالحيل
ومن يبغى المفارق قد دفعت العام عربونه

[بدر الدفيليج @kwtsh]

اذا عاش ما نكره ولو مات بالطقاق
ولكن .. شرهتنا على عاقل المره

[بدر الدفيليج @kwtsh]

يجوز اني افنى مع شعور الوجع والكي
لو ان ما اغني كل ما طاب مقعادي

حبيبي لا زال يمرني لانعكاسك ضي
مثل ما يمر الحسد بقلوب حسادي

من تخاف ينسى ويتمادى بدرب الغي
يشوفك مثل ما شاف نور القمر بادي

مع الشعر لك ميعاد مادام راسي حي
وانا كل يوم اهيم لي في طرف وادي

[بدر الدفيليج @kwtsh]

الكلام اللي يكفي عن ظهور الساحه
لو كتبته بالجرايد عام ما ريحني

حافظه من يوم شلته في كفوف الراحه
خاسرٍ به من قديم الوقت ما ربحني

القصايد لو تمر بخافقي سواحه
ما لها غير الحشيمه والقلم يمنحني

لو نيوتن غمض عيونه عن التفاحه
ما لقيت الجاذبيه صمتها يذبحني

[بدر الدفيليج @kwtsh]

والله يا عيا ينتج الصبر منتوج
يالله عسى مايوصل الصبر تيمه

الصدر من شين المقادير مسهوج
سهج العباير فوق خد اليتيمه

وانتم ياقوم الظلم والكذب والروج
ماهو بروج الحق روج الظليمه

فعولكم هلس وتفاهات وهروج
متجردين من السلوم القديمه

تعيبون الزمل بارقابه العوج
وانتم مافيكم حاجةٍ مستقيمه

[بدر الدفيليج @kwtsh]

ظروف بقعا ما تكل ولا تلين
ووجيهنا ماهي بحصادة علف

نصافح كفوف النشامى باليمين
ولا لنا في معهد الحمقا ملف

الصدق ينجي صاحبه دنيا ودين
سترة نجاةٍ مايجي فيها تلف

والكذب يطرح صاحبه لو هو فطين
يكشف خفايا حيلته باول ملف

ترى الكذوب العن من ابليس اللعين
اليا درى انك كاشفٍ وضعه حلف

[بدر الدفيليج @kwtsh]

كل ما حصلت ناسٍ بالغلا منسجمه
قلت يا ربي تعدل بالحياه اوضاعي

في ناسٍ في حياتي مثل زر النجمه
لا يدق ولا يرد ولا له اصلا داعي

لا هجوم ولا دفاع ولا يصلح هجمه
دفش لا ينفع ولا يهدا ولا ينباعي

ودك ان القلب يعطي كل واحد حجمه
لا ينقص قدر شيخ ولا يشيّخ راعي

[أحمد بن عبدالعزيز النفيس @ahmad_alnufais]

اللهم اكفني ما أهمني .. أنت ثقتي وأنت رجائي
وجهني للخير حيث ما توجهت ..

[بدر الدفيليج @kwtsh]

لا تختصر حكيك ولا تقول وش فات
ولا تحدد شي .. ماهو محدد

السالفه لو عدتها عشر مرات
في كل مره .. ودي انها تمدد

حسنك تسيّد واعتلا كل الاصوات
ومعك عرفت شلون معنى التودد

انا حياتي كل ابوها .. متاهات
ولا اذكر اني بيوم عشت متردد

عطني بدايه ماتعرف النهايات
واعطيك حبٍ كل يوم يتجدد

[بدر الدفيليج @kwtsh]

نجي للاماكن شوق يا الساعي المشكور
غـرامٍ قديـم .. وكل يـومٍ .. على جـده

وانا كل ما سقت القدم معي راي وشور
عرض لي بـ دربي من علي بالرضا سده

رجعت اتذكر شي واثر الصدور قبور
ابموت صدرٍ يكظم الغيض ما حده

هنا كلمتي تاقف من الزور للحنجور
وتشره علي العين .. بـ الدمع و ارده

[بدر الدفيليج @kwtsh]

الناس شدو من محل الجهل الاول وانزلوا
في دار .. كلٍ ينقل اقلامه وينقل دفتره

اليا عطاك الله قبول الناس يمك لا اقبلوا
ابرك من اللي لا عطيته وجه لقاك ظهره

[بدر الدفيليج @kwtsh]

مافعلت الخير وارجي من بشر فاني ثوابه
عالمٍ ربي بقصدي وماسبب اطيب فعولي

جل خيرٍ قد فعلته كنت في عكسه اجابه
لم يفاجئني جحود ولم يثر حتى فضولي

يا زماني قبل غدرك كنت اقول الدنيا غابه
يا زماني بعد غدرك ما نقص ما زاد قولي

الامير عبدالرحمن بن مساعد

[بدر الدفيليج @kwtsh]

انت اكثر من الكلام اللي على بالي
واغلا من انك تذوق الكلمه المره

احيان افضل سكوتي وامشي لحالي
واقول ليت الهبايب تدفن الجره

ماودي انك تواخذني على اهمالي
انا شعوري غريب وحرتي حره

نفسية الشاعر اللي مالها والي
تزين وتشين بالساعه مية مره

[بدر الدفيليج @kwtsh]

سراب الاعذار مايقطع ضما الوارد
في عينه الارض جردا والسما زرقا

ردودك البارده واسلوبك البارد
كنها توريني المنهاج والفرقا

باعذارك الواهيه من ذهنك الشارد
اغصان هجرٍ عليها ناحت الورقى

من دون طيحة غلاك حروب ومطارد
والعين ماطاح منها ماقدر يرقى

[بدر الدفيليج @kwtsh]

ارتوي من عز نفسي وانفرادي
ولا سألت الغيم عن برق ورعد

غيمتي راسي ومرباعي فوادي
وما يقل الفيض لو طال الامد

في غيابي بأس وعنادي بلادي
وفي حضوري يغترب مني بلد

رافعٍ قدري عن قصار الايادي
فوق عرشٍ ما يطوله اي احد

من بغاني سقت له عذب الودادي
ومن تركني قلت له درب السعد

[بدر الدفيليج @kwtsh]

مدري وش الحاجه اللي ضيقت صدري
طغت على الابتسامه واغرت الدمعه

تصدق اني من الضيقه ماعاد ادري
هي ليلة السبت والا ليلة الجمعه

[بدر الدفيليج @kwtsh]

انا دايما واضح وانا العب على المكشوف
ويعرفني المبدع ويجهلني العادي

اذا صارت الكلمه ماتعنيك يا ملقوف
لا ترفع علينا الصوت وتصيح وتنادي

اشوف الفوارق واضحه وانت ويش تشوف
ترى المشكله في عقلك الضايع الغادي

مايذبحك غير الصاحب اللي ذبحه الخوف
تعدي به المشراف ويطيح في الوادي

[بدر الدفيليج @kwtsh]

ابتدا فصل الحياه المتعب المتشابه
وانتهى اكثر فصل حبيته وهو مشقيني

مادريت ان العمر عجّل وفك ركابه
لين عشت الواقع بروحي وشابت عيني

ولا دريت اني خلصت من الهوى واصحابه
لين صار الليل يجمعهم ولا يدعيني