َ

حفيدة شعار بنت أولين الصفوف ⠀⠀⠀

[َ @l1iilll]

نحيا حياة أحرار راضين النصيب
ونموت ماتاطى لنا الدنيا طرف.

[َ @l1iilll]

ياما على شانك نويت المطاريش
وياما تبعتك شرق والنـاس قبلة

واليوم كني شفت فـ الجو تشويش
شيٍ مجمعت العلوم تحسب له

وش عاد لو تزعل علي الدراويش
وانا بدويٍ — راح يتبع هوى ابله

[َ @l1iilll]

في حرم حسنك يطوف الشعور النزيه
همّش الفاتنات — وكسّر أصنامها

[َ @l1iilll]

البارحة هبت شمال وما كان عندي خلاف
لين استدارت للجنوب و نطحتني نودها

_ جزيـل

واستبسل الحزن المقيم اللي ورا العوج النحاف
بالذكريات اللي من النسيان جاني يقودها

_ بحيح

[َ @l1iilll]

جدلانيات

[َ @l1iilll]

يا كل الاسرار ما يدري بك إلا الله
توبي وانا تبت والتوبه هي التوبه

توبي و خلي سبيل من اتجه لله
اللي نجا من ظلام العمر بعجوبه

وشلون كان يتعاظم و العظيم الله
وهو كله ذنوب من راسه لـ / عرقوبه

يخاف يوم القيامة — لأساله الله
عن كل ماحصّل من الحب ودروبه

[َ @l1iilll]

أنا شمس لكن مالقيت بالوجيه سفوح / فهقت الظلام ولا تخاذلت باشراقي

[َ @l1iilll]

عتابنا طيب — و مشروهنا ذرب
وان وصلت حدود الملام اختفينا

[َ @l1iilll]

إن طغت سود الليالي على وجه الظروف
عاد لي شيمه — ومبدأ على وجه الثرى

[َ @l1iilll]

لاتحسب الليالي كل — ابوها ربيع
لازم تلوفك هبوب القيض وسمومها

[َ @l1iilll]

يموت الفطين اللي معه معرفه وإحساس
ويعيش البليد اللي تعايش مع جهله

— قلة الفطنه بعض الأحيان مكسب

[َ @l1iilll]

« عفيف مايعرّض زينته فالطريق المار
ما عانق زوايا عاتقه غير — سلساله »

[َ @l1iilll]

صدوف الليالي مابها يمكن وبعدين
وسنين العمر ماهي على كيف راعيها

[َ @l1iilll]

أجنب ما يكدر خاطرك جنّابة المنقود
و أدور ما يصايد خاطرك دوّارة الضايع

[َ @l1iilll]

والمشكله انك حلول المشكله / وانك من أعماق الخطا أطهر صواب

[َ @l1iilll]

جعل ديارهم من اسباب الحيّا ممطوره
لين يزهر كل دربٍ — عانقته خطاهم

[َ @l1iilll]

ودك إن الأدمي لاطرق سمح الدروب
ما يعوّد للمكان المريب — ولا يجيه

[َ @l1iilll]

« سهيل في قاصي سماء المملكة بان »

[َ @l1iilll]

بعد راح نصف الليل وانفضوا الجلاس
وجت ذكريات العمر واحلاه وامره

ارتب معاميلي عليها وانا منحاس
حسيبي على قوس الربابه ومن جره

انا وين اروح ورب عيسى ورب الياس
جعل حسنك اية وجعلك لنظري قره

[َ @l1iilll]

يارب عفوك عن خطأ النسيان وكبار الذنوب
رحمتك لا حلّ الأجل - والموت نكبة غافلين

[َ @l1iilll]

ذبحنا أنتظار سهيل و البارد الهباب
متى القيض ينقز مرزمه مع أكليبينه