عبدالرحمن الخياري

جيتني فـ المنام وبيدك بشارة

[عبدالرحمن الخياري @ll9990]

وعن خيبة ظنوني :
هذا انت ؟ .. ما اصدق
هاذي اول مره أشوفك بعيني
كِنت أشوفك بقلبي.!

[عبدالرحمن الخياري @ll9990]

كثر ماني كنت محتاجك وباغي
لا سقى الله يوم ارحّب واتفدّا..

وانت كنت تشوف جرحي فيّ طاغي
و كنّك اللي مر من جنبه وعدّا.

[عبدالرحمن الخياري @ll9990]

ما عاد لي قلب ٍ على توديع خلاّنه جسور
اللي ما يردعه الحنين ! البعد ماهو رادعه

هاجرت وأخترت الرحيل بصمت لن أقسى شعور
إنّك تواعد من سكن قلبك عشان توادعه

[عبدالرحمن الخياري @ll9990]

المشكلة بالمختصر يا حبيبي !
ماعدت أشوفك مثل ما أشوفك أوّل

[عبدالرحمن الخياري @ll9990]

كيف ضحّيت في قلبٍ يدوّر رضاك ؟
الذهب ما يفرّط فيه من يبخصه

ليه تجبرني اكره كل ذكرى معاك
من ملك في الحياة أحباب وش ينقصه ؟

لا تراهن على الحُب ويغّرك غلاك
قلبي أثمن من إن إنسان يسترخصه

[عبدالرحمن الخياري @ll9990]

مالي الإ أتناسى السالفه وأكثر الصبر والإحتساب
واعتبرها رميم عضام ولا ديرتن ماتوو أصحابها

وأتجاهل ذعاذيع النسيم الشرقي وحادرات السحاب
وأتعوذ من الشيطان وأمسك دمعه العين فهدابها

[عبدالرحمن الخياري @ll9990]

حشى ما تركتك من عيوب أنت ما تنعاب
و لكن عزاي أني تركتك لوجه الله

[عبدالرحمن الخياري @ll9990]

ياللي بحلمي كل ليلة تجيني
ليتك تفارقني عسى الله يخليك

مدري تبي موتي او انك تبيني
لكن مابي اشوفك بحلمي ولابيك

[عبدالرحمن الخياري @ll9990]

البارحه جيت المكان اللي ماجيته من زمان
واستقبلتني ذكريات ما تغير لونها

لكن بعد ما انقطع حبل الوصل واللي كان كان
مات الغرام وعاشت بدوني وعشت بدونها

[عبدالرحمن الخياري @ll9990]

أنا ويّاك رحنا .. ! والزمن الّلي ( جمعنا ) راح
ولكن : ذكرياتك من ( خيالي ) ، وش يروّحها ؟

صورْك استوطنت ذاكرتي وعاشت بسبع ارواح
لو يطول الزمن ، مايقدر ( يشوّه ) ملامحها .. !

[عبدالرحمن الخياري @ll9990]

مع إني بذلت الجهد كله عشان انساك
ماعندي سبب مقنع .. يخلييني آخليك
لا بالله .. أنا اللي لو يقولون لي: خلّاك
ماقلت اللي مايرضي حبيبك ولايرضيك
فشلت بجميع محاولاتي وقلت أبغاك
يلوم الله اللي لامني .. يا حبيبي ، فيك

[عبدالرحمن الخياري @ll9990]

راضي إن الشوق يبقى والحنين يواصل
بعد ( حبل الله تعالى ) ما لي ألا حبلك

[عبدالرحمن الخياري @ll9990]

ماغيّرت منزلة حبّك صدوف الليال
جوارحي .. لو يطول البعد ما خانته

ماآحبك إلين تاخذك السنين الطوال
آحبك .. ( إلين ربي ) ياخذ آمانته

[عبدالرحمن الخياري @ll9990]

انا احسب ان الوقت يوم انه خذاك
فترة ماهيب مطولة وبـ ترجعين

والانتظار احيان نوع من الهلاك
مثله مثل نقص الغذا والاكسجين

ما فيه ثابت من بعدك الا غلاك
ولا البقية .. ( كلهم ) متحركين

[عبدالرحمن الخياري @ll9990]

أنا لو ينسّيك الزمن !.. ماني بـ ناسيك
محبتك قصة !.. ما اقدر أكتب نهايتها

[عبدالرحمن الخياري @ll9990]

نديمة دروبي .ما بقى في رحابك فيّ
خذتك الظروف ولا اختفيتي ، ولا بنتي
أسوق الرجا في قولة الحي يلقى الحيّ
وأنا داري إنّك بعد قسوتك . . ما لنتي
لو إن الزمن قادر يرجّعك ، بين يديّ
من يرجّعك في نظرتي .. مثل ما كنتي
مع إنك تركتي عاشقك في دروب الغيّ
وفي عينه الايام . . ( شانت ) ولا شنتي

[عبدالرحمن الخياري @ll9990]

فقدتك . . بما فيه الكفاية حبيب وخلّ
وأخذت أغلب آمالي معك وآغلب احلامي
على كل جرحٍ ما توانى بعدك وكَلّ
مسامحك . . حتى لو بعد تجرح صيامي
ترى اللي تشوفه من مواجع بعض من كلّ
براءتك كانت سبّة الفعل الاجرامي
مع إن معرفتنا حول عامين . . ولا آقلّ
أحسّك معي .. في كل عامٍ من أعوامي

[عبدالرحمن الخياري @ll9990]

أما آن لي - بعد المسير الطويل ارتاح ؟
يادربٍ قضيت أحلى الليال بمشاويرك !

حبيبي مثل ماآخذت من عمري الافراح
ياليتك ، خذيت اللي بقى من معاذيرك

مع إن الطيوف اللي تزيد الجراح جراح
شهودي على قل إهتمامك وتقصيرك :

لا طال الحديث وذكّروني - بـ شيٍ راح
تذكّرتك انت .. وما تذكّرت أحد غيرك

[عبدالرحمن الخياري @ll9990]

تركتني وراحت لغيري.
عادي خلها تروح
هي بتنسى وأنا وفي
ما اعرف النسيان.
صارت قصة وجع لا كن
محسوبك قدها
وان رحتي لا ترجعيلي
ما عدلك مكان
أمنتلك وتركتيني
ما تخيلت في حياتي.
أن قلبك يخون

[عبدالرحمن الخياري @ll9990]

يا صاحبي ليه تزعجني وأنا نايم
سمعت صوتك وطار النوم من عيني
وفزيت مذهول لانا يم ولا قايم
كنت احسبن فيه مخلوق يحاكيني
طيفك معي ما يفارق نظرتي دايم
إن قمت وان نمت في جنبي يباريني
أدخلتني في ظروف جوها غايم
وخليتني جعل ربي ما يخليني

[عبدالرحمن الخياري @ll9990]

بعض الجروح ان جت من اغراب عادي
الجرح موت الجرح لاجا من احباب
مليت ادور لك عذر ياودادي
مثل الضرير اللي ورا النور طلاب
لو كنت انا الغلطان لوكنت بادي
ماطاب لي نوم ولاخاطري طاب
مقساك ياسبه عناي وجهادي
يامحمل القلب العمى لوم وعتاب
ماكل هم يسكن القلب غادي
راعي الهوى مايستر همومه ثياب