هآجس 📿

انسني وقت الرخا واليا بلشت اذكرني .

[هآجس 📿 @l11974]

﴿ كلُّ نَفسٍ ذائقةٌ المَوتْ ﴾
يا رب أحسن خاتمتي و توفني و أنت راضٍ عني

[هآجس 📿 @l11974]

انا ابخص الناس في شري وفي خيري
دكتور نفسي قبل دكتوري النفسي

احياناً اشوف شوف العين تقصيري
لو كانت اسهل علي من شربة الببسي

تعبت لا افصل من التفكير .. تفكيري
في القادم المنتظر والحاضر المنسي

اصدق وعودي هي وعودي مع غيري
وا��ذب وعودي هي وعودي مع نفسي

[جرّاح العتيبي @AL___9999]

منادم العشاق ومسامر الليل
ضريبته من وقتي ومن نشاطي

ندمت يوم اني شرحت التفاصيل
الظاهر انك فاهم الشرح خاطي

لكن على طاري الجفاء والمواصيل
محتاج وصل ٍ غير وصل المقاطي

نشوة وصالك بعد طول البهاذيل
اشـد من نشـوة شعور التعاطـي

الحب قدامي لعب فـ الرياجيل
صارو ما غير يسحبون القواطي

دايم مسبب مشكله لـ المشاكيل
من جاه ساطي راح ماهو بـ ساطي

حتى لو اهايط و اجـر المواويل
أنا أدري انه ما نفعـني هـياطي

ماعاد لي قوّه ولا عاد لي حيل
صبري نفذ مخزونه الاحتياطي :)

[خالد بن طفلان @k_tflan]

انا لي رفيقً لا تردا الزمان ، يطيب
ما قلّت مودتنا .. لو انطوّل الغيـبة

حفظته مثل ما يحفظ الرفقه ( ابن الذيب )
وذكرته مثل ما يذكر الطيب ( ابو شيبة )

[واحد/محترم @1_mohtrm]

ماعاد لي نفس لا اغرد ولا ارتوت
تفكيـري الآن. أغــادر عـالم تويتر

[هآجس 📿 @l11974]

ترى خاطري في بعض الأحيان خاطر عود
معه ضغط واللي تلقط الحّب في حقوه

[مبخوت بن عبدالله @al_3jmil]

محمد ابن الذيب :

ماهوب عيب اليا بكيت اللي على فقده بكيت
رجال وابكي لي على رجّال وين المشكله ؟

مبارك بن رادعه يقول :

ان شفت نفسك ودّها فالبكى ؟ إبك
احيان تحتاج البكى وانت رجال

[هآجس 📿 @l11974]

ا��له انّه يحفظك في حلّك وترحالك
يـ اوّل دروب الهوا واغلا واعزّ احبابي

جعل يسقى يومك انت تبرّني بـ وصالك
يوم عاد الدّار داري ، والرحاب ارحابي

لو جبرْك الوقت لـ الفرقا تسوق اجمالك
خابرٍ لي حاجةٍ منّك تثير اعجابي

خابر انك لو تغيّب عادني في بالك
وخابر انّك شبه يومياً تمر احسابي

[هآجس 📿 @l11974]

انتي تمرين دايم في حياتي مثل
تنهيدة الغبنة اللي فـ اخر السالفة ..!

[هآجس 📿 @l11974]

ياللله بنوٍ مادرو عنه الارصاد
ينشي من القبله وبرقه يلوحي

ترزام رعوده وبرقه على بلاد
الجادل الي عند اهلها طموحي😂

✍🏻

[جابر النشيرا @jaber_nshera]

الطيب ماهوب كله في ( قضيّا اللزوم )
الطيب بذل العطا الواجد ورفض العطا

[ظافر بن فرحان @zafr_frhan]

هذا النقض اللي يخليك تطرب للمحاوره 😂👏🏻

[هآجس 📿 @l11974]

يمر الشهر كنه فشق مخزن الرشاش
مع اللي على الحد الجنوبي رهن روحه

توقع يكون الطيّب اليوم بكره لاش
بذا الوقت كل الاحتمالات مطروحه

[هآجس 📿 @l11974]

اشوف لي ناس ظمايرهم معباة فحم
اطيبهم اللي كل ما انعاجت ظروفه عاجته

واللي يقول ان في معرفتهم تجاره لارحم
مانيب في حاجة تجارتهم ولافي حاجته

تجيك مثل تجارة القصاب بياع اللحم
اللي مغير يحد سكينه ويحمي صاجته

تندا كفوفه كل يوم من الدسم ومن الشحم
لكن مايلقى في صحن بيته و في ثلاجته

[سلطان بن عباس @su_abbas]

الانسان لو طبق التطور الجيني
يبقى تحت رحمة الله لين ينكرها

[هآجس 📿 @l11974]

@in9August لاحول ولا قوة إلا بالله
الله يرحمه ويغفرله ويربط على قلوبكم

[هآجس 📿 @l11974]

ان قامت الحرب ، مارحنا مراح الرياح
لو ان حذف الجنايز مثل حذف الحصا

يستسلم الخايف اللي في يدينه سلاح
لاواجه الصامل اللي ��ي يدينه عصا !

[هآجس 📿 @l11974]

الكلمه اللي جات منك عصير
ما دمت صايم لازم اقبلها

لكن إذا في راس امك خير
تعال بعد المغرب وقلها :)

[هآجس 📿 @l11974]

ياعيون القلب وش حيلة القلب الحنون
وأنتي أكبر من شعوره و أحاسيسه لذا

وقفي حدّ المحبة قبل حدّ الجنون
أنا ما عاد أقدر أحبك أكثر من كذا

المبدع : @Saud_almshly_

[صالح النشيرا @saleh_neshaira]

شركة سعودية 🇸🇦 ماهيب أجنبيه
وشعب السعودية يعرف المواجيب

شعارها .. حب .. الوطن والهويه
وان اليقين افضل من الشك والريب

نقولها .. من .. باب حب وحميه
حتى لو ان جساس يزعل من كليب

وحنا ترى من عاد بقعى صبيّه
ماحن ندل الطيّب الا على الطيب

[مسعود آل شعفول @masuod974]

على الهون ياللي من بيوت الشعر مرتاب
اقول الكلام الواقعي وانت عشوائي

انا ما تبعتك يوم وقفت في المحراب
و تبغيني اشجعك في حفل ٍ غنائي !!

تهون الطعون .. الا من الطعن في الانساب
هذي والله اللي يبلش بها الاخصائي :)

على الغيهبان المري اماري الالباب
مثل ما تماري شمر بـ حاتم الطائي

اذا جبت لي خير ٍ علي و على الاصحاب
واذا جبت لي شر ٍ علي و على اعدائي