اشكرك ياوقت كشف معدن الناس
واشكرك يا جـرح ومنـه تـعـلـمـت
علمتـنـي اعطي لكل احـد مقيـاس
واطيـح واقـف حتى لو اني تـالمـت
لا بـاس يا روحـي و يا قلب لا بـاس
اهديـتـكم للي رخصني و تـنـدمـت
وانا العزيـز اللي ابد ماوطى الـراس
رمز بشمـوخي بكـلامي وبالصمـت
من ردى الحظ قلبي طول الايام خايف
خايـفٍ والليـالـي مـا تجـي لـه بكيفه
ما تجي له بكيفـه مثـل ما كان شايف
غيـب الايـام جالـه بالحيـاه الكسيفه
الحـيـاه الكسيـفـه والعـنـا والكلايف
عقب عـزه تعرقل بالظـروف الكليفه
انـت حقيقـه او اسطوره
مـلاك في صـورة انسـاني
منـك المـزايين مقهـوره
يـا حليـلهـا منـك تعـاني
يـا جـرح قلبـي ودكـتوره
لا تجـرح القلـب بالعـاني
لا يخرج الوضع عن طوره
واضـيـع اسمـي وعنـواني
يا مكحل العينين عذب الاتبسام
تذكـر وليفـك او تنـاسى وليفك
ايقونـة الشاعـر وشـوفـه الالهام
ولا تقـول كيفي لا ما هو بكيفك
مصيافك في قلبي من عام للعام
هـذا ولا يمكـن تغيــر مصيفك
للغـروب بـوسـط قلبـي ذكـريـات
مـا تنـاسـاهـا الخـفـوق ولا نساها
لـي معـاهـا قبـل مـا تغـرب حيـاة
واغرقت شمس المحبه في مساها
يـا عيــون الشـوق ويــن الامنيـات
يـا عساهـا بداخـل عيونـك عساها
هل هي تذكرني او ان الشوق مات
او زمـان الصمـت بالقسوه كساها
ما كـل ضحكـه تهز القلب يشبعها
وما كـل دمعـه تمـر العيـن تبكيها
من شاف ضحكة زماني قال بايعها
ما يـدري اني فقيـر ما اقدر اشريها
يا اللي نثـرتي سنيـن كنـت اجمعها
تكفين هـذي حصـاد العمـر لميها