𝖺𝗃𝗆𝗂.

[𝖺𝗃𝗆𝗂. @llha9q]

انا الشاعر اللي مَنطقه يربك معاديه
وأمامك رهينٍ تربكه عين وقلاده

مع الناس صلف الا معك ليه مدري ليه
يجيني شعور ما أعرف أميّز أبعاده

لك الخافق اللي ما نزل قبلك أحد فيه
ولك الدعوه اللي بين مصحف وسجاده

- محسن بن مترك

[𝖺𝗃𝗆𝗂. @llha9q]

علموه ان القصايد كلها من داني
ماتمثناها من الاوصاف غير وصوفه

زينه الرباني اللي فـ الهوى رَباني
لين صرت اكتب قصيد وفالقصيد اشوفه

صحّت ابياتي وتفكيري وصح لساني
مير ماصحّت بقربه كبدي الملهوفه . .

- ناصر الحمادين

[𝖺𝗃𝗆𝗂. @llha9q]

ياكثر القصيد اللي كتبته وشاف النور
والااكثر منه قصيدنا اللي تعرفينه

لا يمكن ابين للعرب زينك المستور
وانا احرص عليك احرص من المؤمن لدينه

اللي محتفظ به عندي اغلا من المنشور
ويكفيني انه فيك وانك تحفظينه

تعمدت نشر اللي يحبونه الجمهور
لكن ما نشرت اهمه اللي تحبينه

- محسن بن مترك

[𝖺𝗃𝗆𝗂. @llha9q]

منطوقها مايقول الا الكلام الجميل
و لو خانها لسانها ..صح الله لسانها

- عتيم

[𝖺𝗃𝗆𝗂. @llha9q]

مستعد أواجه لـ عينك كبار الظروف
ليه لا؟ والعشق ميدان .. وأهدابك رماح

- علي مسفر

[𝖺𝗃𝗆𝗂. @llha9q]

أعذب ما جاء في تخطي زلات المحبوب /

كل غلطه من لسانك صرت أشوف انها صحيحه
أتعذر دون تعبيرك . . و أقول انه مجازي

- تركي بن جويعد

[𝖺𝗃𝗆𝗂. @llha9q]

قليل اللي يميّز وأكثر العالم مع التيّار
سلامي لعقلٍ يعرف الفارق من العادي

[𝖺𝗃𝗆𝗂. @llha9q]

مثل مايحفظ المصلاح قدر الفارع الميلاف
تمثني روض صدري وازبني من قسوة إهمالي

وإلى دارت صواديف الزمان وقلتي اسمي حاف
فـ امانه لاتجين لجرحي اللي كان متشالي . .

- صالح النشيرا

[𝖺𝗃𝗆𝗂. @llha9q]

دخيلك يالسنين المقبله لاتبخسين الكيل
تراني ماخذيت من السنين الماضية حقي

[𝖺𝗃𝗆𝗂. @llha9q]

عن هوى داري معك .. مانيب داري
كل دارٍ نجتمع فيها .. وطنّا

- محمد جارالله

[𝖺𝗃𝗆𝗂. @llha9q]

بنت الزحول اللي يفكون الانشاب
ماهو بـ يزهاها الضعيف الهلامه . .

[وهّاج @_3jim]

بنت الزحول اللي يفكون الانشاب
ماهوب يزهاها الضعيف الهلامه

تصلح لصبيٍ مجلسه ماله ابواب
يومياً و عنده ضيوف و كرامه

_ فارس الحشار

[𝖺𝗃𝗆𝗂. @llha9q]

سيدة قلبي اللي ماخذتني نهابه
و اتنازل لرغبتها محبه و شيمه

قالت الحب أشوفك ودك تصك بابه
قلت قفت ضعون الحب و أنتي مقيمه

كل بيتٍ عظيم و يستحق الكتابة
ما تعين وراه إلا محبة عِظيمة

- صالح النشيرا

[𝖺𝗃𝗆𝗂. @llha9q]

جرحك يخليني أعيش الغلا بـ آمتثال
أحيان جرح الهنوف يصير مثل الدوا

لو تاخذيني على كيفك .. يا سمح القبال
من الغلا مستحيل أقول " مالك لوى "

- تركي بن جويعد

[𝖺𝗃𝗆𝗂. @llha9q]

فيه مرحله يوصلها الإنسان
هي الإكتفاء بالنفس والسلامة الداخلية /

أستميل لعزلتي وأبعد ولا عندي سبايب
غير حبي للهدوء إللي عن اللّجة مبدّا

[𝖺𝗃𝗆𝗂. @llha9q]

جابك الله تزرع الضحكات في وجه الليالي
اشهد انك منوّة المضيوم و الفرصه السعيده

يا ذهب في جوف منجمّ ، ما يطوله غير غالي
يا طموحٍ كنت أظنّه حلم و الهقوى بعيده

- مفرج المسيلم

[𝖺𝗃𝗆𝗂. @llha9q]

ولو اني أستحق من يتباهى فيني
صبح وعشية ، إلا اني كنزٍ مايضيع وسرٍٍ ما يذاع

[𝖺𝗃𝗆𝗂. @llha9q]

توحشّتك وأحسّ إن الأراضي تنطوي بي طيّ
عليك من الرحابة كثر ماصرت أختنق فيها

وعلى وجهك سلام الله وأمانه لين يبعث حيّ
وعلي من الصبر مايحبس دموعي ويداريها

" عساك بالجنة "

[𝖺𝗃𝗆𝗂. @llha9q]

اللهم ارحمه بقدر شوقي له،
اللهم اجعل قبره نورًا وراحة، وبلّغه منازل الجنة بلا حساب ولا عذاب ، اللهم إني أفتقد صوته ووجوده، فاجعل لقائي به في الجنة أجمل لقاء، واغمره برحمتك التي وسعت كل شيء

[𝖺𝗃𝗆𝗂. @llha9q]

كم تمنيتك تجي فالحلم مره
جعل جنات الوليّ داري ودارك

عاد بيتك فيه من ماطاك جره
وعادني ببقى على حلم انتظارك

- مبارك بن وافي

[𝖺𝗃𝗆𝗂. @llha9q]

اللهمُ صل وسلِم على نبيّنا مُحمدﷺ