فـّاء .

إفلاس لغوُي بينما الشعور فائض .

[فـّاء . @lc6il]

لحد يعيش دور المقصود
ترا المقصود عمره ماقرا .

[فـّاء . @lc6il]

أغليك لو إنك بعيد عن العين
دام المشاعر في غلاتك رهينه

وأعشق وجودك في حياتي و ألبيك
هذا هو الموجز وكل الحقيقة

أغليك و أحبك وأعزك و أداريك
و أشتاق لك في الثانية والدقيقة .

[فـّاء . @lc6il]

« أنت أبرك الحزّات و أبرك ما لقيت
وأنت أبرك الغالين وأبرك من يجي »

[فـّاء . @lc6il]

أضيق والقى ضحكتي فـي محيّاك
وأتعب وأحصل راحتي بين أياديك

الله يخليك ، ويديمك ، ويرعاك
والله يلـوم اللـي يلومنـي فـيـك .

[فـّاء . @lc6il]

وش أيامي بلا صوتك وضحك شفاك
و أنا أشوف العمر كلّه من عيـونك

عسى كل الحياه المقبله ويااااك
و لا أعيش بـ حياتي يوم من دونك .

[فـّاء . @lc6il]

« على وجهي ملامح تنتظر حضنك بليًا عتاب
مادام أحضانك بلادي — أنا مشتاق لبلادي »

[فـّاء . @lc6il]

أنا وشلون أحب وكل عرقٍ من عروقي جاك
مسيّر لك غرام — ومنفلت حبله من أيديني .

[فـّاء . @lc6il]

أحبّـك ... كثر ما قالوا هَنيك يـا خـليّ البـال
و أحبّـك كثر ما اخفيتك عن رُبوعي وعذالي

حفظتك سرّ مـا يظهر على العالم ولا ينقال
زرعتـك بيـن تنهـيد الضـلـوع و بيـن غربـالي

لك اللّٰه مال غيرك فالحَنايا والضمير ظلال
أقرب من قريب الخلق وأقرب لي من ظلالي .

[فـّاء . @lc6il]

عزّ ممشاك عن أرض ما تحوفك
ومن يشتري خاطرك أشتريه بعمرك

والجمايل لا عجزت تردها قدّرها
واللي ما يثمر فيه خيرك ذوقه مرك

ومن يستكثر عليك الوضوح اتركه
ومصير الليالي السّود يظهر قمرها !

[فـّاء . @lc6il]

أحبك حسبي الله ليت مالك في سماي بروج
و لا لك فـ البسيطة كود شيٍ بيني وبينك

دخيلك لا تلفّت رح بـ فال�� و أترك المرجوج
تغانم مابقى لك والا أنا ماعاد يمديني

فمان الله سق ركبك على درب السنين العوج
و لكن طالبك لا أقفيت عني لا تخليني .

[فـّاء . @lc6il]

هنيَّالك مشيت بـ أول الخافق لين أقصاه
محدٍ نافسك بديار قلبي هنيّالك .

[فـّاء . @lc6il]

وش حيلة اللي شاف بعيونك بلد
ولو غابت عيونك يحس انه غريب

مافوق قدرك يا بعد عمري احد
ومابعد حبك ياضيا عيوني حبيب .

[فـّاء . @lc6il]

تراك أوّل غلا يسكن حشاي و يستحلّ أقصاي
معك تحلى مشاوير العمر لو طال مشواري .

[فـّاء . @lc6il]

ما كنه إلا ساكن بين الرمش والحشا مدهاله
واحد لامن دعاني تلبي له ضلوعي قبل ��ساني .

[فـّاء . @lc6il]

معك الليالي أفراح ودروبي وساع
والحب ثوبٍ من لبسته زهى بي

شلون بجزع معك وأضيق وأرتاع.
وأنت العوض عن كل خوفٍ عثى بي .

[فـّاء . @lc6il]

جعل يفداك القصيد اللي يثير أعجابك
تدري أن ذكراك بين الذكريات أزينها

حافظك بـ أصغر تفاصيلك و أدقّ أسبابك
و معتبرك أجمل توافيق القدر و أثمنها .

[فـّاء . @lc6il]

ياجعلني ما افقد وجودك ولا أبكيك
يا واحد تسوى في عيوني قبيلة . .

[فـّاء . @lc6il]

« أهوجس و أفكر فيك و أبعد عن الجلّاس
لو دروب وصلك شوك جيتك �� أنا حافي ! »

[فـّاء . @lc6il]

معك كل الدروب « ميسّره » ومُوفّقه توفيق
و بسماتي ��لت وجهي ، وترحابي وضـحَ فيني

لقيتك للدروب الموحشة ذخر وللضياع رفيق
وعقب رمضى العمر « وياك تو تزهر بساتيني »

عليك اللّٰه وامانه من ليال البعد والتفريق
وسوء الظنّ لا يدخل حبيبي « بينك وبيني »

[فـّاء . @lc6il]

1448هـ
تطمّن يانهاية عامي ويا عامي
اللي حلّ تراك أنت

السنين وعمري اللي
عايشه كلهَ .

[فـّاء . @lc6il]

1448 هـ
بسم الله رب البدايات
سنه مرت ، وحصل خير
ورب الخير مايجيب الا الخير .