💎

مـا هـو يلين لمن بغـاه . .

[💎 @l294_]

عيطموسٍ كل مَطلع صبح تستاهل قصيّدة . .

[💎 @l294_]

" انا لا تباطيتك علي الوله ينشاف "
يبيّن على العاشق وينشاف فـ عيونه

احبّك جعل حبٍ يجي من بعدْك يعاف
وانا حالفٍ حبّك مع الوقت ما اخونه

ليا شفت وجهك والله ان ماعلّي اخلاف
فلا تنشد اللي شاف غايتْه وش لونه !

عيونك مثل مجدٍ قِصر دونه اللي خاف
"وانا اللي يحب المجد ويموت من دونه . .

[💎 @l294_]

وحده اللي حرّم الخافق على غيرك وحاشى
أنبع بـ جوفه غلاك وبـ الحشا صبّه وصبّك

الفواد اللي رفع راية غرامك . . ما تخاشى
خاض صلفاته وما استصعب محاذيزه وحبّك

جعل يفداك بـ شرايينه رهاينك العطاشى
جعل سقمي فـ الهوى ما يستطب الا بـ طبّك

[💎 @l294_]

كل حاجه مع مرور الوقت تذبل واتّـلاشى
خصّ لا صارت رياح الصد تعصفْك وتهبّك

كود كلمه ثابته . . مهما تهرّب وآتحـاشى
عاد احبّك هيّ هيّ وعادني والله احبّك

يا حبيبي و المحبّه . . ما تخبّى واتّغاشى
ما يزحزحها القسا والتيه وسط اعماق جبّك

[💎 @l294_]

الله يسامـحني .. على بـعض الظنون
كنت أحسب إنّك مرحلة وآثرك عمر . . ❤️

[💎 @l294_]

سليل قلبٍ عريب الود و فيه اندفاع
وإن شام ما كنّك اللي كنت محبوبنا . .

[💎 @l294_]

اليا ارتبط قلبي معك بالبراهين
ماني من اللي يطلبون الأدلّه

وشلون ما احنّك من الخاطر الشين
وانا عدوي ماعرفت استغلّه . .

[A @_1mri]

أنضج مراحل شعوري مرحلة " عادي "
من شفت الاشياء تصغر يوم أهمشها ..

[💎 @l294_]

تسمح لي اعيش بك في بالي الليله ؟

[💎 @l294_]

أنا أكثر إنسان أحبك . .لو يحبونك
لا تترك النفس تلقى منك مصرعها

تغانم الوقت لا تمشي على هونك
بعض القرارات . . يخدمها تسرّعها

حاولت في كل شي : إلا إني أخونك
لو ننقطع من بعضنا . . لا توقعها

لو عندي القدره أسرق بـ سرق عيونك
و أحبها و أنت ما تدري .. و أرجعها . .

[💎 @l294_]

من أسرف في الغلا لابد له يومٍ من الايام
تدور به الدواير لين يسرف في الكراهيه . .

[💎 @l294_]

"يا رب أنا مهما ألتهي و أذنب و أهيم
من خشيتك ، ما زال صدري ممتلي

جيتك بـ عينٍ تدمع ، و قلبٍ سليم
أبثّ لك خوفي ، و حزني ، و زعلي

أكرمني بـ عفوك و لطفك .. يا كريم
و لا تحاسبني ، بـ جهدي و عملي . .

[💎 @l294_]

تكلم، تحرك سو لي شي انا منضام
غدى السهر مهنه و التملل غدى عاده
ٰ
احبك بشر ماني بحبك من الاصنام
علامك تضيم انسان تقدر على اسعاده . .

[💎 @l294_]

تغلّى بـ كيفك لو تصير المحبه غِـل
لكن لا تساوم من يحبك على قدره . .

[' @974ro]

كم لي احبك و انت تحبني كم لك ؟
يا من تغنت على لحنك مزاميري

أنا من الله كذا ازهد بما املك !
الا أنت ب أموت ما خليتك لـ غيري

[💎 @l294_]

انا مافي نظامي حب يومين وجفا واهمال
وجاك من المحبة والمعزة والغلا الكافي

صحيح ان الغياب الي حصل بيني وبينك طال
لكن مهوب انا الي فوق حبه يسفي السافي . .

[💎 @l294_]

ما أقول لك أبطيت بالوصل وأخطيت
لكن عزاي أنك تعرف أني. . إياي

وش حال قلبك عقب ما غبت وأبطيت؟
عساك ما عطيته لأحد عقب فرقاي . .

[💎 @l294_]

ليه أفكر فيك من بعد المفارق؟ و أدري
مستحيل اني أجيك .. و مستحيل تعوّد . .

[⁹⁷ @0l97_]

جِعلْ السّحاب اللي محاويله على الارض الدماث
يباغت هْمومي على غفله مثل ضيفٍ هَشَل

يجتّث سيله ماتبقى لك ورى الصدر إجتثاث
حتى ولو ينشل معاليقي ليا حوّل نشل

ياللي تشيل الهمّ ، وتحطّه ، مثل قطعة أثاث
حطّ اللي تحطّه على صدري ، وشلْ اللي تشل

ماعاد تفرق سوّ ماودّك ، ورِح دون إكتراث
متبلّد احساسي لوْ تغلغل يديك ، وتنتشل

قلبٍ عثت فيه الجروح الدّاميه ، والحزنْ عاث
لعل يمنًى سببت هذا فْـ قلبي ماتشل

كم صاح لك يوم انّك مقفّي ، وكم فيك استغاث
خلٍ على طرد المقفّي ماتندّم ، وافتشل

إِليا قبل ، لا مرّه ، ولا مرّتين ، ولا ثلاث
ومْحاولاته معكْ باءت كلّبوها بالفشل !

[💎 @l294_]

لاطاب وصلك ولا الخاطر من الوصل طاب
كم لي وانا اقف على جالك واعود محيم

ان جيت اصحح خطاك اللي نشوفه صواب
لا المستقيم انعوج ولا العوج يستقيم . .

[💎 @l294_]

كل لحظة غروب وكل لحظة شروق
ايتجدد غلاكم .. وايتجدد وفاي

شوفكم غاث قلبي وازهرن العروق
وطيفكم في عيوني عاش رايح وجاي

انت سارق خفوقي وانت منت بسروق
يادواً ماحصلي وانت يازين داي

المطر ماتهيا وانت كلك بروق
قل احبك بوجهي ماتفيد بقفاي . .