لافي🤍

عليك اللعنة واللهفة معاً .

[لافي🤍 @lafi1422]

صدري بحر تلطم به امواج بامواج
يبطي خبير الغوص ماجاب قاعه

ادفن همومي به طوابير وافواج
وانسى المواجع كلها بظرف ساعه .

[لافي🤍 @lafi1422]

لاتنشدين الحال حالي خذيتيه
اللي لحقتي من علي جلد وعظام

لو إن قلبي مثل رقمي حفظتيه
ماكان ضيّعك الزمن خمسة عوام.

[لافي🤍 @lafi1422]

حنا شبعنا من كثير الحسافات
على القلوب اللي ملاها السوادي

خلك بنفسك لا تزيد الملامات
غادي ومن يتبع هوى الناس غادي

الناس بين الناس فيها اختلافات
مثل الاصابع تختلف بالايادي

واللي تحسبه سابع المستحيلات
إلا يجي لك يوم ويصير عادي

[لافي🤍 @lafi1422]

ماتجتمع في الرجل غدر وشجاعة
واهل الوفاء ، ماتنكر الملح والزاد

الملح في دكـانه .. ارخص بضاعة
لكنه اغلى شي .. في سلم الاجواد

[لافي🤍 @lafi1422]

عقرب ثرا مسمومة الراس و الذيل
من حر ما فيها تنفخ .. غددها

عاشت على الكذبة دعايه و تضليل
و جاها بلاها يوم ربي .. قردها .

[لافي🤍 @lafi1422]

ودك تعذر بني ولانت ب مستواي
الفرق واضح والآمور موضحه

حتى ولو صححت لي ، تبقا وراي
خطا الامام : الي وراه يصححه

[لافي🤍 @lafi1422]

من حكى بيا عندي حكى بيك
اصبحت مبغضنا وحنى كرهناك.

[لافي🤍 @lafi1422]

راحت عليك وفاز بالقلب غيرك
كان بإيديك وكان والله اسيرك.

[لافي🤍 @lafi1422]

ياصاحبي الدنيا لها طبع ميال
كلن بياخذ من شقاها نصيبه

ماكل من ساق الخيل صار خيال
وما كل طلقه في هدفها تصيبه

[لافي🤍 @lafi1422]

وانا بعد رحت ماطولت مقعادي
مقاعد الذل نفسي ما تدانيها

ازهد بها واترك الجمّال و الحادي
والله يـ لو تنوزن بـ ألماس مابيها

من باعني لو تكون اجداده اجدادي
بعته وبعت الديار اللي سكن فيها

[لافي🤍 @lafi1422]

و تقول الأرض من الأوادم بور !
ماهو على شان القبور كثار ؟

اللي دفناهم بدون قبور "
اكثر من الموتى بتسع أعشار .

[لافي🤍 @lafi1422]

أخطيت والعاقل يعدّل خطاياه
مْن الخطأ ما فيه نفس مْعَصومة

أكبر خطأ طاوعت قلبي و سوّاه؟
يوم إنّي أعمّر بيوت مهدومة.

[لافي🤍 @lafi1422]

يوماً ما قتلت زهرتي المفضله بإعطائها الكثير من الماء .🍂

[لافي🤍 @lafi1422]

راحت سنين العمر راحت سنينه
وانا على باب الامل واتحراه

ياللي توصيني على الصبر وينه
وتقول حث الصبر لو يلحق اقصاه

الصبر مفتاح الفرج خابرينه
لكن مفتاح الصبر وين نلقاه ؟

[لافي🤍 @lafi1422]

لاترتكي دايم على المال والزود
والجاه والمنصب والاسم المعرّب

يمكن تثور في الخبا وانت بارود
ولا تصدّي وانت سيفٍ مجرّب

[لافي🤍 @lafi1422]

انا تغربت . . . . والمكسب من الغربه
حذفت بعض الفشق من عدة احزامي
.
وش حاجتي ، في رصاصٍ ما يثوربه
اليا بدت حاجته . . . يبلش به الرامي !

[لافي🤍 @lafi1422]

بقى ذنب واحد من ذنوبي عجزت أنساه
بعد ما هداك الله ياقلبي على التوبه

لك الشوق ياذنبٍ تركته لوجه الله
عسى سيئات الشوق ماهي بمحسوبه

[لافي🤍 @lafi1422]

الفـقر مـثله مـثل داء الخبـيـث اللّاوي
لـ الكريم الـلي عيـونه للـعلا مـتجهه

السـلف فـي نـظرتـه مـثل أبـرة الـكيـماوي
تـقضـي الـلازم و تلـعب فـي مـلامـح وجـهـه

[لافي🤍 @lafi1422]

البدو لاضاقت من القاع شدت
وانا حشمت النفس عنك و شديت .

[لافي🤍 @lafi1422]

تترك القلب يسلا ثم تطري عليه
ثم تشلع معاليقه —– وتلعن ثواه .