علي العسّاف

شاعر

[علي العسّاف @l3saF]

قصيده :

لو إنّ القلوب الخضر تاتي على المشهاه
نذر ما لحقني قل صحه ولا منقود

تشوف السعاده ترهم الوجه ومحياه
مثل ما ارهمت نجد العذيه على ابن سعود

ولا عاد تسمع بيت مترمزٍ معناه
تفاصيله بحاجه للجنه وخمس شهود

يمرك عذوبٍ رغم سبكه وقو بناه
إلى أوحيته تحسبه تقاسيم نوتة عود

لعمْرِي وانا عمري ما عدت احسبه وادراه
على اخير عهدي قبل اضيّعه عقد وزود

يوم البيت ما يركب على لحن من غنّاه
ما غير اردف ( من البارحه ) فـ ( الليال السود )

واتل العبيّه واشلع الصوت بالتوداه
وانا وقتها لاني بفارس ولا أقني ذود

لكن فطرة الإنسان ما دسها مرباه
تبيّن قبل يشتد له فالليالي عود

اعرف الكريم محرّم المال عن مخباه
من النبره ان شاف الطراقي عليه وفود

واعرف الردي من نظرته خل عاد حكاه
تقول انه مهرب وانا ضابط أمن حدود
'
علي العسّاف

[علي العسّاف @l3saF]

مشاريه خلق الله ما عادت (ما بين اقواس)
وانا انسان من مده ترك كل ما يكره ..

لا يشره علي إلا سنافي وطيّب راس
وضعيف الروابع ياكل تراب لا يشره

[علي العسّاف @l3saF]

ما احدٍ نزت به نفسه لـ ذلِّك نزو
لا صرت للي ما انتكس بيرقه جار

جارٍ فتح داره لنا وقت الغزو
ماهوب ذاخر عننا فتحة مطار ..

[علي العسّاف @l3saF]

قلب المحكحك يشبه الضلع المنيف
لا شاف حكّة عوده الهافي محك

ما يشتكي جور الزمان الا الضعيف
ولا السنافي لا كبر همه ضحك ..

[علي العسّاف @l3saF]

يا خال ما عادت منافس بهايم
وصوت العزاوي يصطلي فالميادين

تكاتفو دونك وساع العمايم
من حِلة الصيهد لـ هضب الدياحين

روسٍ تذب الريع خل الخرايم
للي يدّور مجد ربعه ليّا الحين

في مزاين وغير المزاين صتايم
يوم السيوف الحدب دون البعارين

اسمًا تصدّر في جميع القوايم
على المراكز الاوله دوم شرهين

الين جيت بجيّةٍ ما تلايم
ساطي ولا لك خشر فوق اربع سنين

نايم ولا همّك مجي التهايم
ومطير ما نامت لها حول يومين

ترقب زعل واحمد ونشمي ودايم
اسماهم ترجّح كفف الموازين

الا لا جا بوشك حريب العزايم
وروّح هقاويهم على واحد اثنين

صدّوا مصدّه ما وراها ظلايم
" يدٍ ما تقوى ردّها قدّم اللين "

العام خليت البنادق غنايم
وزدت العشيّه كل صفرا حمر عين

ما يقلط الناموس ويروح صايم
لا صرت من ترثة معشي القطارين

'
#عبدالله_الدبوس
#مهرجان_الملك_عبدالعزيز_للإبل10
#زعل_الديحاني

[علي العسّاف @l3saF]

رتم القصايد مع فجع الضماير يزيد
ما زال للشمس نورٍ فالسما شارق

انا بحاجة فراق يهزني من جديد
الشعر زينه لا صار الشاعر مفارق

[علي العسّاف @l3saF]

متواتر اللفظ في طيبه مع المسلمين
أحسبه والله حسيبه مدحته سنه

من زود ما ختّم الافعال دنيا ودين
ما عاد باقي له الا يدخل الجنّه ..

[علي العسّاف @l3saF]

انا اللي بغير العشق مترامي الادراك
وفي حلته مع كل نبضة خفوق أثمَل

واشوف الدروب الواجده درب للتكّاك
على كثر ما اهمّل مساريه ليت أهمَل

سبورٍ وقف خوف يتعلق بعيد هناك
ليا اجنب بعقله ، قلبه لمن يحب اشمَل

تذكّر يا قلبي من قبل لا تجيب اقصاك
" ترا دايم اللي تعشقه من بعيد اجمل "

[علي العسّاف @l3saF]

مرحليه بعنوان : وديعة نفس
'

سرت والعمر دربٍ بعد عينها مسدود
عسى الله يحرم وجهها الغر نيرانه

بكاها بكى ال مره على جابر المسعود
فقيدٍ تثاقل حثْية الرمل دفّانه

وانا ابكي وديعة نفس ما مسني منقود
لو ارخي لها دمع رحم مسّة اجفانه

لا جا بيته لساني احس بطعم بارود
من يلومني في كره صح الله لسانه

[علي العسّاف @l3saF]

قل للحزين اللي من الدنيا فلس
المقبلات آغر من وجه ال�� أُوَل

من يرفع التاريخ كله لا جلس
يرفع وهو يضحك عقوبات الدول..

#محمد_بن_سلمان

[علي العسّاف @l3saF]

خير خلق الله تعالى قيل فيه
مير سكّر دونها سمع وجفن

ما يعذرب راعي الطيب النزيه
عادة اللي يعذرب الطيّب ( عفن )

[علي العسّاف @l3saF]

حبيبي وفطرة الآدمي تسبق الأدراك
ولا يرحم الثنتين فرقى العيون الورف

تخيّل حقاق المزن وصوته بعد فرقاك
غدى امر وامغث من مشاريه قاصر عرف

[علي العسّاف @l3saF]

رفيقي وانا اعرفك مشارهك بالميزان
ولا انت الرفيق اللي كلت راسي اسألته

لا تشره علي ان كبلت صدري الاحزان
ترا الطيّب احزانه تجي بقدر مرجلته..

[علي العسّاف @l3saF]

@dawwodalshmriy صح الله بدنك 💐

[علي العسّاف @l3saF]

اللي ذوت من فقد شيّال الحمول
وجروحها من بعد عينه غايره

قولولها ترقب على الباب الوصول
ماعاد فيها زاير ولا زايره

دام ابن عمه يحتمي قول ويطول
يموت ما دارت عليه الدايره

من كثر ما فعله فرق بين الزحول
عجزت حتى فالقصيد اسايره

شيخٍ جعل بنت السما مثل الزمول
اللي حداهم شوق عين الذايره

صرح بعلمٍ ثوّر اصحاب العقول
راحت عناوينه شراته ثايره

" من بعد ما سبّل نوادير الفحول
الشمري ناوي يسبّل طايره "

[خالد جدعان اللغيصم @KAllagisem]

مساء الخير اهلنا وتيجان روسنا ابناء شمر وجمهور باشات شمر من جميع القبائل باذن الله تعالى في حال فوز باشات شمر في الطائره سوف تباع فورا وتكون لجنه وتسدد ديات ابناء شمر . التصويت اليوم
الله يرزقنا الإخلاص بالقول والعمل
#شكرا الشيخ فهد بن حثلين

[علي العسّاف @l3saF]

@benjadaanayed صح الله بدنك ، ولا عليك زود يا ابو جدعان 💐

[علي العسّاف @l3saF]

حجّت وانا ما كان لي نيّة رَفَث
مصبرٍ نفسي عن اللي تشتهيه

لكن بعد ما قرّب ابليس ونفث
ما دون حلق الأدمي إلا يديه

اللي كسب ماهوب مثل اللي ورث
افْرق من اللي ( يشرّه ) و ( يشْره ) عليه

الله يعاقب من حشى الذود وحرث
ويرحم كريمٍ عدها تِركة ذويه

جا يصنع التاريخ ما يصنع ��دث
متحملٍ هقوات قومٍ تعتزيه

يومٍ لمح من بعد ما كبّر خبث
" فارق محلٍ ما يقام الفرض فيه "

واللي ثلاث ارباع مجده بالعبث
ماهو بكفو لصاحب المجد النزيه ..

[خالد جدعان اللغيصم @KAllagisem]

تيجان روسنا أبناء قبيلة شمر وجمهورنا الغالي من جميع القبائل نعتذر عن المشاركة في مهرجان الملك عبدالعزيز للابل في النسخه التاسعه وبالتوفيق لجميع المشاركين

[علي العسّاف @l3saF]

كرهت الحضور الدايم الباهت المنعاف
وعشقت الغياب اللي غنايمه معروفه

على كل حال أنا ( علي شاكر العسّاف )
الى غبت بالشوفه والى جيت بالشوفه

[علي العسّاف @l3saF]

@Saif_AL3yadah عسى الله يتمم لك ��لى خير ويبني بيتك يا ابو بندر