ًً

(إِنَّ مَعِيَ رَبِّي)

[ًً @ll8nl]

ربي إن كان يومي قريب فارحمني واغفر لي و أجعل لي من يدعوا لي بعد موتي ولا ينساني اللهُمَّ اني أسألك حُسن الخاتمة "🤍

[ًً @ll8nl]

كل دارٍ تضمك ليتها صدري
وكل عينٍ تشوفك ليتها عيني

[ًً @ll8nl]

فاقدٍ لي قلب سمح ووجه نير
ما كتب ربي لقاه ولا وداعه

ضاع مني ضيعة العمر القصير
ولا غبني فالحياه إلا ضياعه

الجفا عقب الوصل ملعون خيّر
والمحبه ذل مافيها شجاعه

[ًً @ll8nl]

نخاف بس الفرق بينك و بيني
تخاف تذكرني وانا خايف انساك

[ًً @ll8nl]

أنا أكثر إنسان أحبك لو يحبونك
لا تترك النفس تلقى منك مصرعها

تغانم الوقت لا تمشي على هونك
بعض القرارت يخدمها تسرّعها

حاولت في كل شي إلا إني أخونك
لو ننقطع من بعضنا لا توقعها

لو عندي القدره أسرق بـ سرق عيونك
و أحبها و أنت ماتدري و أرجعها

[ًً @ll8nl]

القصايد ما تردّ الغايبين ولا تسلَّي
ولا لها حيلة على ردّ الرِّضا والمقدريَّة

بس تبقى في ثنايا الذكريات وفي سجلِّي
مثل غصَّات الملوَّح فالديار العامريَّة

[ًً @ll8nl]

كثر مايشتكي من قلّ وصلك قلبي المجروح
أحبك والحزين تعبّر دموعه عن شعوره

[ًً @ll8nl]

فاقدك والكون بغيابك كئيب
لا أحد قبلك ولا بعدك أحد

عفت خلق الله من بعيد وقريب
وأعتزلت الناس بعدك للأبد

كل واحد صار بعيوني غريب
ما فقدتك كن فاقد لي بلد

كان همي في حياتي لا تغيب
الحياة بدون ضحكاتك نكد

ماني أول شخص فاقد له حبيب
بس بغيابك أنا أكثر من فقد

[ًً @ll8nl]

وصلت لمبتغى الهجر وقدرت أجفاه
ولكن ما نزعته من شراييني

تناقض يعتري قلبي ولا خلاه
على مينا الهوى يرسي ويرسيني

يحز بخاطري اني على ذكراه
أعيش وسلوة الذكرى تعزيني

وليف البعد ياربي شلون أنساه
اذا حتى مرور أسمه يبكيني

[ًً @ll8nl]

أجفاك وأقاصيك حب وكرامة
أبيك مني ما تضيع أنت بالذات

أبيك تبقى قامةٍ ويش قامة
وأرفض مطيحك لو تطيح السماوات

لو أصلبك وتبقى مرفوع الهامة
مثلك حرام يطيح حتى لو مات

[ًً @ll8nl]

لا تشغلك غيره ولا يدخلك شك
وخل الطواري عنك لا تستثيرك

قلبي تراه من اوله لين اخره لك
ما شاركك في حبه انسان غيرك

[ًً @ll8nl]

ما زال لك في شريط الذاكره ذكريات
صور ما تنمسح و أيام ماتنسى

[ًً @ll8nl]

أجي لك إليا ذاب المساء في جناح الليل
و أزيد الدعاء و ألحّ من عبدٍ لـ ربّه

أنا ما معي يا الله سوى دمعة و منديل
و وجهٍ تقدّره المخاليق و تحبّه

[ًً @ll8nl]

تفداك عيني وأنت غايه ومردود
وأنت العوض والمسألة في كفوفك

لا تخاف والماضي غدا باب مسدود
تعال لا ياخذك شكك وخوفك

اليوم شفني قاصدك وأنت مقصود
قبل يجي بكره وقلبي يعوفك

[ًً @ll8nl]

لو قلت أنتهينا وش بنبقى عشانه
تدري اني عنيده وأدري انك عنيد

المشاريه حده والمحبه ميانه
والميانه تقرب كل شي بعيد

أنت تقدر ترجع كل شي لمكانه
لا وصلنا للنهاية حبني من جديد

[ًً @ll8nl]

عَدا طواريك ما مر السهر سيرة
ترقا لـ بالي و طاري غيرك يْحوّل

من ساعة لساعة و من ديرة لديرة
يجوْل قلبي و حبك فيه متجوّل

والله ما أرضى البدايل فيك و الخِيرة
لو العَوَض فيك رزقٍ كثره يْهوّل

وإن مر طاري المفارق شوف لي غيره
أنا مطوّل و حبك شكله مطوّل

[ًً @ll8nl]

أنا حافظك لهموم الزمان وخابرك مذخور
وأنا لولاك ما عديت لا عمري ولا أيامي

[ًً @ll8nl]

حضنك مفصل على صدري ويزهى به وقدّه
لا أرتميت من عنا الأيام تاسعك المحاني

أعتقد ان اللي أحسه معك أسمه مودّة
الغلا شي والمودّة عند ربي شي ثاني

ومن طمع بك شوفتك جنبي تكفيه وتسدّه
مو أنا اللي أترك العالم تجي تجلس مكاني

[ًً @ll8nl]

صلاة الفجر تبقيك في ذمة الله
صلاة الفجر خير من الدنيا وما فيها

﴿ وَقُرْآنَ الْفَجْرِ ۖ إِنَّ قُرْآنَ الْفَجْرِ كَانَ مَشْهُودًا ﴾

[ًً @ll8nl]

ما غيّرت منزلة حبّك صدوف الليال
جوارحي لو يطول البعد ما خانته

ما أحبّك إلين تاخذك السنين الطوال
أحبّك إلين ربي ياخذ أمانته

[ًً @ll8nl]

ان طرّوا النسيان ماني بناسيك
يا راس مالي فالحياة وغناتي

وان طرّوا السلوان ماني بساليك
طيفك معي حتى وأنا في صلاتي

قلبي وهو قلبي ليا مر طاريك
لولا ضلوعي كان عزوا مماتي

لو جض صدري كان يمديه ياتيك
ويبات عندك ويهنى بالمباتي

أنا وقلبي والغلا ساكنٍ فيك
وأنت وقلبك والغلا وسط ذاتي