أساير الخاطر وأنا أدري ما على الدنيا رجوع
ورسيت صبري فالصدر، مرسى الجبال النايفه
وش حيلة اللي لا بغى من حزنه يهلّ الدموع ؟
ترده الشيمه ويخفيها بضحكه زاااااااااايفه
بدا يعيش الخوف في قلب الشجاع
وبديت امل من الحياة الفانيه
والمشكله مدري متى يوم الوداع
ومدري متى يوم القطوف الدانيه
لكن على طاري ضياع وما ضياع
انا بديت اضيع . . مره ثانيه :)
"أنا الطريق الممتلي بالمحطات
لا تخدعك رحابتي .. وامتدادي
أعرف من الألوان لون البدايات
أخضر ويذبل ويتحول رمادي
وأجهل من التوديع كل العبارات
إلا فمان لله ، وطيب ، وعادي"
تجاوزت ذيك الليله اللي بدون شعور
على صدري رماح الحسايف تركزها
تجاوزتها مجبور ولاّ ماني بـ مجبور
انا ما هقيت اني بـ يوم اتجاوزها
لياليك راحت دون عفوًا ولا مشكور
من اللي حصل ما فيه حاجة تميزها