Fahad

" أنا سجين الماضي وذكريّاته "

[Fahad @li6Mf]

أعلن الاعتراف انك ختام الحب وانك نعيم وعذاب
والتجارب مثل هذي تراها تبطي الايام بانجابها

مالي الا اتناسى السالفه واكثّر الصبر والاحتساب
واعتبرها رميم عظام ولاّ ديرةٍ ماتوا اصحابها

[َ @iconiln]

على خير أشوفك كان حنا من الحيين
مصير الليالي تجمع "الحي مع حيّه"
_عبدالله السياري

[Fahad @li6Mf]

نعم أخطيت في حقك وأنا بفعلي ترى ندمان
ومتضايق من أفعالي وتشهد دمعة أعياني

أنا بلحظة غضب اعميت عيني وغرني الشيطان
الا ياليتني ميت قبل لا أطيع .. شيطاني

[Fahad @li6Mf]

أنا المخطي وأنا المذنب وأنا الآسف وأنا الغلطان
وأنا النادم على فعلي وعلى نفسي أنا الجاني

وأنا التايه وأنا الضايع وأنا في دنيتي خسران
تعبت وشانت أخلاقي وصرت إنسان وحداني

[Fahad @li6Mf]

نخطي ويخطى علينا والخطا حاصل
وان ما عذرنا بعضنا ما تصافينا

دام الخطا ياصل أ��يد العذر ياصل
وش عذرنا عند ربي لو تجافينا

أن ما فصلنا الجفا عن حده الفاصل
والله ليضحك بنا اللي ما يدانينا

[Fahad @li6Mf]

تغيّبت لكن ماتغيّب شغف لقياك
على البال فارش لك دروب الحنين ورود

أنا كل ليله ألتقي خلسة بـ طرياااك
وأعلمك بـ علومي كإنك معي موجود .

[Fahad @li6Mf]

رعاك الله ياللي طال صبّري لين سدي باح
وقلبي في يدك بابه ومفتاحه ومغلاقه

[Fahad @li6Mf]

لو ننشغل فالضعوف اللي تحاربنا
ضاعت شيمنا قبل ضيعة هقاوينا

ما دون حد الكرامة .. ما يناسبنا
طبيعةٍ من خلقنا الله وهي فينا

[Fahad @li6Mf]

عانيت في بعده كثر ماهويته
لا احتلت في قربه ولاني ناسيه

لو اني اقدر جيته كان جيته
اللي بقوله ويلي على أجيه

اقول بنسى واثرني مانسيته
الحب الأول صعب نسيان راعيه .

[Fahad @li6Mf]

أستجب للدّاعي وعوِد ترا الدنيا متاع
خل ريضان الهوى تلبس جديد ثيابها .

[Fahad @li6Mf]

في غيبتك ماغاب ذكرك و طرياك
وكل الليالي بعد صدك مخيفه

و زودٍ على جرحك وبعدك وفرقاك
عاطل و ادور في غيابك وظيفه

[Fahad @li6Mf]

يوم جيت ديار ابو سودٍ مظلّه
للقدم وقفة و للقلب التفاته

ما اختصرها فالسلام ورحمة الله
السلام و رحمة الله وبْركاته

ودي اخذ عندهم فنجال دله
ونفسي اول من كلاني بالشماته

يرفع الرجال صبرٍ في محله
وترخص الرجال كثر محاولاته .

[Fahad @li6Mf]

عفى الله عنك يا حلم ٍ رسمته بالطريق وتـاه
وأنا في داخلي فوضى حزن وأوجاع مختلطه

[Fahad @li6Mf]

يحسب اني ن��يته وانجلا همي وغربالي
واثرني مانسيت اللي سبا بالهوى عانيه

وكل ماهب نسناس الغلا من ديار الغالي
هب في القلب من ريح الصبا عبرتن نجديه

وان جحدت الدموع من الملا آه واعزالي
وان غشتني دموعي لعنبا الحب وا��حنيه

[Fahad @li6Mf]

دور طيورك ثم أحذف رقم جوالي
فرقا وحجة ودااع وقافنٍ مسـري

[🦌 @ll9llrm]

مالي علاقه مع اهل الحب بالمره
ولاني غرامي لو ابياتي غرامميه

حتى ولو شفتني فالحُب متشره
علاقتي مع جميع الناس سطحيه !

[Fahad @li6Mf]

انا لو اني شكيت اللي بقلبي للجبال تلين
وانا لو اني شكيته للسحايب تنثرت ماها

صبورٍ ولو يبور الوقت فيني والزمان يشين
حرام اني لـ أصون اسرار قلبي داخل خباها

وعلى سود الليالي والمحبه والفراق الشين
دعيت الله يعين ويكشف الضيقه ويجلاها

[Fahad @li6Mf]

حجزنا على طيّارة الهجر تذكرتين
حسمنا الأمور وكلن أقفى على وجهه

عزيزي المسافر ، شد واربط دموع العين
على الرحله الي ماعرفنا لها وجهه

[Fahad @li6Mf]

لو اني ارجع . . للغزل والمراسيل
صيرت لك شي ماهو . . ينتصيّر

مع انك معنق . . ووجه وتفاصيل
يحير اللي معها اللي ما عمره تحيّر :)

[Fahad @li6Mf]

اخطيت في حق العيون المظاليل
منك السموحه . . يـ الغزال المذيّر

انا ما اعرف الا علوم . . الرياجيل
ومن الصلف ماني بـ اعرف اتغيّر

خشونتي جتني من الحط والشيل
ماهو بـ من تبع . . الظلال القصيّر

الحق مساريح النهار اخر الليل
حتى عرفني . . كل خط . . مقيّر

[Fahad @li6Mf]

من وادي العجمان لين اصل السيل
ومن كل دار . . وديرة . . تنديّر

تربطني علوم الوفا بـ الحلاحيل
وخير واحب اللي من الناس خيّر

واليّا لقيت من الفرص التعاليل
قضيتها في مرتع . . ام الحويّر

من وين اجيب من النعومه محاصيل
وانا لا شفت الناعمين . . اتطيّر