لا تقول الشمس لو تشرق تغيب
قل مصير الشمس لو غابت بتشرق
عش حياتك حر لو قالوا غريب
الحياة ايام والايام تسرق
كل ما الهقوات في احبابك تخيب
ارمها في بحر نسيانك وتغرق
من لا يعـدّك ربــح .. لا تـعـدّه خسـارة
وارفـع مقامــــك عن هـوى كل منّــان
الـطيـب فـينــــا مـا نـبي لــه تـجــارة
واللـي يـبي الفرقــى له الـدرب عنـوان
ولا أساوم على حسن الخلق والذوق والتهذيب
ولو تجمح بي أفكاري بغير الخير ما أسرجهّا
عسى نفـسي إذا لاقت من الدنيا كثير الريب
ما توقن غير بالمعروف و الإحسان يوهجها
انسحب من كل قلبٍ مايشيلك
و ابتعـد عـن كل عينٍ ما تـودك
و لا تجي للي تـجيه وما يـجيلك
و لا تـعد اللي تـعمد ما يـعـدك
-
واشترِ اللي بالوفا صانك وشالك
لا تـذلّ النفس.. لـو قلـبك يـريدك
مـن نـسـى قـدرك تجـاهلـه بخـيالك
وعـزّتـك تـبقى هي الكـنز ورصيـدك
أبي الوضوح ولا لقيت له مسيّر
كل الدروب اللي مشيّتها إنفرادي
أسمع صدى قلبي بين حيّره وتخييّر
وأدور على لحظة صفاء في مداري
أبني الأمل وسط ليل همومه طوابير
وياكثر الافكار اللي مالها طاري
أثبت يقيني لا يتهاوى ويطير
وأحلم بصباحٍ يزيد انبهاري