وإن جف صدري سحابك جاد هماله
تروي طيوفك ضماه ويزدهر جوفه
مايقنع القلب لامن جيت في باله
إن كان ماتجلس الدنيا من وقوفه
تمشي ليال الوصل وياك مختاله
تضرب تواريخ كل العام بالطوفه
اتهموني بالشغف خلْي القلوب
مادروا بـ إنه وسيلة مهربي
تمضي أحلامي تآفل للغروب
وتشرق آمالي مثل ضحكة نبي
ما غسل دمع المعاذير النصوب
ولا حيا فاسي قبل موت حطبي
وأنت يا طيف المساري والدروب
قل تبيني صدق ! والا ما تبي ؟
داخلٍ بالله وأنا رجل مْحسوب
ناشت الايام دقني وشنبي
وإن حطنا حكم القدر مثل الاغراب
واصلتني غالي وقاطعت غالي
كلش توقعته سوى دمعة عتاب
وارجع بعد طول المسافة لحالي
كنت احسب ان ممدي على كشرة الناب
وكل مالها تقصر رجاوي حبالي
من زود ماطاحوا من عيوني احباب
غمضت بعيوني على اللي بقى لي