هادي آل عامر

تبسّامك اصدق ، لا غدا ضحكهم مشبوه!

[هادي آل عامر @lb_2e]

﴿ وَما كانَ اللهُ لِيُعجِزَهُ مِن شَيءٍ ﴾
اللهُم اشفي والدي ، اللهُم الطف به وردّ له عافيته يارب أنت القادر وأنت القوي وأنت المُعطي وأنت الشافي المعافي

[هادي آل عامر @lb_2e]

@wzv112 صح الله لسانه والله يطول عمره ويخليه لكم

[هادي آل عامر @lb_2e]

اقول ياصدري من الضيق لا باس
ان مرّ في بالك لحٓن حزن غنّه !

لازم تذوق ، اللي يذوقونه الناس
" هذا الفراق اللي يقولون عنّه "

[هادي آل عامر @lb_2e]

من يطول رضاك يا عنق المهاه النافر ؟
ليت قلبي . . له تحت بارد ظلالك فيَّه

أنت ما تحتاج ثوب ، ومسكره ، واظافر
أنت وجهك صبح عيد وضحكتك عيديّه

[هادي آل عامر @lb_2e]

على أوّل صباح العيد يا منوة الطحطوح
لا تنسين من لك وسط قلبه مكان وخصّ

تهادي علي بـ الطلّه اللي . . ترد الرووح
انا فـ انتظارك من سبع ( لين سبع ونص )

[هادي آل عامر @lb_2e]

يا حبيبي من قضبت اللّغف والمنشرحه
جرّتك من غيبتك ؟ يسفي عليها السافي

والله ان العيد من دونك . . بليّا فرحه
ما لنا بك علم ، اربّك طيّب ومتعافي ؟

[هادي آل عامر @lb_2e]

@9wi_0 رحت مني . . قبل جرحي لا يعيّن طبّه
ليت عينك عقب ماصدّت شعفها برقي

[هادي آل عامر @lb_2e]

@SS1133Q @GoldenDose مسح رأس الصغير يعبّر عن معاني الحب والدفء والحنان ، والصغير بأمس الحاجة لذلك وهذا الأمر سنة نقتدي فيه بالنبي صلى الله عليه وسلم ونثاب على ذلك ، والله ما اعرف الرجال بسلامته لكن انتي دخلتي في نيته واتّهمتيه بسوء النيّه والوصاخه ، لكن الله يصلح حالش هذا الي اقوله

[رفعان العرجاني @Refaan_alarjani]

ان شفت من صوبي عداوة تفاخر
اتلى العهد بك طيحتك من عيوني

فالعفو والغفران مانيب ذاخر
عدواني اعلى شان ماهم بدوني

ان افترقنا ماحداً سب الآخر
وان التقينا اوجعتهم واوجعوني

[هادي آل عامر @lb_2e]

@Eiar_q8 اخي عيّار الترتيب الصحيح موجود بحسابي الله يعافيك انت كذا عفستها شوي 😅

[هادي آل عامر @lb_2e]

مابه محاصيل — بليّا مذاري
زيدو من الطاعه وصومو وصلّو

َقال النبي : فيما رواه البخاري
( فلن يملّ الله حتى تملّوا )

[رفعان العرجاني @Refaan_alarjani]

لا تقدّا فالعرب داني وقاصي
خلك اللي يبلشون ويتبعونه

حكمة الشيبان بيضان النواصي
من تعلق فالعرب ماينفعونه

ماورا طرد البنات الا المعاصي
ولا ورا طرد الرجال الا المهونة

[هادي آل عامر @lb_2e]

افقر فقير . . تْقول يملك ملايين
لا قيل ياهل العون ؟ قطّ العمامه

جدي مسفر الله يرحمه ويغفر له

[قصيّد 𓄄 @2u__l]

احبك بـ قلبٍ غير مدرك ولا له شوف
و احبك بـ عقلٍ واعي جروحك الكبرى

واحب اتمادى لين ما اخرج عن المألوف
و احب الجروح اللي من يديك ما تبرى .

[هادي آل عامر @lb_2e]

@fg__609 @h_ksa2014 @Na13der ياولد من الاخير انت ك-لب مشاهدات وبعيد عن المشاهدات انت تبع ولا لك كلمة ف اكيد انها ماتفرق معك وان كلها سواء لانك عايش حياتك كلها تبع وضعيف

[هادي آل عامر @lb_2e]

@i5uled @naughttttttty @fg__609 يولد ذولا يرضخون كلهم قسم بالله مافيهم الصاحي ويحاولون يبررون له بعد في كل شيء ، الله لايبلانا

[هادي آل عامر @lb_2e]

القلوب السود شتّى وتحسبها جميع
والوفي والله ل يبطي ، وجوّه ما صفى

انت كيف تعذرب الهرش ياحوار الربيع ؟
وانت مالحقك من الوقت جوع ولاحفا

يوم اجي وادخل عليكم من الباب الوسيع
الله اعلم كم تعثّرت مرّه . . ب الخفا :)

[هادي آل عامر @lb_2e]

يا حبيبي لك من اطلال المزون اطلاله
والجمال اللي تناقله الرواه . . ويروى

كان عيني مارتوت بك شوف ماهي حاله
والله ان تشرب من الدمع الغزير وتروى

كل ما يدرك رضاك ادوّره . . واسعى له
مثل سعي المعتمر بين الصفى والمروى

[هادي آل عامر @lb_2e]

قبل الليالي لا تعصاني وتكسر عصاي
ومن باب الايام ما تبقى على حالها

ودعتك الوجنتين اللي عليها ضماي
من دمعة الفقد لا واقت على جالها

[هادي آل عامر @lb_2e]

من شاف عين الجفول الشارد الحذره ؟
اللي خذ ( الروح ) في غيابه و علّقها

ليته سلبها الحياه . . وجعلها نذره
ولاّ تركها لـ وجه اللــه واعتقها !

يخطي ، واروح التمس له عذر ، واعذره
من صوبه( العين عورا ) ( والاذن صقها )

[هادي آل عامر @lb_2e]

تشوف صدري على الدنيا وأهلها رحاب
تضيع ( فرجة مناكبها ) ما بين اذرْعي

وتقول لك كلمةٍ ما تحسب لْها حساب!
تاخد لها مدةٍ . . تمسي و تصبح معي