Nasser Alotaibi

[Nasser Alotaibi @llNMAll]

يسليني الشادي قبل نفترق والحين
ادور على السلوى ولا غرد الشادي

سريتك بعد غاب الامل في رجاء بعدين
وجيت بيدي قلبي ومن خلفي عنادي

على مفرق الوادي وقفت احتريك تجين
لكن الهوى ما هب من مفرق الوادي ..

[وهّاج @_3jim]

على مفرق الوادي وقفت أحتريك اتجين
لكنّ الهوى ما هب من مفرق الوادي !

قصيدة راجح الحميداني التي كانت تستحق بيرق أخر :

[عبشق @daq48]

" مغن الشمس "

على مغنّ الشمس باقي دمعتين
بتطيح و يقوم الضيا من مرقده

أنا آتحرى الفجر لي حول شهرين
كني عقيمٍ يحتري شوف ولده

يامعشر الي فوق كبدي سامرين
ما مرّكم صبحٍ يباريه جعده

هزيمتي لا مرّة و لا مرتين
لا قام مجدوله يمازح عسجده

العاتق المنتوق قبل أربع سنين
واعدني ب ليلة ولا اوفى بوعدهْ

كل المحبة نظرتين و كلمتين
ياقلبٍ تكذّب مناشيه رعدهْ

نصيبك البارح لعنةٍ الوالدين
و نصيبك اليوم إلتفاته و لهده

آحايل البسمة من الثغر الحزين
لاقام جمره يصطلي دون بْردهْ

كم لي و انا اواسيه بالعذر السمين
و اسهر على ناره ولا آذوق شهده

خلوني استنطق عيون الشعر لين
اقلّطه مثل الخليفة فبلده

في ضفّي الشعار و المتذوقين
مرّه تصفّق له و مره تحسده

تعدّ ما قدامك إلا الفرقدين
في واديٍ تهوي إليه الأفئدة

يا بِعد بيتك من ظنون الشامتين
قلته و لا قالو ياوجه الله عدِه

ليه تصدد عن بقايا الراحلين ؟
الموت مثل العمر مره وحّْده

العقلٍ ضيفٍ رايه الرأي الرزين
و القلبٍ ضيفٍ غدّه ولا تنشده

اللقمة الي دونها أنياب و عرين
آحلى من الي باردة و مبرّدة

يالله بيومٍ فرجته فرجه سجين
يشيّخ الايام قبله و بعده

يا اقسى طعوني شايبٍ سمّاك لين
وش عذره ان وارى طموحي فلحده

خلي يديني لين آشوف الدرب زين
انتي عذية و المسافة مجهدة

قلبي يقول بنلتقي لو بعد حين
ياوجهٍ اعرف قيمته قبل افقده

اقرى كلامك في وجيه العابرين
و اعمي عيوني قبل اترجم مقصده

وشلون ما اداريك وانتي ياسمين
أنا معك حتى السكوت افقّده

اغضي بسودك لين اشوف طويق طين
و ميِلي بعودك لين ظلّه يسنده

الي عظامه ما تشيله خطوتين
تقتاده طيوفك و يقتاد سهده

ان قال مابعد الحنان إلا الحنين
قولي بيرجع لي و يبشر بسعده

آنتي و أنا و الليل و الجرح الدفين
لحالنا يوم القلوب مجنّده

شوقٍ على حدّه كلامك ما يبين
أنا آعرف عيونك ماتقدر تجحده

و حبٍ تساومه الحياة بطعنتين
ما يملك إلا روحه الي فجسده

يآ اعذب قصيدي شاعرك خالي يدين
لو وقّف الدنيا على راحة يده

- متعب البقيلي

[Nasser Alotaibi @llNMAll]

ماهوب كفو الوقت حبك يمحيّه
ياللي تخاف صروف الايام تمحاه

[Nasser Alotaibi @llNMAll]

طغى الحب فيني لين سامحت عدواني

[Nasser Alotaibi @llNMAll]

ممكن تعود المياه الى مجاريها
لكن ماهي صالحة للشرب بالمّره

[جابر النشيرا @jaber_nshera]

الطيب ماهوب كله في ( قضيّا اللزوم )
الطيب بذل العطا الواجد ورفض العطا

[ياسر التويجري @yasseraltwaijri]

يا محارشنا على الشر تهبي ✋

🇸🇦🇸🇦🇸🇦

[Nasser Alotaibi @llNMAll]

اللهم إنكَ عفوا تُحبُ العفو فاعفُ عنا

[Nasser Alotaibi @llNMAll]

ولا رميت القلب يوم انك رميت الله رما
وانا لوجه الله رضيت اصبر للفرقى دمي ..
- علي بن حمري

[بسطام @______H55]

أنا الآن في فترة اللي يقول فيها الشاعر /

انشدوني عن نجوم الليل وأعطيكم عددها
وانشدوني عن لذيذ النوم واقول اسمحولي

[Nasser Alotaibi @llNMAll]

لين قال:

ضيفةٍ دايم مقيمه ماهي مثل الضيوف
كل ما قهويتها الشعر طار عماسها

مع عذوبة هرجها بالحلا عذبة وصوف
هي مسببة القصايد وهي نوماسها

ذكروها قبل لا تصبح المهره نصوف
قبل لا تكبر ويكبر علينا راسها ..
- محمد مريبد العازمي

[Nasser Alotaibi @llNMAll]

جادلٍ مرت لها سنين ما راحت عيوف
كيف تطمح والحلا والحيا حراسها

والله انه ما لحقني مع الايام خوف
لو علي صدوف بقعا تحد امواسها

مير ضيق صدري البعد والوصل محفوف
ودي اوصلها ولا ودي اخدش ماسها

درةٍ من دونها الوصل عن لمس الكفوف
من وراها قوم اهلها تعن افراسها

[Nasser Alotaibi @llNMAll]

الهدف بعد عام طلع تسلل!

[Nasser Alotaibi @llNMAll]

سيدي لـ اسمك مع المجد رابط واتصال
حتى كلمة مجد و محمد تشد الفهيم 💚
#محمد_بن_سلمان_في_واشنطن

[عبدالله السراهيد @Alsraheed]

النفس لاآنصاع راعيها لـ آوامرها
قام يتساقط خَرَز خافيه من حكيه

وأكثر ما يفضح عباد الله مشاعرها
تشكي لو أصحابها ماهيب مشتكية

ياللي تحاول بـ كثر الضحك تسترها
وش يستر الضيقة اللي فيك مرتكية

الضحكة اللي تجي من قلب دوّرها
لا تضحك الضحكة اللي كنّها بكية

[مشاري محمد @dih2i]

تفاصيل، وأحداث، ومشاوير.. رايح جاي
تهاويل، وجروح، وطواريق.. وزياده

طريقي ضياع ومجرياتي قصيد وناي
أحاول عشان أدلّ، وأضيع كالعاده

أوقّف وأهدّي خاطري وأستعيد قواي
وأشوف الوجيه اللي تلوّن وأنا ساده

أنا الراي لاقالوا هل الراي، وين الراي!
وأنا الحرب والتاريخ والسيف وغماده

تكفّيني الفزعة ليا جات من يمناي
عن الفزعة اللي في يدّ الشعب والقاده

تعرف الليالي طيب راسي وطيب أباي
ليا سولف اللي ينسب الطيب لأجداده

على العز ياروسٍ تحاما على الحمّاي
الأيمان مدّاده والأرقاب سدّاده

عذلني من يقول الليالي تجيب أقصاي
وأنا الصامل اللي تعرفونه من عناده

"عشان الأمان اللي يقيّد مسير خطاي"
تجلّدت.. ويدين المقادير جلّاده

ما أعرف أتواضع عند حقي وعند عداي
أعرف أذبح الصيّاد وأكسّر شداده

عسى كلمتي ورسالتي وزعلي ورضاي
فدا الضحكة اللي غرّبتني ورى غاده

حياتي وأنا أسعى بين صوتي وبين غْناي
حياة الغريب اللي تغرّب عن بلاده

تنازلت لكن ماتنازلت عن مبداي
وجيه الرجال تخلّي النار وقّاده

ياغاده ماقصّرت الخطاوي ورى مسعاي
معي صبر، لكن صبر الأيام مافاده

لازلتي رهينة خاطري وثمرة دنياي
وحلمٍ تزلّ سنين، ما زلّ ميعاده

تغرّبت واجد عن ديارك وعن مرباي
جعل ماضي سنين المحبين منعاده

ياكبر الكلام اللي بصدري من أمس وجاي
على قلبي اللي نسمة الدار تقتاده

[Nasser Alotaibi @llNMAll]

كل طيب طاب في الناس له فيني جماله.

[Nasser Alotaibi @llNMAll]

اكابد امورٍ عظيمات و اجسام
اطلق شنب لو مرته طق جوله

فالصدر حاجبها عن الخاص والعام
واضغط على قلبي لو النار حوله ..
- سفر وانا