أ.لولوه

ألف رَغبه ، وألف مانِع
🇰🇼

[أ.لولوه @l53xi]

إن بقى لي حبّ جعله في قلوب أخواني
و إن بقى لي ذكر جعل السمعه أبرك سمعه

عايفٍ لذات بقعاء كلها .. من داني
زاهدٍ ماعاد لي فوق البسيطة طمعه

غير دعوة مستجابة من حدّا شيباني
بين زمزم و الحطيم و آخر نهار الجمعة

[أ.لولوه @l53xi]

ولا فاز بي غير اللي قطع ثمان بحور
كتب قصة عيوني بسرّ و علانيّه

[أ.لولوه @l53xi]

من لايعزك في حياتك وينْفَعَكْ
الموت ماعقبه رفيق وصداقه

لاصار ماهو عند لازمك يسمعك
خله يروح وخير مالك فراقه

وعليك باللي للجزيلات يرفعك
الصاحب اللي للمفيد أشتياقه

اللي عن المكروه والشر يمنعك
وفي عشرته دايم وثيق العلاقه

[أ.لولوه @l53xi]

يقولون وين اللي(يمثّل) بكل اتقان؟
واقول اكثر العالم بدا يتقن التمثيل

شف اللي يمثّل دور عنتر وهوْ جبان
وشف اللي يمثّل دور حاتم وهوّ بخيل

وانا فيه دور (يشدني) فـ أكثر الاحيان
احبه واحب اللي بعد يتقنه بالحيل

احب الفقير اللي(مسوي)غني..لو كان
مايلقى عشاه اللي يعشيه ذاك الليل

[أ.لولوه @l53xi]

اكابر واوقف وقفة المدرك المحتاط
واغث الحقود بضحكةٍ تستر اوجاعي

وانا يوم اخفّي نظرة الحزن والاحباط
اختل المشاعر .. ختلة الذيب لـ الراعي

[أ.لولوه @l53xi]

البارح اغليك واقرب لي من ثيابي
يوم اني أظماك لامن رحت .. واجوعك

واليوم مستكثر بك صادق عتابي
حتى لو انك ترش القاع بدموعك

خسرتني وانت دايم تحسب حسابي
تحسب حسابي غلط ويضيع مجموعك

لاتنتظر رجعتي يا " اكذب احبابي "
إن مات ورد اللقى وإن ذابت شموعك

[أ.لولوه @l53xi]

عتابنا طيّب — ومشروهنا ذرب
وان وصلت حدود الملام! اختفينا

[أ.لولوه @l53xi]

أمشي السالفة من طيب نيّاتي
لو هي على وجهها ولا مقفّاها

مدامني صح لا أفكر ولا أحاتي
واللي نوى لي بنيّة سوء يلقاها

أشوف ناسٍ تضاعفني من سكاتي
ما تدري النفس عدّتها من رضاها

وأشوف ناسٍ تبي تكسر طموحاتي
والحمدلله أجيها وأتعدّاها

[أ.لولوه @l53xi]

ما تجتمع في الرجل غدر وشجاعة
واهل الوفاء ما تنكر الملح والزاد

الملح في دكانه ارخص بضاعة
لكنه أغلى شي في سلم الاجواد .

[أ.لولوه @l53xi]

👌🏽

[أ.لولوه @l53xi]

جاملت لي غالي على شان ابرضيه
واثري ارتكبت اكبر خطايا حياتي

لبست لي ثـوبً ولا ني براعـيـه
وضيـعت ذاتي كلها بوسط ذاتي

كبوة حصانً ليت مانيب واليه
طاح وطرحني من على الطايلاتي

غلطة عمر ساقت علي المشاريه
وسجدة سهو تاجب علي بصلاتي .

[أ.لولوه @l53xi]

عليم الله بالصدر الرحيم الطيب المكشوف
على النية وكل اللي وسط قلبي على لساني

ملذات الحياة وزخرف الدنيا مَلتني خوف
يا كثر اللي بعد ما زانت الأيام خلاني

عسى طيبي معاهم بالحياة الفانية مخلوف
وعسى طيب الحظوظ تعزني عنهم وتنصاني

[أ.لولوه @l53xi]

صدورنا ماهي بـ دايم رحيبه
ياللي زعلت من الكلام الصحيح إرض

نصمت عن اللي فيه شكّه وريبه
خبل ٍاليا سمع السوالف دخل عرض

سوالفه مابين نمّه و غيبه
اما شذب عرقوب ولا هتك عِرض

ونمسح خطاء الطيّب على شان طيبه
ولا الردي لـ اخطاء مسحنا به الارض .

[أ.لولوه @l53xi]

مشيت وكلمتي كلمة ، بلا تبرير واستعطاف
يكفّيني أكون أكبر من اللي هم يظنونه

أجي مثل السحاب ولون قلبي أبيض وشفّاف
وأكون أكرم من حضوره وأروح أعذب من مزونه

عيوني للحسن قبلة ، وجفني للحبيب لحاف
وروحي لأجل من يستاهل الأشواق مرهونه

وقلبي مستحيل إنّه يرد يحب ! لامن عاف
ووجهي مستحيل اللي لقاه يعيش من دونه

أنا ما شفت بعيون الاوادم للوحيد انصاف
يخلونه على درب انتظاره ، ما يمرونه

خريفه طال والمشهد بعينه صار ما ينشاف
ضبابية تفاصيل الحزن — ما تاسع عيونه

[أ.لولوه @l53xi]

يارب من غيرك من الشرّ يحماه
طوّل بعمر أبوي لو أخذت روحي
يا أبوي لك وجه الرضا مرخصٍ ماه
وأرخصت لك قبله عيوني وروحي
قلبي على طاريك لبى من أقصاه
وتركد بك أعصابي وتبرأ جروحي
مامر بي من عزّ كيف أقدر أنساه ؟
وأنت الكرم منك يشيد صروحي 🤍

[أ.لولوه @l53xi]

لا تحمّلني الذنوب اللي ماهيب ذنوبي
يوم صرت اتدوّر الزلّه ولا تلقاها

خل عاد انك تعذرب والله ان عذروبي
يوم كبّرت الهقاوي وانت ماتزهاها

[أ.لولوه @l53xi]

"الفاهم رحيم .. كل قاسٍ غبي بالضرورة"

[أ.لولوه @l53xi]

اي والله اداري على اسمي مداراه
مْن الملامه واختلاف المكانه

وصلت عمرٍ فيه حتى المواساه
شعورها كنه شعور . . . الاهانه

[أ.لولوه @l53xi]

ياما قطعت الطريق الموحش لحالي
في حزّةً تذبح الساعه عقاربها

مايرخص العمر غير اللي فقد غالي
ومازاد روس الدهاه إلا تجاربها

[أ.لولوه @l53xi]

جاملت لي غالي على شان ابرضيه
واثري ارتكبت اكبر خطايا حياتي

لبست لي ثـوبً ولا ني براعـيـه
وضيـعت ذاتي كلها بوسط ذاتي

كبوة حصانً ليت مانيب واليه
طاح وطرحني من على الطايلاتي

غلطة عمر ساقت علي المشاريه
وسجدة سهو تاجب علي بصلاتي .

[أ.لولوه @l53xi]

لا تحاول تلبس الثوب بالمقلوب
تزيد الخطأ بعناد وتصير متحسّف