saud

My smile stays with me, no matter what I face

[saud @leer2_]

يا باغي الذلة على الدار طمعان
اليوم نكوي باللظى من بغانا
كيف تتجرى تعتدي حِجر سلمان
نقطع يمين العابث اللي نوانا
الشعب لـ اصوات البواريد نشوان
وعزم الرجال الموت دونه حدانا
حنا سيوف الموت والحد ميدان
نبتر كفوف اللي تجرأ وجانا
حنا طنايا الموت من عصر عثمان
اطول نفس بالكون محدٍ حدانا

[saud @leer2_]

سمعً وطاعه

[saud @leer2_]

سمعً وطاعه

[saud @leer2_]

يقول خالد بن عياد الخمعلي :

حنا الدهاه اللي لنا وضعنا الخاص
ما نقبل التسوييف من يوم كنا

اي دولة تبغى من الشر مخلاص
تنصى الرياض وتطلب اللي تمنا

الجو نمّن به مسارات الارباص
والارض فيها نمّن الي زبنا

اطول نفس ما فاز به اي غواص
اطول نفس ما فاز به غير حنا

[saud @leer2_]

البحث عن سبب التحدث مع من تحب
له لذه لن يفهمها الا القليل وعلى هذا السياق

يقول أحد الشعراء :
«أدور سبب السالفه معك مدري كيف
لو تقول مدري قلت أبنشدك عن مدري»

ويقول آخر :
«أنا لو أني معك ما أستلذ الكلام
مكان اسأل سؤال أعرف إجابته»

[saud @leer2_]

اي انسان حضر حفلة عايض واميمه انا اكبر حاسد لك الله ياخذ التريك😔

[saud @leer2_]

الناس تتورط اخر الشهر من الرواتب وسعود من المورفين 😔👍🏻

[saud @leer2_]

ليت العمر يرجع ونا دون عشرة اعوام

[saud @leer2_]

انا مُسالم ما احب العداوات
العمر فاني واليالي عديده

ترا السكوت احيان مثل الاجابات
والصمت نعمه وله معاني كثيره

والي يعيش الوقت عنده قناعات
لا مات بيبقى عند الأجيال قيمه

ماهو ضروري تعيش بكثر العلاقات
العزله احيانا رفقه عظيمه

[saud @leer2_]

قال ابو متعب رحمة الله عليه:

ما تضيق الا براس الهلايم والضعوف
دندني يا طبلة الراس لحروف النشب

حالفً ما ارافق الا قوين العزوم
والضعوف الي تصد لخليها مطب

[saud @leer2_]

شعور حلو يوم تعتمد على نفسك وتشتري الي خاطرك فيه

[saud @leer2_]

استغفر الله وبحمده عدد خلقه ورضا نفسه وزنه عرشه ومداد كلماته

[saud @leer2_]

ارقدي يا عين وارتاحي وسيري
لا تعب لا خوف لا همٍ ثقيل
جعلك تقومين بالخير الكثيري
والعافية تمشي بجسمك سبيلِ

[saud @leer2_]

الضغوط النفسية والتراكمات كفيلة في تحويلك شخص
لا تعرفه لا تفهمه لا ترغبه حتى

وعلى سياق ذالك :

مضغوط نفسياً ومرهق من العام
أكافح اخلاقي و أجهاد مزاجي

لا قلت هانت والمسارات قدام
خيم على عيني ما يعقد حجاجي

[saud @leer2_]

(إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ)

[saud @leer2_]

يا حـبّ منسوجٍ غريبٍ بلا ميعاد
غزالٍ يحط الراس في راس مفترسـه

مستامنٍ فيه كنه أغلى حبيبٍ ووداد
ما خاف من سُمّ المخالب ولا نَفَسـه

[saud @leer2_]

يا عين لا تخفين دمعٍ يسـيل
ترى البكا راحة، كلامٍ مؤكَّد

القلب يحزن والدمع لابد بيسيل
قالها الرسول الله وبالحزن يشهَد

البكا يفرّج قسى الوقت القتيل
واللي صبر بالله في يوم يَحصد

اصبر على دنياك، صبرٍ جميل
هذا كلام الله به العبد يُسنَد

[saud @leer2_]

عز الله اني وصلت لمرحله صعبه
ما كل واحد من الناس يَقوِيها

لكن ورب السماء والأرض والكعبه
اني لها لين ربي يعديها

و بَلقى لعلّتي دوا يطفي لهبّه
بثبات قلبيٍ صبورٍ ما يثنيها

وأشوف درب العزم و امشي لدربه
وأكسر قيود العنا لين اعديها

[saud @leer2_]

تحمل ي صدري ادري ان الصبر طال
وان الدنيا زودت علي بلاويها
دام العبد على جزا صبره ينال
اصبر ي صدري ونشوف وش تاليها
اما تزين ويغدي حظي عالي العال
ولا العوض ف جنه وعدنا الله فيها

[saud @leer2_]

اعوذ بك يارب من ضيقة النفس
ومن عبرةٍ لا جاني الليل جتني
لي حاجة لا جيت اعلم بها الناس
تمنعني النفس وهي مرهقتني
اقول كل شي زين والوضع لا باس
وارتاح لا شفت العرب صدقتني