WALEED

[WALEED @li_w6u]

القلب .. سارح في ملذات دنياه
والعقل " ذاكرته " تخلد ذنوبه

والنفس نفس القلب نفس المعاناه
كل الثلاثه عاقبوني ، عقوبه

انا الغريب اللي يميز مزاياه
وعيوبه انه يعترف في عيوبه

ليا ضحك لـ ابليس عود وبكاه
وليا بكى لله ضحك مع جنوبه

[WALEED @li_w6u]

حكي القفا ذنب على الفاضي وعيب
ياللي ما تنزلَ بندقك في قفاهم

حنا ما نلحقها ظهور الاجانيب
يا كيف نظرب ربعنا من وراهم

"إن طابوا اللّٰه لا يضيّع لهم طيب
وان اخطوا اللّٰه لا يبين خطاهم

[WALEED @li_w6u]

الرزق محفوظ والدنيا سعه لا تضيق
مثل ما يحفظ طعام الطير فالحوصله

الحلم لو فالسما ولا المحيط العميق
جناحك يطير له ويدينك — اتغوص له

[WALEED @li_w6u]

اثر التواضع بير ما نعرف مداه
الله يعين اللي هقاويهم تبور

لازم نعلّم كل واحد مستواه
عشان ما يقعد يلفّ ولا يدور .

[WALEED @li_w6u]

لا صرت من وضع المخاليق محتار
تفتكّ من عله وتنطحك عله
.
ارفع يدينك في رجا النافع الضار
المشتكى ما يصلح الا على الله
.
مافيه شيٍ قد خشيناه ما صار
جاء في مفاهيم المخاليق.. خلّه
.
ابليس شب النار وابليس من نار
والناس طين وزادوا الطين بله

[WALEED @li_w6u]

العطش لا مس الارياق نساه الحنين
وردوا طرش الحيارى .. على مناهلي

صاحبي بعض المواقيف نباشة كنين
وحملك آللي شلت همه يشيله كاهلي

قيمة الانسان عند العرب في حصلتين
خصلة من طبع حاتم .. وطبع الباهلي

وش تبي باللي تخلا عن اسما حاجتين
لا فضيلة مسلم . . ولا مروَّة جاهلى

[WALEED @li_w6u]

متى يطيح جدار ياجوج ماجوج ؟
وكلن يشوف الاضطراب المناخي

وآرد على الحوض متشفق ومبهوج
واشرب وتسقيني يدين البناخي

ويرضى علي اللّٰه ويتركني ادوج
في جنة الفردوس واعيش ياخي

[WALEED @li_w6u]

ابتهاج العيد فرحه بعد طاعه
فرحةٍ للمسلمين وشرع ديني

وفرحتي للعيد في كنف الجماعه
فاق حب الشيعه لـ قبر الخميني

[WALEED @li_w6u]

يا مشغل العالم بكثر التهاويل
هرج بدون فعول .. كله ظلايم

جدي معه شلفا وجدي ركب خيل
وجدي يرد البل في وقت القدايم

سولف ترا ماودي أوجعك ب الحيل
لكن اخذ بيت ما تنساه دايم

حنا عيال اللي تسوق الرياجيل
قدام جدانك تسوق البهايم

[WALEED @li_w6u]

أرتوي من عز نفسي وإنفرادي
ولا سالت الغيم عن برق ورعد

غيمتي راسي ومرباعي فؤادي
وما يقل الفيض لو طال الأمد

رافع قدري عن قصار الأيادي
فوق عرشٍ ما يطوله أي أحد

من بغاني سقت له عذب الودادي
ومن تركني قلت له : درب السعد

[WALEED @li_w6u]

حنا تركنا الكلام ل عاشقين الكلام
حتى زهتنا البشوت ولا لبسنا بشوت

سبحان رب رفعنا بالمراجل مقام
صارت تكلم فعايلنا وحنا سكوت !!

نسكت ثقة وان سكتتا ما يجينا ملام
افعالنا صوتها غطا على كل صوت

حتى اللي لسانه اطول من رقاب النعام
لا شافنا في المجالس صار وضعه mute ...

[WALEED @li_w6u]

الله لا يجعلني اوقف والوقوف محيّر
والله لا يجعلني امشي للخطاء والخيبه

بالزمان اللي به القدر الكبير " صغيّر "
السكوت اكبر مصيبه والكلام مصيبه .

[WALEED @li_w6u]

مانيب مجبور اخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما اشوف التجاهل يحل المشكله .

[WALEED @li_w6u]

@JamalBander @Dkhoonemirates الله الله 👏

[WALEED @li_w6u]

لا تنتظر من ناقص العقل حكمه 
ولا تنتظر من فاقد المرجله خير

ولا يغرك في الردي لمعة إسمه 
الريش ما طيّر نعامه وهي طير .

[WALEED @li_w6u]

في حياة الناس ماعندي فضول
الخلايق يستر الله حالها

ادري ان الناس عاقل ومهبول
وافصل العقال عن جهّالها

يرجح الميزان في حجم العقول
ماهو بهندامها واموالها

والطيور تطير وتحوم وتجول
ولا توقع غير فوق اشكالها .

[WALEED @li_w6u]

الزله إن جتني وهي مالها روح
دخلتها في فن حسن التعامل

أسكت وأمشيها تحت بند مسموح
وتلقى لها في وسط صدري معامل

معمل يبرمجها سواليف ومزوح
ومعمل يزينها بنفسي و اجامل

ومعمل عتب ياخذ له شوي ويروح
ولا بعد دخلتها عفو شامل

العفو زين وخل له باب مفتوح
و لابد تدرك مابه إنسان كامل .

[WALEED @li_w6u]

@SERGE_22_ صح الله لسانك ويستتاهل ابو صالح

[WALEED @li_w6u]

اخس نوع من الخلايق ثلاثه
يالله عساهم للفناء لا يزيدون

اولهم اللي فيه ثقل وغثاثه
ومسوي حاله على العالم يمون

والثاني اللي مايخلي الخباثه
ويمثل أنه بالشرف خيرة الكون

والثالث اللي فيه مثل الغلاثه
على خفايا الناس واللي يسوون

[WALEED @li_w6u]

مرت سنه فيها اشترينا وبعنا
شيٍ يدوم وشي ابلته الايام

كل عام والطيّب من الناس معنا
ولا الردي جعله يولي مع العام .