᷂ترف

لا تكبّر لقمتك.. وتغص فيها

[فهد قطنان @Fahad_Qatnan]

"المجنون شخصياً"

[᷂ترف @lliu_x]

انا ورب الراحلين مبلي بحب الراحلين
أشوفهم في بسمتي في دمعتي فـ الاغنيات

ماني من البارح حزين ��نا على البارح حزين
البارح اللي كان يملاني سواليف وحياة

البارح اللي لمّ ضحكتنا من افواه السنين
ولا جنى سوى السواد اللي تلحّف به ومات

[᷂ترف @lliu_x]

يا يائسة من ضحكتي أنا صديق العابرين
ايه اعبريني وانفضي وحدتك من هذا الشتات

يا ليتها بـ ايدي ويمطرنا دعاء الصالحين
ويا ليتها بـ ايدك ونتلاقا بـ آمين التُقاة

من غربتك ماتت على شرفة شفاهي كلمتين
اشتقت لي وانا معك منفي ولا عندي جهات

[᷂ترف @lliu_x]

مرحبا لين الشعور يفيض والصدر يتملّى
والبقى والجفن ساجد والهدب واقف يصلّي

جيتك اللي : في سبيل الشوق بالصبر يتحلّى
له عليك انه ينال الي يبي بعد التحلّي

قال ابوي الطيّب الي قام رحّب ثم هلّى
مرحبا يا خيرة الي فيه أرحّب ثم اهلّي

[᷂ترف @lliu_x]

وهج نـور .. التراقي تختفي به لمعة السلسال
ماكن .. العسجد البـرّاق لـ اللي ماهو بعادي !

خطاك الشك واطغاك الوضوح اللي بدون جدال
على طلتـك تنشـاف الثقـة في وجهك الـهادي

[᷂ترف @lliu_x]

تباهي في صباح العيدَ وامشي مشية المختال
عساني ماخلا من شوفك ومن صوتك الشادي

ترق الك المشاعـر ويتناشى لك لـهَف و آمـال
لا هبّت كـل نسمـة عـابرة مـن مفـرق الوادي

يميّـزك الحسن من غـيـر .لا خـاتم ولا خلخال
جمـالك بين ترفات الحسن في منصب قيادي

[ججزل العاازمي @2lmor]

إكسر جدار الغرور وعايد احبابك
أنا إن تصبرت لين الصبح يا طيبي

فطرت قلبي في عيد الفطر بغيابك
أرجوك في عيد الأضحى لا تضحي بي

[᷂ترف @lliu_x]

ولـدت حُرّه لي مَدار وجناحين
في مجتمع شكله يحب الجواري

[᷂ترف @lliu_x]

من هو يشيل الحظوظ المايلة منّي؟
كل ما تمنيت وقفة ، طوّل الممشى

ما للأماني طريق لواقعي كنّي
أطرم تمنى يقول (أحبّك) لـ طرشا

[᷂ترف @lliu_x]

وراء كل مشرق شمس ومداعبة نسناس
على غرّةٍ محبوسه، وضحكةٍ حرّه

أوقّف بفوضى نفس، ومغالبة وسواس
وأشوف الحقيقه مرّه و وقفتي مرّه

يا ليت الحياه تبرّني.. برّها بـ الناس
ولك وجهي إن مالي سوى وجهك أبرّه

أنا حاشد شعورٍ حقيقي، وشِعْر، وباس
وراء كلمةٍ بقولها في العمر مرّه

[᷂ترف @lliu_x]

ابتغيها تضمّ حزني مثلما ضمّت يديه��
للفقير اللي خلق من سلوة احلامه متاع

مختلف مفه��م تقديري للاشيا اللي ابيها
يشبه لطبع الكريم اللي هدا أكله و جاع

امي تقول ايّ حاجه ودكّ بْها - اتركيها -
وانت شخصٍ من غلاته رحت واهديته وداع

[᷂ترف @lliu_x]

لو تقاس الاهتمامات بـ مدى بكيي عليها
مابكيت الا على فستان قصْر و روج ضاع

اشبه لطفلة تحَبس العبرة اللي تعتريها
ليين تبكيها على لعبة سقط فيها القناع

حالفه إنّ المسرّة ياااا تجيني يااا اجيها !
ذاخره لدروبها من معمعة صبري اقتناع

[᷂ترف @lliu_x]

يارب أنا لا قوةً بيدي و لا بيّدي حول
يارب أنا الغرقان بالدنيا و أبي طوق النجاة

ياربي أحبك و أحب الدين واحب الرسول
وأتعوذ من ابليس وجنودة و من دربً مشاه

ابي من الدنيا بياضً يسمح لوجهي دخول
الجنة اللي تجمع أهل الله بوجهه وبلقاه

[᷂ترف @lliu_x]

يالمعطي من الخير لا تزعل إذا شراً تنول
حتى و لو ينسونه العالم ترى الله ما نساه

شفني كثر ماني من الخذلان بجفوني ذبول
للحين أحب الظن الأبيض لو يضيعني وراه

و أفرح إذا ما ردو المعروف أحياناً ، وأقول :
إبي جزائي كله من الله ولا أثمن من جزاه

[᷂ترف @lliu_x]

إبي هدى ربي غنى ربي و إبي حسن القبول
و إبي ستر ربي ، أجر ربي ، عفو ربي ، رضاة

ياليت فزاتي لحيّ الضيف و أصوات الطبول
يفزها قلبي اذا حيّا المؤذن عالصلاة

يارب في قلبي من الرعشه مثل دبك الخيول
يارب في عقلي من الوسواس ما بيّح خفاه

[᷂ترف @lliu_x]

باب ما جاء في " القدر موكل بالمنطق "
يقول الشاعر بخيت السناني
(رحمه الله)
انا لي ثلاث شهور من شدة التفكير
امر الإشاره والعه وتعداها

ونجاني الله من حوادث مرور السير
واكيد ان لي لحظة وداع اتحراها

[᷂ترف @lliu_x]

حسبت النصيب مع الليالي يجيب مناي
وتردّى النصيب وعزة النفس تمنعها

[᷂ترف @lliu_x]

@Tshahd12 الله عليك انتت

[᷂ترف @lliu_x]

سلامي على الصبر وسلامي على الهقوات
لولاها غديت رعيةً مالها راعي

اشوف الحزن بالذات مثل السهر بالذات
على ادنات شيً زين يشعاني الشاعي

اعاني من اللي لو يعانيه غيري ما��
معا الميت اللي فوق قبره نعى الناعي

ياخوف�� من الجاي ويا وجدي على اللي فات
مع ان بعضها حاجات مال امها داعي

[᷂ترف @lliu_x]

ترى غصنك اللي كل ما مال عدلتيه
تميل المشاعر معه واميل لا ملتي

الا قلت وش باقي من الزاد ما اكلتيه
يبين الخصر واقول غلطان ما اكلتي

لعبتي بـ حسبت شاعر كل ماذهلتيه
خذيتي من عيون الشعر جزله ونلتي

على اعجابه اللي ماحدٍ ناله ونلتيه
ولازال في غبّة غرامه ولا زلتي