َ

عظيمه مثل . . " ديوان بن جدلآن "

[َ @lir2n]

على احبابنا اللي تحت وجه الثرى غافين
سلام الله . . . وحمده وتبجيله وشكره

غفوا تحت الارض وعادهم ماغفوا فالعين
لو فراقهم . . تحمد به العين ما تكره

تغيب الوجيه . . وباقي اصحابها حيّين
على الواقع الملموس بين أمسه وبكره

[َ @lir2n]

على الله اسيرها وحبل الرجا ما خاب
على الواحد اللي فيه الامال معقودة

كـريمٍ ليـا مني دعيته فتـح لي بـاب
حليمٍ ليا زليـت ما يأسـت من جـوده

[َ @lir2n]

فاقد اللي لاعطى مايحسّب للرصيد
يده اكرم من فياض ٍ تغشاها مطر

إن تحاكى ماتعيّن إلا الرأي السديد
وإن مشى في قاع جردا يعم بها زهر

شايبٍ سيرته عطره وذكره مايبيد
تحفظ زحول الرياجيل ذكره فالصدر

طول عمره مايعانق إلا المجد التليد
وعقب مادار الزمن .. جا يعانقه القبر

[َ @lir2n]

مايجدد علة القلب من عقب دلهان
كود ذكرى قد طوتها الليالي واختفت

احسب إن القلب يدله على طول ال��مان
مادريت إن الطواري إلى أقفت انكفت

اشهد ان مابه على الوقت والدنيا ضمان
مانفعني يوم الأنواد ,, لـ دياره عفت
ٰ
اه ياقلبٍ ماحصل مع الصبر إنسيان
واه ياعينن ,, الى حل طاريه اذرفت
ٰ

[َ @lir2n]

عاد صوته فـ المسامع وزوله فـ العيون
وعاد له بين الحنايا مداهيل و محل

صابني من يوم فرقاه شي من الجنون
ليه يوم اني تعلّقت في حبه . . رحل !

" ليت من قابل محياه والموقع يهون
لو على المريخ ولا على كوكب زحل "

[َ @lir2n]

أحبّك .. و أتحفى طوارَّيك وذكراك
و يشيلك قلبٍ أبيض فيك متباهي

تحلّويت السنين اللي قضت وياك
و تمـلكت الشعُــور الفارق الراهي

و��ا في عيـني اللي مِثلك و شـرواك
وعينك ما لقَّت من حولها أشباهي

[َ @lir2n]

عسى دربٍ خذت رجلك عليه قفَّـايه و معواد
يفيض من النبات و يجري الماء العذب بعروقه

مداهيله مراويح السحاب و غاية النشَّاد
وظلٍ يرسم أشكال الطيور العابرة فوقه

[َ @lir2n]

@khalid_oun @mathas_24 عسى الله يبارك له ويرزقه الذريه الصالحه

[َ @lir2n]

زين المشي في الروض الأخضر لاشعشع المخضار
وزين الديرة اللي من حقوق الوسم ممطوره

يريح البال سج في الفياض الخضر والمسيار
سعادة للقلوب اللي من السلوان مسروره

[َ @lir2n]

أنفض غبار الهم عن قلبك ترا المهموم ميّت
أنحش عن الضيقة وشرّف في الرجوم وذبّها

لاتنطوي نفسك على نفسك وتذبل مادريت
خلّ المطر يمطر عليها .. والهبوب تهبّها

أن مالقيت الي تحب لازم تحب الي لقيت
أصعب حياة تعيش ما عندك حياة تحبها

[َ @lir2n]

حاشمه عن سوء ظنّ وحاسبه من طيب فالي
أدري إن قلبه حنون .. وأدري إن روحه نبيله

لو تهب الريح من همّي على صدره شمالي
قصر البال الطويل وأصبحت نفسي ثقيله

ولو يجي غيري مكانه ما يجي غيري بدالي
ولو يجونه جميع .. ما يلقى عوض حبي له

[َ @lir2n]

« أسافر على متن السحَابة وأدفّ الريح
ورى غربتك، وآخر منازلك، وبلادك

وأمر الليالي بالطواريق والتجرّيح
لا جاد الزمان بكل طعنة ولا جادك

أعرفك وأعرف انّك عمر مايبي توضيح
يطول المدى ماخانت البيد ميعادك

عسى ليلةٍ فيها من الشكّ والتبريح
فدا ليلةٍ - فيها مجيّك ومعوادك »

[َ @lir2n]

مجيّك عيد ، لا بارد حضور ولا عليه عماس
سهى طَرف الظروف وجيت بيديك الفرح كله

من اللي دوّرك كل المقابيل ونساه الباس
و جيته تضحك بوجهٍ جعل من زانه يحلّه

يسيل من التهاني ما يكذب هقوة الغطاس
ويضحك لك حجاجٍ من جمالك ما برد غلّه

[َ @lir2n]

عاد عيدكم وعاش حبيبكم يا أصحاب 🤍

[َ @lir2n]

جروح المحبه في ضميري مهيب عتاق
مع كل ذكرى فـ المحبه .. تجدد له

تسلط على قلبي مثل سلطة الزعاق
على من يخالف كلمته و يتغدد له

[َ @lir2n]

تولّاني بـ عفوٍ يعتق رقبتي ، بـ يوم الدين
وهب لي من لدُنك اللي يبدّد وحشة دروبي

دعيتك والكفوف المستغيثة خاليات يدين
يا ربي لا تعوّد خاليات الا ، من ذنوبي

[َ @lir2n]

يا ربّ قبل العيد فرحة و نوماس
اقصى طموحاتي وغاية وجودي

اعايد الغالين �� أهنّي الناس
على زوال الفارسي واليهودي

[ناصر الحمادين @nalhmadeen]

ياعاصمة نجد بنت المجد برد وسلام
انتي شموخك عظيم وهيبتك مفخره
..
تفداك روس ٍ تشوف الموت مسك الختام
من دونك العمر لايغلى ولا نذخره

🇸🇦💚

[َ @lir2n]

يـاليت العمر يرجع وانا دون عشره أعوام
يوم ان امنيـه عمري متى اكون مثل العود

أنا كنت مستعجـل على سرعـه الايام
ودار الزمـاان و قلت ليـت الزمان يعود

[َ @lir2n]

خلك كريم الفعل والطيب والجاه
و اسلك طريق النعم بالطول والعرض

ضعيّف الوقفه يمن بـ عطاياه
ولا ترى الطيّب يشوف الكرم فرض

الغيم لا منّه عطى الارض من ماه
ماينتظر رد العطايا من الارض