S

﴿ تَوَفَّني مُسلِمًا وَأَلحِقني بِالصّالِحينَ ﴾

[S @ll98ij]

عقب كانت هقوتي واثقة في المقبلات
كني اسمع صفقة يمينها في يسارهااا

صعب نسيان الملامح ونسيان الصفات
أصعب من الليلة اللي خذتك أقدارهااا

[S @ll98ij]

متى ما انتشر ريح المطر في زوايا الحي
يعم​ السكوت .. ويرتفع صوتك ينادي

من تخاف ينسى ويتمادي بدرب الغي
يشوفك متى ما شاف نور القمر بادي

مع الشِعر لك ميعاد مادام راسي حي
وانا كل يوم آهيم لي في طرف وادي !

[S @ll98ij]

أحتفظ بصوره لك
في هاتفي وفي كل ليله أتأملها بصمت
أبحث في ملامحك عن دفء غائب
— يسكن قلبي

[S @ll98ij]

صلّوا على اللي دعوته خلاّها
في يوم تدخلنا رياض الجنّه

اللهم صلّ وسلم على محمد

[S @ll98ij]

اي والله احبك ولا زلت اعشق وصالك وابيك
وفي خاطري لك هيبه ملوك العرب ببشوتها

اموت لك واموت منك اموت معك اموت فيك
ضع خط تحت الموته اللي تعجبك .. واموتهااا

[S @ll98ij]

مع غيبة الشمس لا أحدّ يقول لي وش تشوف
وش الغريب أن سرت غرب وبهت لونها ؟

أعيش لي حالةٍ بين الرجا والحسوف
" في كل يومٍ جديد يمر من دونهااا "

- علي ال صبيح

[S @ll98ij]

يالله بصبحً شارق وحظً فارق .

[عجّبـا @Dos11r]

«تفرد بالغلا اللي مبطيٍ ماله خشيرٍ فيه »

[S @ll98ij]

ما بقى من ذكرياتك سوى يوم الربوع
النهار أقرا رسااايلك ٠٠ و الليل أسهره .

[S @ll98ij]

ياعنـــا القنـــاص يالصيد المّدسم
ياكتاب الشمس وكتــاب الطلاسم

أمسك أعصابي وإذا شفتك تّبسم
كنك تكويني على الكبد بمياسم

كن بيــاضك مـن حــمارك لاتقّسم
عارض في وجنتك موكب مراسـم

حبكم سيـطر على قلبي ورسّـــم
مثل ماسيطر على بغـــداد قاسم

[S @ll98ij]

أحبه وأفقده وأشتاق له وأظماه وأجوعه

[سعود بن مبارك @Saud_almshly_]

الجديد :

من ألحان المميز / طالب الغضيض
واداء الصوت العذب الشجي / طالب المري

سمعني صوتك أنا مشتاق لك .. وينك ؟
الصوت ماياصلك و الشوق ماجابك

الله يعين المشاعر والله يعينك
ماعاد عندي مشاعر تكسب إعجابك

ماهوب موجعني اني طحت من عينك
موجعني اني قدرت أعيش فـ غيابك

وش قيمة الجرح لولا قيمة يدينك
وش قيمة الدمع لولا قيمة أهدابك

يجيبك الطيف لو ماجيت في حينك
حاولت أتوبك لكن القلب ماتابك

لاصار مالك نظر تعتق مساجينك
علّقت باقي مشاريهي على بابك

مادامني ماقدرت أملأ دواوينك
ماودي أكون صفحة فـ آخر كتابك

شكرًا بحجم الغـلا اللي بيني وبينك
ولا بحجم الجروح اللي من أسبابك

[S @ll98ij]

مثل ما حبّيتك قبل ، بحبّك أكثر من قبل .

[S @ll98ij]

مرت خطاويك على رملة البيد
سيل وصدف في رملة البيد وادي

ما تنلحق مثل العمر والمواعيد
مثل الدروب اللي على بال غادي

عاثت كفوفك في بياضي تجاعيد
حتى تساوى مع بياضي سوادي

الثقب ما بيني وما بينك يزيد
معك العمر لا منصف ولا حيادي

المحزن أن مثلك مثل رابع العيد
لا فرّح الديرة ولا مر عاااديي

[S @ll98ij]

لو عطوني في غيابك من كنوز الارض وادي!
مايساوي طاري اسمك لاحضر وانتي بعيده

عايديني وإن تاخرتي لثاني يوم .. عااادي
المهم انك بخير ودايم أيااامك سعيده

[S @ll98ij]

العيد ذا جزءٍ من العيد مفقود
معيّد وطيّب ولاني بطيّب !

على وليفٍ دونه حداد وحدود
فرقاه خلتّهم يقولون شيّب

متى تشوف عيوني عيونه السّود؟
وأواجهه وأعااايده من قرّيب

[S @ll98ij]

قبل لا كل رقمً ياصلك من شعيب
لا تراقب سماي وتنتظر ماطررريي

كل عيدك مبارك دزها لك غريب
عدها جات من رقمه ومن خاطررريي

[S @ll98ij]

مُوحشة كل الليالي في بعادك
مثل صَّبح العِيد في بيوت اليتامى

[S @ll98ij]

« لازال طيفك لا أستوى الليل طواااف »

[S @ll98ij]

بري حالي لانتهى العصر واعلن الانسحاب
وخلت الشمس الصدارة ومالت للغروب

اذن المغرب وساد الفضى مثل الضباب
ونتهى والليل لبس الاماكن لبس ثوب

وردت همومي على قلبي الصلب الخراب
وردة احيام الضوامي على العد الجذوب

كلهاا هااانت و لا هنت ياهم الغيياااب
من محبة صاحبك صرت ياهم محبوب :(