َ

طموحاته جميلة والزمان أقلّ من عادي

[َ @llIifa_]

"نسألك يا ربّ العفو والعافية والمُعافاة الدائمة
في الدين والدُنيا يا ربّ العالمين."

[َ @llIifa_]

البارحه طاري الهواجيس هدّام
هد العيون اللي هجرها منامي

دق الوتد ثم شيد بصدري خيام
فيني جها من صلف الايام حامي

كني بقايا بيت وركونه .. حطام
ماظنتي بيفيد جمع الحطامي

[َ @llIifa_]

الخاطر أض��ق من الدبله

[َ @llIifa_]

لا تلومه لو تشوف الصمت ذنبٍ من ذنوبه
وش يقول اللي يشوف احساسه اكبر من كلامه

واحدٍ مهما تضيق بعينه الارض الرحوبه
ما يبيّن في عيون الناس ضعفه و إنهزامه

[َ @llIifa_]

رجعت من الغياب المُرّ لكن مارجعت إيّاي
ياليت اللي يرد الغايبين .. يردني يمّي

ألاحظ غربتي حتى على مدهالي و مَرْباي
مثل غُربة حديث المُطّلع في حضرة الأمّي

[َ @llIifa_]

ودّع البرد كفٍّ .. ضمّ يمناك
صافح الودّ قلبي يوم جيتك

حيّ ذا الشوف ما تنمل دنياك
شف سواة العيون اليّا لقيتك

[َ @llIifa_]

وان شفتهم في سوالفهم يجيبونك
ادركني الحزن والسلوان ما امداني

كن فز قلبي ليا قاموا يطرونك
فزة شجاعٍ يقول ان العمر فاني

وكن لجّة ضلوع صدري كلها دونك
لجة اهالي قطر .. من دون ابن ثاني

[َ @llIifa_]

كلك تسافر ما تخلي منْك شيء
وش يشعرني إني فالوطن يا ماخذه

[َ @llIifa_]

الدروب أتعبتني والوقوف اضطراري
والذلول انكفت قبل أتمكّن رسنها

كيف أرد الطيوف العابثة ؟ والطواري
كل ما شع نجم من الليالي شحنها

والله إنّي تحملت التعب وأنت داري
ووالله إنّي خذيت من المسافة شجنها

بعتني بيعة السامح بعد جيت شاري
كيف تضحك لك عيوني وصديت عنها

[َ @llIifa_]

أنت الأول .. رغم إنك شي ثاني
مثل فجة نور .. أو قفلة قصيدة

أنت عمر ومر عمري في ثواني
كنت حتى بالحزن فرصة سعيدة

[َ @llIifa_]

البقى لله والدنيا مساعيها مساعي
كل ما ذقنا مرارتها طمعنا في حلاها

نوب ألقّيها عظم وجهي وأنطّحها ذراعي
ونوب اعرّضها مقفاي وتعرضني قفاها

والله اني ماتخيّرت الغلا من قلب واعي
راودتني فيه نفس أضمى عشان اقطع ضماها

ما ضريت اردها عن شي مالي فيه داعي
كيف باللي يستحق اطيعها واطرد وراها

[َ @llIifa_]

صباح بعنوان :
انا القاضي وراع الحجه الاقوى وانا المفلوج
وانا اللي فاقدٍ حلو المنام وروحه المرحه

[َ @llIifa_]

سرحت بخيالي فيك وأسهبت فالتفكي��
وطلّعت كل اللي مخبّى ورى صدري

ما تمنعني حدود المسافة عن التعبير
أنا توّي مسولف معك وأنت ما تدري

[َ @llIifa_]

ياما تنازلت عن حقي و مصلوحي
حتى لو الكلمه العوجا على لساني

يفتل حبال الكلام و ينقض جروحي
اللي على اتفه ذنوبي ينكر إحساني

و أنا على شان غيري موجعٍ روحي
ولا احدٍ موجعٍ روحه على شاني

[َ @llIifa_]

أذكرك و أذكر تفاصيل الوله و الحنين
حتى لوّ ان الليال بـ غيبتك ناكره

وشلون أبنساك يا عشقٍ بقلبي دفين
وانت المشاعر معك ممتنة و شاكره

صحيح انا الساهي النسّاي في كل حين
" الا معاك انت ما خانتني الذاكره "

[َ @llIifa_]

" أنا بآخر أيامه سمعت الكلام الجاف
وكذبت سمعي لو تشهد له أحداقي !

بعد مانطق في تالي الليلة أسمي حاف
عرفت أنه العربون —— في ليلة فراقي "

[َ @llIifa_]

و الى دارت صواديف الزمان وقلتي اسمي حاف
امانه لا تجين لـ جرحي . . اللي كان متشالي

- صالح النشيرا

[َ @llIifa_]

أنا من تعودت أسمع أسمي بصوتك حاف
وأنا داري إن حبك.. على أخر لياليّه

- عبدالعزيز العبلان

[َ @llIifa_]

سلى منه الضمير ولا بقى له فالحشا مقعاد
عفى الله عن بقايا لهفتي — و ايامي و بوحي

[َ @llIifa_]

« عقب ماكنت أصتفق مثل البحر في جده
قمت أعيش أقوى ركود ٍماعرفت أعيشه »

[َ @llIifa_]

وإن حاصرك زول من تغلي وضامك غلاه
ان ماذكرت النعش والإ ذكرت القبر

تدري متى تنفض ايديك وتعاف الحياه؟
لا عطاك ربي معاناه وحرمك الصبر