ﮪّ . .

هيبـة الكبرياء وعنفوان الدهـاه .

[ﮪّ . . @llll37ll]

تحزّم لساعات النشب بـ ابلجٍ مرجوج
يشوف الجموع الهايلـه ويتمثناها .

[ﮪّ . . @llll37ll]

الصباح المكتمل في وجهك المتبسّم
يشرح صدور العباد ويضبط النفسيـه

كنك مثل اللي على ضعوف العباد يقسّم
" العطايا والذهب والعمله النقديه ".

[ﮪّ . . @llll37ll]

أنا صوابي خطا لكن خطاك الصواب
لو كان ردّك و تقصيِرك ماه�� مُستحبّ

والله لو تحوّل نجوم السماء فـ التراب
ماخاشرك فالضمير أغلى ولا أزين و أحَبّ .

[ﮪّ . . @llll37ll]

النفس لا طابت ترا مابها طب
أصعب علاج ، علاج نفس عزيزه .

[ﮪّ . . @llll37ll]

شفت حيّاة الملوك وعيشة البطره
" تسوى نهار شبكة أيديك بـ يديني "

[ﮪّ . . @llll37ll]

أنا ماشعاني غير حرٍ عريب أنساب
على سنام المراجـل ثبّت شداده

عذلت قلبي عن غرامه ، ولا تاب
له القلب منساق وله الروح منقاده

لو إن ما أدّرى هرج عاذل ومغتاب
تقلدت مسباحه على عنقي قلاده .

[ﮪّ . . @llll37ll]

انا وياه مثل اللي . . يحاتي واحدٍ يغليه
يشوف ان المفارق صعب لكن شايلٍ همّه

يقول الموت لامن صار دوني تقدر أنك تجيه؟
وأقول الموت وينه ياحبيبي . . واتجه يمّه

[ﮪّ . . @llll37ll]

انا يجيني على " مدح النشاما " ضرم
وشرواك فالمرجلة وضعه على مايرام

مدري وش اقول مير اسمك لحاله هرم
طرااه عاد الكلام اللي .. عليـه الكلام

الشكر مطلوب لله ان عطى و ان حرم
وتبي الصراحة مع التقدير والاحترام ؟

جمعتها كلها ، حكمة ، شجاعة ، كرم
لكن لو انك عتيبي مثلنا ؟ يا سلاااااااام .

[ﮪّ . . @llll37ll]

أنا وين ابا القى لي خويٍ يذب الريع
لو أنه كذوبٍ يصرف الحكي من كيسه

ابي ديرةٍ من دونها الاتصال يضيع
وجوٍ خلا تطرق ض��وعي نسانيسه

قلبي من كثر ما هزّ�� الشوق والتلويع
فقد راحته واغلب شعوره واحاسيسه

حلالاه لو قلوب بعض العرب لـ البيع
ابا اطق لي قلبٍ جديد بـ قراطيسه :)

[ﮪّ . . @llll37ll]

ماهو لازم نتواصل بـ الكلام
اهم شي قلوبنا .. متواصـله

لا صرت تنظر لي بعين الاحترام
" كل الامور اللي تبيـها حاصله ".

[ﮪّ . . @llll37ll]

لو يحطم خاطري اللي ما يحطم باسي
ماشرب فنجالي اللي دلته مشروبـه

كل طيحه طحتها .. ماطحتها متواسي
ليه اسلّم للمطيح وطيحتي مطلوبه ؟

في بعض الاحيان خلك عبقري وسياسي
لا تكون اللي لا راحو الاغبياء راحوبـه

مقدر اقول الكلام اللي ينزل راسي
وانا واحد لا تكلم " كلمته محسوبه ".

[ﮪّ . . @llll37ll]

أنا حبيبي لا رمى الصيد م أخطاه
أكحل له عيوني .. وأفك الجدايل

خلي عفيف ويعشق اربعه بدنياه
انا وذوده .. والقنص .. والجمايل .

[ﮪّ . . @llll37ll]

هي اللي خذت قلب الشجيع وجميع مناه
وخذت من سما الأمداح ما يخجل الممدوح

يا بنت الكبار اللي لهم صيت وجه وجـاه
تسامت فعايلهم يوم أن الدمَّي تفـوح

ينافس جمالك سلطنة جدك وشلفـاه
إذا أنه يرد القوم ؟ " وجـهك يرد الروح " .

[ﮪّ . . @llll37ll]

كان ما يجذبك .. لا نوّي ولا برّاقي
لا تساهل كسر قلبٍ كاسرٍ لك شفه .

[ﮪّ . . @llll37ll]

سالبة لبّ المدايح وتيجـان الوقار
وفارقة في جيل متشابهه نوعيتـه .

[ﮪّ . . @llll37ll]

الصباح اللي فيه حسك يا منوة المتمنيّ
ولله انه ابرك صباحات العرب وأحسنها .

[ﮪّ . . @llll37ll]

ليه وجه الصبح ينشدني وكنّه داري
وين خلك ليه ماصبّح على اغلى ناسه ؟

ولله إن الصبح ما جاب لـ غيابك طاري
بس انا مشتاااق وابغى احطها في راسه .

[ﮪّ . . @llll37ll]

إيه أحبك والحظوظ أحيان تصبح لي خصيمة
كل ما أقبلت بـ ودادي زاد حظي في ملاامه

وان طوانا اليأس والايام ما صارت رحيمه
يكفي اني عشت أحبك في شموخ وفي شهامه

ولله ان البعد موجع و " الجفا مسرح جريمه "
ومن شكى ضيم الليالي يحتري يوم القيامه

من يقول ان الغلا غاية ومرباح وغنيمه ؟
ما درى إن الحب موتٍ يلبس ثياب الفخامه.

[ﮪّ . . @llll37ll]

الشوق سم القلوب ��للي طواها الجفاف
إليا تسلطن على كيفه ؟ .. يخص ويعم

يا غاية الروح ما نحتاج لـ الاكتشاف
الاسألة حلها ما بين لا .. ونعم

أغليك وأقدرك وأقدر الاعترااف
انا اعترافي معك من باب .. شكر النعم

أدرا على حبّنا اللي من عفاف لـ عفاف
تقول أداري على سمعة خوي وابن عم

الهجر مثل الردي فعله وذكره يعااف
والوصل مثل الكفو يستاهل ألف ونعم

خلني أعيش معك العمر لـ اخر مطاف
أنت بدونك ؟ يصير العمر ماله طعم :)

[ﮪّ . . @llll37ll]

يقولون المخيله في بدايتها رعد وبروق
ولا هو شرط لا دندن رعدها هل مطرها .