fâ

الله خلقني للعذارى عقوبـةِ لو اتكحل بالهوى قلدونيُ .

[fâ @llcvlr]

سلام الله على اللي لو تركته ماقدرت أنساه
حبيب كل ما هبّ الهوى حنّيت .. لـ دياره

ليا هبَّت نسانيس الرياح و جدَّدت ذكراه
تربع في ضلوع الصدر كنَّه ماخذ بْـ ثاره

[fâ @llcvlr]

شديدة طبع لكن مرهفة قلب وطويلة بال
وبي صبر يتحمل حزن هالدنيا بخيباتي

ليلة البارح حزنها وسط صدري طال
وقساها مثل قسوة دمعي الجارح وغصاتي

بقت بالذاكره ليله حزينه من سنين طوال
تجي في بال السارح ترجعني لعثراتي

فقدت أحلام عمري لين غصني للهبايب مال
وانا ماني مشتاقه لأحد مشتاقه لذاتي

[fâ @llcvlr]

«فيّ حطام الوقت والحسره على مرّ الليالي
بين تقليّب المواجع والمحطاّت الأليمه

كنت أزيل الذكريات اللي تمرّ بدون والي
لين ماوقّف حنيني في مشاهده القديمه

عند صورة وجهك اللي ماتزعزّع من خيالي
كل مايطري فـ بالي تلحقه بسمه يتيمه »

[fâ @llcvlr]

وش يردّك لـ بالي؟ وأنا حالفٍ لأنساك
ما يطلع علي الصبح غير أنت في بالي

علاقة شروق الشمس في شوفة محياك
من الفجر سجت بي .. وأنا قبلها خالي

[fâ @llcvlr]

تلاشى ما دام إن التلاشى هو آخر حل
وجودك ما عاد يفيد و غيابك إلزامي

فقدتك بما فيه الكفاية حبيب وخلّ
وأخذت اغلب آمالي معك واغلب احلامي .

[fâ @llcvlr]

«حاشمك من رجعة ماضيّك أجمل منها
من متى؟ والغالي إللي راح يرجع غالي»

- عبدالله آل لزيوح

[fâ @llcvlr]

«يا عيد لي غالي مع الناس مفقود
وجدي على شوفه يعيّد عليّه»

- سدّاح العتيبي

[fâ @llcvlr]

كل البشر في فرحة العيد تلتّم
وانا عيوني بالهوى صوب دارك

الناس تضحك وتنسى الضيق والهم
وانا انتظر متى تقول عيدك مبارك

[fâ @llcvlr]

عيدك مبارك وانت عن عيني بعيد
مشاغلك واجد واقدّر ظروفك

توني دريت ان البشر عندها عيد
والا قبل كنت احسب العيد شوفك

[fâ @llcvlr]

عيدك مبارك يا داري واغترابي
لا حياة إلَّا معك .. لو هي بدونك

كانك من إخطائي .. أجمل من صوابي
الخطأ محبتي ولا جنونك؟

راضي أعيشك أمل واطرد سرابي
لو دياري مجدبة برقب مْزونك

غلاك بعمري زهرة أرق .. من زهرة شبابي
ولاأرق من الزهور إلا عيد به عيونك

[fâ @llcvlr]

عادنيّ راجيه في عيد الضحيه
يوم فات العيد الاول ما صفا لي

- عامر بن نوطان

[fâ @llcvlr]

إن جيت صار العيد عيد المحبّين
وإن غبت صار العيد عيد الضحيّة

- خالد مبارك

[fâ @llcvlr]

« أكثر الأماكن . . كلها ذكرّياتك
وش حيلتي لاجيتها عقب فرقاك »

[fâ @llcvlr]

« أتركوني .. لانتثرّ دمع موق من العيّون
الحزن خيّم بقلبي من عجاف السَّنين »

[fâ @llcvlr]

شبيه الصبح لاخالط شذى فنجاله الأنسام
أحبك والهوى طاحت طوال أشناب من دونه

ثلاث أيام مالك حس .. وينك من ثلاث أيام؟
عسى ماهي بدايات الفراق اللي يقولونه

[fâ @llcvlr]

وش يردّك ل بالي؟ وأنا حالفٍ لأنساك
ما يطلع علي الصبح غير أنت في بالي

علاقة شروق الشمس في شوفة محياك
من الفجر سجت بي .. وأنا قبلها خالي

[fâ @llcvlr]

أنا لو ينسّيك الزمان ماني ناسيك
محبتك قصة مقدر أكتب نهايتها

لو الوقت يرجع قبل أعرفك وقبل أجيك
وقبل الهقاوي تنثني دون غايتها

بأروح أنتظر فأول مكان جمعني فيك
وبأعيد تجربتي معاك من بدايتها

[fâ @llcvlr]

عطيتك كل ما أملك والكريم معان
ترا قلبي جيوبه فاضية مَرّة

ألبّي كل رغباتك عدا النسيان
ماراح أقول راح بخيره وشرّه

أنا عايش حياتي كان ياما كان
تخالط حالي الأيام مع مُرّة

أبعرف كيف تنسى بس يالإنسان؟
ولايبقى بذاكرتك ربّع ذرّة؟