Arjani .

اساير الأيام بحجاجٍ ضحوك . .

[Arjani . @l3rj9]

سج ياراسي من الدنيا ومن صافاك صافه
الوداعة لـ المودّع . . والهلا للمرحباني

[Arjani . @l3rj9]

كل ما لديت فـ النايفات من الجبال
شفت جرّة شرهتي راقيه و محوّله !

- سعد بن جدلان

[Arjani . @l3rj9]

حتى اللي بيني وبينه معرفة من زمان
على كثر ما عرفني ، ، ما عرفني عدل !

- عبدالله السراهيد

[Arjani . @l3rj9]

زندوني يا بني عمي جوازي
دام رجمي عاوي بـ الشر ذيبه

كل ما طقيت فـ الدار ارتوازي
بارت الدنيا وقفت بـ اللي هيبه

والله ان اموت ما بان اهتزازي
والزمن خله يجيب اللي يجيبه

والرفيق اللي يضايقه اعتزازي
يتلقى للخلا .. ويطر جيبه

ابك انا يمناي مصدر لـ اعتنازي
لـو اضوي كارثه ولا مصيبه (:

[Arjani . @l3rj9]

مزاجي بحاجة لدكتور نفساني
يرتب أفكار ما فكرت / أرتبها

احيان أصلح علاقاتي على شاني
وأحيان ما ارتاح لين إني اخربها ؛)

[Arjani . @l3rj9]

فرقا عزاز ولا مهانة مواصيل
وغيبة حشيم ولا ملاقا مهونه

نجي رجاجيل ونقفي رجاجيل
حنا كذا وأنتم على اللي تبونه .

[Arjani . @l3rj9]

انت الحبيب اللي مبدّا على الغير
وكل الكلام اللي .. يجيبك مبدّا

دام الخطايا في وجيه المعاذير
والله ما يضعف .. حبنا ويتردّا

قلبي عليك آرقّ من ريشة الطير
يا ليته إليا قلت له " هدّ " هدّا

كانك هديه من يدين المقادير
فـ انا مدينٍ ،، للمقادير جِدّا

[Arjani . @l3rj9]

حنا كبرنا على المشروه والانتقاد
سمه تغافل تجاهل سمه اللي تبيه

حتى الرفيق السنافي والرفيق الحشاد
من خيب الظن منهم ماشرهنا عليه

يمرنا يعتذر عقب الزعل والعناد
ويروح من عندنا ما سمع شرهه وليه

أن قال كبوة جواد نقول كبوة جواد
وأن قال طيحة جمل قلنا جمل ما عليه

- مبارك بن رادعه

[Arjani . @l3rj9]

بنت البدو يوم تلّت قلب / عرجاني
تخطيطها ايجابي وتنفيذها سلبي

اقول انا "عاطفي" وتقول قحطاني
وقول يامي لكن العاطفي / قلبي !

[Arjani . @l3rj9]

يالعفاف المهذّب، والحيا والحشيمة
والجمال الحقيقي … والوقار المهيّب

كل عينٍ ماتشبع من عيونك كريمة
ما لحسنك شبيه ولا لزينك معيّب

ماتهون المصايب والجروح الأليمة
لين شعرك من العود المعتّق يطيّب

وكل فكرة تغنّى فيك فكرة عظيمة
لين راسي يشيب، ولين قافي يشيّب

[Arjani . @l3rj9]

ياشبه يا ويش أشبّه انت مالك ثاني
تشبه التأخيره اللي كل أبوها خيره

اخذني ولا تفكر حتى بـ استئذاني
طق في قلبي طبول الحب و أضرب زيره

في وصوفك والله انه ما يصح لساني
من بذاخة هيمنتك و حسنك وتصويره

جانيٍ و أنا من اللي يزبنون الجاني
ازبن بصدري وعده لك مقر و ديره .

[Arjani . @l3rj9]

انا صلف واسلوبي مع الناس نص ونص
على فطرتي عايش مزاجِي / وتلقائي ؛ )

[Arjani . @l3rj9]

كانك تحداني على عزة النفس
أموت ما وطيت لناس راسي

فيني شموخ غارسه شايبي غّرس
ومهما يجور الوقت ما لان راسي

أبوي علمني وانا حافظ الدرّس
ماقدر اخالف سلم جدّي وساسي

انا حمست العزّ في داخلي حمّس
وهيّلت فنجاله وقنّدت راسي

[Arjani . @l3rj9]

كم لي وأنا منك لا داسم ولا ظافر
يا ويل قلبي عليك ومنك ياويله

جيتك من أقصى الدروب وبكره مسافر
على مواويل يا دنيا من أنتي له!

عطني من الوصل لو بـ روس الأظافر
إن شفتك اليوم ولاّ شفتك الليله

[Arjani . @l3rj9]

يارفيقي ليت ماهي بدايات اكتئاب
عقب ماكنت اجتماعي نشوفك منطوي

لك سنه ما جيت مجلس ولا فكيت باب
مامعك لمقابل الناس دافع معنوي

ادري ان الهم في صفحة المؤمن ثواب
مير انا يوجعني الضعف في وجه القوي

كانها من مال يفداك مالٍ فالحساب
وكانها من حِمل ف ارمه على متن الخوي .

[Arjani . @l3rj9]

خلوني أزبن قلب سِيد المزايين
إلى متى و أنا ، ، ، زبون المجنّا ؟

__جابر بن علوش

[Arjani . @l3rj9]

يقولون لي لاعاد تزعل من الأيام
وأنا أقول وقتي كيف ترضيني أيامه

اشبوحي بعيده والزمن يقتل الاحلام
و بحر الاماني فيه الامواج لطامه

تدور الليالي بين فرحه وعظ أبهام
والانسان في ذا الوقت عايش بـ دوامه

تجرعت ضيم الوقت والوقت ماينلاّم
نلوم العرب اللي مع الوقت ظلّامه .

[Arjani . @l3rj9]

الله درا عن ( رفيقي ) وينه مغيّب
جعل الجفا مايطوّل بيني .. و بينه

علمي به .. إللي يجري كل متهيّب
و يبدّي الهقوه الزينه على الشينه

ياليت صدري وسيع .. و سده قريّب
عشان ماشره عليه ولا أنشده وينه

هو طيّب و سمعته زينه : وأنا طيّب
ما أرضى على الطيّب إللي سمعته زينه

_ مبارك بن رادعه

[Arjani . @l3rj9]

الحديد يَفك بالضرب والقاسي يليين
وقو عزمك لو ضعوف الرجال تحاربك
ٰ
داحم اهل الطيب بالطيب والجنب المتين
لين عطران الشوارب . . تعطر شااااااربك .

[Arjani . @l3rj9]

وشلون املّ المكابر فالامور الكبار
والكبريا جزء من نفسي و تكوينها

عجزت لا اناظر الدنيا ب عين انكسار
ادعس على غارب الايّام واهينها

مايعتذر بالظروف الّا عديم القرار
وما يبكي من الحياه الّا مساكينها

[Arjani . @l3rj9]

فجوج الخلا طب الجرايح بلا جراح
ليا عودت ما بين باني وقضاضي ؛)