الصريح تحذفه العربان في سجن أنفرادي
تالي الأيام قول الحق ، نوع من الجريمه
يا زمن لا نيتي سودا ، ولا وجهي رمادي
أنا من قوم تشوف الموت ، أحب من الهزيمه
يفرقون أهل المبادي عن قليلين المبادي
مثل ما تفرق عن الأحجار ، الأحجار الكريمه
يعلم الله علامة خير ما ايست لين
غبر الجو الارتق .. دون غاياتنا
يا ولد راحت الدنيا على العابدين
وش بقى من سوالفنا وهقواتنا
قسمنا من طفولتنا جروم السنين
زهرة العمر جانا الشيب ما جاتنا .
اتعبو لهدافكم ياهل الحلم الشغوف
عنفوان زهور الاعمار قافيها المراح
الضعافه ويش جابت و ودت للضعوف
غير صبرٍ ما يواجر و همٍ ما يزاح
الفشل لا تجعلونه ذريعه للوقوف
هو تراه اول مراحل محطات النجاح
ما يعديك المهونه و يلحقك الشفوف
غير ممشاك بشجاعه و عزمٍ من كفاح .