عبدالله ابن عمير

شاعر، إن لزم الأمر تجدني

[يقين @1gheith]

هذا الدعاء عظيم جدا

[عبدالله ابن عمير @l3meer]

يـ الله انا المذنب وانا الندمان
ارجو الهداية والعذاب اخشاه

تأمرت نفسي مع الشيطان
وانا لحالي .. عينني يـ الله

[قرآن| Quran @4vl_p]

{فَمَنِ اتَّبَعَ هُدَايَ فَلا يَضِلُّ وَلا يَشْقَى}

[عبدالله ابن عمير @l3meer]

يـ الله انا المذنب وانا الندمان
ارجو الهداية والعذاب اخشاه

تأمرت نفسي مع الشيطان
وانا لحالي .. عينني يـ الله

[وزارة الدفاع @modgovksa]

بلّغ عن المشاهدات الجوية المشبوهة عبر التطبيق الوطني الشامل #توكلنا.

#وزارة_الدفاع

[أخبار السعودية @SaudiNews50]

مجلس حضرموت الوطني ينظم حفلًا لشكر السعودية على مواقفها الأخوية ودعمها المتواصل لمحافظة حضرموت.

-

[عبدالله ابن عمير @l3meer]

لا تقول العمر فرصة كان عدت عدّا
الفرص دايم خطاويها تعدّي عجله

كان ما ضحيّت في عمرك تراك مبدّا
نادر اللي يستحق انك تضحّي لأجله

[عبدالله ابن عمير @l3meer]

المجد والعزّ عبر الصورة الحية
«يطمن المسلمين ويردع الظالم»

هذا «معزي» موحّد لـ السعودية
وهذا «محمد» قريب يوحّد العالم

#محمد_بن_سلمان
#السعودية_العظمى

[ثمانية @thmanyah]

كتب أبو شروق كثيرًا عن تغير الناس والطباع والوفاء في الزمان الأخير.
يقول «مدري البلاء في الناس ولّا الوفاء طاف»، كما كتب عن أصدقاء المصالح، فما القصص وراء هذه القصائد؟
https://t.co/EdO94AZsNf

[عبدالله ابن عمير @l3meer]

تعدي يا طواري هاجسي لا انفضوا الجلّاس
وخلّي حزني الأول .. انا في حزني الثاني

انا عندي رسالة موجزة موضوعها حسّاس
بعنّونها فتى العشرين عانى ظرف انساني

يا ذات الحسن يا خطو اللعوب المترف الميّاس
موافاتك منيّه .. والله اللي منك نجّاني

تجردتي وجيتي جيّة اللي ما تهاب الناس
وانا عيوني تحفوّت بك وعيّا ينطق لساني

حرصت اوصف لك بـ فن البلاغة صادق الإحساس
تحيرت وطمعت بكل كلمة توصف اشجاني

اثر حرص الغناوي كان زاد يوّرد الافلاس
جفيتيني وانا اللي ردني خايف لا تجفاني

قصرتي كف وصلك قبل اشده عن شعور اليأس
وانا للحين دهشة جيتك .. عيّت تعداني

هذا عذري عسى يوصلك قبل يذعذع النسناس
وطرقًا لا بغيتي يوصلك .. لـ اسمي وعنواني

[عبدالله ابن عمير @l3meer]

يغيب المعنا كل ما هبّت الانسام
غياب المصد اللي ما ندري وش ظروفه

ولا تحرجونه في علامات الاستفهام
ترا احيان تسبق عبرته منطق حروفه

[عبدالله ابن عمير @l3meer]

لا حول ولا قوة الا بالله

#بخيت_السناني

[عبدالله ابن عمير @l3meer]

تدق صدرك بالرياء والاباطيل
وتزوغ عينك في نهار المواجه

لو يستريح اللي عزم له رجاجيل
ما يستريح اللي يولّيك حاجه

[عبدالله ابن عمير @l3meer]

يا ضايق الصدر كيف اوسّع الخاطر
والارض ما عاد تاسعني مناكبها

اول ليا ضقت رحت لـ مرتع الفاطر
واليوم اجيها واشوف الضيق راكبها

ما اداني الجمع .. ولا اداني الماطر
ما ودي اشوف "فرحه" ما اواكبها

خلوني امشي عساي اوسّع الخاطر
دام الله يقول {فامشوا في مناكبها}

[عبدالله ابن عمير @l3meer]

"الحب،الاول"

يوم رحت استوعب انه هام في حسنك وغيّك
ومن هذاك اليوم لين اليوم ما جاب المقوّل

لا بدا له"نوض برق"ولا بدا له"نوض ضيّك"
همّل الدنيا وراح بمرهف احساسه يموّل

اشهد ان الروح مالت واشهد ان مافيه زيّك
ليت لي قدره وارجع ما مضى يا الحب الاوّل

[عبدالله ابن عمير @l3meer]

"سهجت الديار"

[عبدالله ابن عمير @l3meer]

انا بين ما يملي ضميري وبين وبين
مشتت واحس اني بـ عالم عن العالم

اشوف الحيا ما يشمل العالم الحيين
واشوف الخصوم تضد والصاحب مسالم

واشوف الهوى والحب مثل النيا والبين
واشوف العرب ما فيهم الداله السالم

سهجت الديار بـ قو صمله وشقت العين
ماقلت المساري موحشه والدهر ظالم

يا لو الضروف تشيّب الشاب ابو عشرين
انا ما اشكي الا لـ الله الواحد العالم

[عبدالله ابن عمير @l3meer]

يا قو الحنين اللي يشابه لهيب السمر
يحث الضمير ويحرق القلب صاليّه

على اللي دموعه ليل فرقاه مزنًا همر
بكاني وانا اللي سلوّتي بين اياديّه

تركته وهو سالب فؤادي ويامر امر
على القلب كنه حاكمه بالعبوديّه

صحيح نتنازل لـ المحبه لكن العمر
بدون الكرامه .. يقطع الله باقيّه

[عبدالله ابن عمير @l3meer]

قادر آصف ما يعجّز دهاة الواصفين
بس عند عيونك السود مدري وش بلاي

انتي عيونك تعدت عيون الحاسدين
الحسود اعمي عيونه وبعيونك عماي

[عبدالله ابن عمير @l3meer]

يا معاناة الفقارى ويا حلم السنين
ويا شعور الشاعر الفذ واشراقة سماي

هاينًا هرج العواذل وضحك الشامتين
من هرج بي كلها وقت ويدوّر ذراي

لو ظهرت بلا مشاكل بدون محاربين
بتّساوى حي شوفي وقْل الله حلاي

بس لا جاء الراي منّك يا سيد العارفين
يُعتمد رأيًا سديدًا ولا هو بـ اي راي

لو جمعت الكون كله بشعري معجبين
ما رضيت الكون كله ليا اعجبتك رضاي

قادر أَصف ما يعجّز دهاة الواصفين
بس عند عيونك السود مدري وش بلاي

انتي عيونك تعدت عيون الحاسدين
الحسود اعمي عيونه وبعيونك عماي