أجمل شيء ممكن تحصله بنفسك إنك تكون شخص ما تعتمد على وجود أحد، عايش حياتك بالطول والعرض، ولا تسمح لأي كان يقلل منك؛ لأنه حاسب حساب الرد المباشر له
ما يهمك إلا رضا الله، وبعدها تلتفت لشيء اسمه رأي أو وجهة نظر وإذا كان مهم يتم الرد عليه، وإذا ما كان مب مهم يتم تسويفه… مع رد صاعق
الواقع مختلف عن الأماني.
احنا نزعل لما يخذلنا، او يصدمنا شخص ما، تدرون ليش ؟ لأن احنا غيرناه بمخيلتنا، رسمنا له شخصية قد تكون مو شخصيته.
احنا اللي حطينا له القيمة و المميزات، و التفاصيل اللي عاجبتنا، وهو ارتدى هذا القناع حتى نستمر نحن في اعجابنا ونعطيه حب اكبر، مشاعر اكثر، عطاء اكثر .. و ياخذ هو أكثر.
لين ما خلاص، أخذ كل شيء و تعب الاستمرار.
فخلع هذا القناع ظاهرًا بشخصيته اللي ما تتناسب مع توقعاتنا.
بمعنى اسهل ( حاولوا تشوفون الناس في عيونكم مش بعواطفكم ) و راح تشوفونهم بقمة العادية.
تربطني علاقـة حنونة في ديسمبـر
ما أحسه مجرد شهر عادي..
أحسه بداية لكل نهايـة و نهاية لكل بدايـة، نقطة صريحة لاستفهامات كثيرة، وضوح.. شعور حقيقي، استيعاب، ادراك .. عادةً تنتهي فيه أشياء أرهقتني في العام كله، و تُولد فيه مشاعر جديدة
المظاهر، الكماليـات، البراندات، التزين و الملابس حتى
أشياء ماتعطي قيمـة لشخص
(هو يفتقدها من الأساس)
ساعات كثير في شخص تشوفه من برا و تنفتن فيه، لكن ان نطق تردد بداخلك : ليته مانطق.
وهنا نفهم جيدًا، أن عقل الانسان، جوهره، فِكره، حديثه،واختياره للألفاظ،أشياء تمنحه الجمال والقيمة.
عمرك لا تستمر مع شريك يخليك تكره يومك، عمرك لا تتجاهل كلمة جرحتك، و لا تقعد في مكان مو مناسب لك، عمرك لا تستمر بوظيفة تاخذ من طاقتك، أو تبدي أحد على صحتك و نفسيتك،
عمرك لا ترضى بالقليل و دايم لا تفكر تزيد العشم.
عمرك لا تخاف تبادر براحتِك .. و دايم عز نفسك وخلك مؤمن بالخالق.
يارب أكون مع شخص « هيّن ليّن »
صَدره رحب، وزعله سموح، وقلبه كبير
تحس بأنك نِلت بقربه
كُل الأمان والطمأنينة
شخص لما يحسك ضايع
يرسم لك طريق ويشد على يدكك
لما تكون خايف
يمسح بلُطف على قلبك
ولما تكون متعب
يخاف عليك من الهوا
الشخص الحنون نعمة ثمينة
لأن الحنيّة والأمان هي الضماد الأول
شعور يوجع لما تكون تنتظر رساله من شخص وهو فاهي ولاهي مع غيرك ولا فكر فيك تحس ان ودك تلوم قلبك ليش ليش ياقلبي تنتظر كلامه ليش تنتظر رسايله وتجاوب على تساؤلات عقلك وقلبك وتقول أنا حبيته بس هو حب غيري وماصرت أهمه وما صار لي مكان بقلبه إنتهينا وإنتهى كل شي
لو أقدر أرجع شي بالعمر ، كنت راح أكون حذره جداً معك ولا أرضى بأنك تكون الأقرب لي ، لأنك مو بس كسرت خاطري انت حرقت قلبي ورغم كل هذا أنا صرت أكرهك كرهه فضيع
عبادي الجوهر أختصر ألم الفراق بواقعيه
لما قال : " تدرين وأدري بنفترق " ورغم علمه
بأن الفراق حاصل مهما حال الحُول رجع وقال :
" ياورد في كل الفصُول يا فرح عيّا لا يطول "
ومع كامل يقينه بالفراق كان متمسك وباحث
عن الحلول /: