letters

[letters @li7li__]

كل غايبّ عذره معه الا أنت .. قلبي معَك

[letters @li7li__]

مجاريحٍ نفاهم دربهم لـ عيونك النعّاس
تعدَّوا ينشدون الصبح عن رمشك و ضاعوا به

يحطبون الضلوع في غابة أيامك بليِّا فاس
شتاهم ضحكة شفاهك و شافوا نار مشبوبة

تخاوَّو بين من دوّر ذهيب و من سرح عسَّاس
حيارى غرَّهم كاذب هدبك و وجَّهوا صوبه

[letters @li7li__]

أنا من وين ما أوَجّه تصادف خطوتي طرياك
ولا أدري ليه ما فادت مع أفكاري معاذيري

على كثر الدروب اللي تودّي لك عجزت ألقاك
تعبت أتبع سرابك لين مَلّتني مشاويري

تبعت من الزمن فكرة خذت من دورة الأفلاك
ولا فادت مع أوقاتي ولا عاشت بتفسيري

[جزل @1Jazil]

لك العذر في غيبتك ولطيفك التقدير
متى ما سهيت وبان لي وجهك البدري

سرحت بخيالي فيك وأسهبت فالتفكير
وطلّعت كل اللي مخبى ورى صدري

ما تمنعني حدود المسافة عن التعبير
انا توّي مسولف معك وانت ما تدري :)

[letters @li7li__]

ياناس خلي صد وأطفى سراجه
ماخذ معاه القلب والليل والنور

[قروب شعر @Group_she3er]

عساني ليا زليت ما زل عند ضعوف
عسى زلتي قـدام من يدمح الزلّه

تعلمت من دنياي فالواقع المألوف
الطيب علاج ورفقة اهل الردى عله

لاتندم على المعروف ياراعي المعروف
ليا ضاع عند الناس ماضاع عند الله

[letters @li7li__]

أضحك مع العرب وأقول ناسيه
وأنا أتعذب كل ماحلّ طرياه

ياشيب عيني ليا تذكرت ماضيه
وليا طرالي حاضره عفت دنياه

ماهوب جافيني ولاني بجافيه
مير النصيب غيّر طريقه وممشاه

خذوه مني وراح جعل ربي يهنيه
حالي طواه الهم من عقب فرقاه

ماعاد باقي غير ذكرى لياليه
مير البلا وشلون أنا اليوم بنساه

[letters @li7li__]

لا للهوى لا صار هزل وتمادي
واجحاف وأستهتار بالحب والذات

اللي يبي يقفي .. يقفّي وعادي
مافيه أحد قد فارق أحبابه ومات .

[letters @li7li__]

يوم المفارق عيت عيوني تنام
والكون فيني ضاق عقب اتساعه

وين انت اللي ملهم قلبي الهام
شوقي على طاريك زاد اندفاعه

انا على فرقاك نكست الاعلام
والنور عن عيني تجلى شعاعه

رد الغارم على خبرك العام
تعال اليوم خل عنك القطاعه

لي قلت لي قدام بقولك قدام
حتى الزمن بلوي عشانك ذراعه

[letters @li7li__]

مريت اماكنّا القديمه من سنين
توحش بقايا الذكريات بـ طرفها

رغم الوداع المرّ و الواقع الشين
و ذنوبي اللي كل ليل .. اقترفها

ودي أشوف شلون ضحكتك هالحين
تغيّرت و الا .. مثل ما عرفها :)

[letters @li7li__]

كبريا النفس مابين الأحبّه
أول أسباب الجفا وأكبر مصيبه .

[letters @li7li__]

والله لوقف لك على كل طاري
من ضحكت اللقيا الى دمعة العين

واعلقك بين السهر والمساري
ياناكر المعروف والعين بالعين !

الين تقرا في صحيح البخاري
وش ذنب من يجرح شعور المحبين :)

[letters @li7li__]

بين شيٍ مستحيل وبين ريبه
السؤال اللي يحّير كيف .. فّكر

خطوة العاشق ترا دايم غريبه
مايعوقه فالهوى بابٍ .. مسّكر

[letters @li7li__]

" مايخلي الرجل يحب بكل قوّه
إلا لا من حب له وحده حشيمة

كل إبن آدم مذمم بـ الخليقة
إلا انتي ما فيك أي حاجة ذميمة

بنت قلبي وام روحي واخت عيني
سيّدة كل العلاقات الحميمة

آه لو شفتو الوشاح الـ لا نهائي
منهو منكم شاف شمسً تجر غيمة؟ ".

[letters @li7li__]

مانجبرك على وصلنا دام الله مغنيك
خلك على وضعك مع الايام تنعاف

[letters @li7li__]

الشجاع ان غاب تبكيه الهنوف
والهنوف ان ودعت ضاع الشجاع

[قروب شعر @Group_she3er]

يصون الموّده من يجازا بـ وّد و طيب
ويعيف الموّده واحدٍ شاف ما يكره.

[letters @li7li__]

غالي الهوى المغرور يا دنيا إنكسر
شايل حِمل ويدور ناسي إنه بشششر …

[letters @li7li__]

من عقب ماجوني وقالو مجاريح
يا للاسف داويتهم و اجرحوني

سكنتهم صدري على هبة الريح
ويا للاسف اكرمتهم واجحدوني

اقوم لرضاهم على ساق واطيح
كبـرتهم يا قلب و استصغروني

[letters @li7li__]

احتويني لا لمحت الحزن بعيوني
انا واحد صعب اقول وش فيني

[letters @li7li__]

قد خذينا من زمنّا وشايبنا . . وصاه
اشتر الطيّب ، ومر الردي وانت تعّدي .