فاقدٍ لي : .. تحفةٍ نسيانها ذنب و ظليمه
الوطن هذا وطنها ، .. و البلد هذا بلدها
الشموخ : إللي محبتها ولو غابت مقيمه
بينها وبيني ، مقادير الزمن تبذل جهدها !
هي عظيمه بس والله مادريت إنها عظيمه
لين قالو مايعرف الحاجة ، إلّا من فقدها
يامرحبا بالسامعين والمتحدثين وبالخبول
ومرحبا بالي رحل من غير ميسوره
ويامرحبا عداد ماشق الأرض من السيول
ويامرحبا بالقصيد ان جاني مذكوره
ويامرحبا بالزين الي يفرق عن كل زول
ويامرحبا بالي عطوره بثوب منثوره
اقبلي يا طب قلبي وارتياعي
اقبلي عقب المسافات الطويله
واحضنيني ي جميله من ضياعي
الضياع الي ما خلا لي وسيله
مرحبابك من ذراعي لذراعي
جابك الله علم وانتي حلم ليله
مدعين الحب والشوق الصناعي
كل ابوهم فدوتن لك يا جميله .
كل شخصٍ له مزاج وميزةٍ تحسب له
الذوايق تختلف والحكم حكم القاضي
كل شيٍ في الزمان اللي مضى نطرب له
والعيون اليا بكت ما تبكي الا الماضي
السوالف ف الخلا مع شايبٍ عند ابله
افض�� من السينما ومن الكلام الفاضي ،
أنت ياللي كل ما هزّ المحاني طيفه
جرّني طاريك من ربعي ومن جلاسي
كانك اللي فالمحبه موجسٍ له خيفه
والله إنّي بين لوعة خاطري وعماسي
كل حبٍ غير حبك ينكشف لي زيفه
وكل طيفٍ غير طيفك مايهزّ إحساسي
وكل وجهٍ غير وجهك فالوجيه اعيفه
وكل صوتٍ غير صوتك ما يقنّد راسي ..
أحبّها صح بس أحبّها بأحترام
حتى من النفس صاينها ماضرّيتها
كتبت فيها البيوت اللي بعضها حرام
وانا علي الحرام أني ما مسّيتها
أطهر من الغيث لا وطاه بطن الغمام
وأنقى من أنقى هناديبي لاغنيتها