فيه اسئله تحتاج للعذر الوجيه
وفيه اسئله تحتاج للواحد الأحد
ماعاد أبي واجد من اللي كنت ابيه
كفّنت رغباتي واهلها في اللحد
حتى اللي الايام ، بتوقف عليه
أثبت لي انها ، ما توقف لأجل احد
"رحت مثل طهّر السحاب المراويح
ياللي فراقك ما يمّر بسهُوله
كنت لنا وقت الظلام المصابيح
و حلمٍ تباكينا على أخر فصوله
و ش عاد باقي غير صوتك مع الريح
و جرح الغياب و ذكريات الطفُوله "
— عسى الرحمات تنصب على قبرك
تسامحت مع نفسي وهوّن علي دعاي
خصوصاً دعاي الي دعيته وأنا ساجد
غمرني شعور من الرضـا للزمان الجـاي
و لا صار عندي خوف من عضة الناجد
اثر من عطاه الله نزاهة ضمير و رأي
يغيب الغيـاب اللي يخليه متواجد
لاتشره علي يوم أبتسم في وجيه عداي
" محبيّني " أكثـر من معاديني بـ واجد
باب العلاقات ضيّعنا مفاتيحه
جزنا من الناس قاصيها ودانيها
العلم واضح ولاداعي لتوضيحه
درسٍ عطتناه الايام ولياليها
نعيش في المجتمع لو مالنا ضيحه
مجالس اهل النمايم مالنا فيها
مجلاس حزمٍ تلاطفني ملاويحه
اخير من جلسةٍ مانيب باغيها
عَفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه
وعَفى الله عن همومٍ ما تخلي مستريح البال
يعيش أيام عمره في صفا ذهن وصفا نيّه
وعَفى الله هواجيسٍ توقف بي على الإطلال
تعيد الذكريات اللي مع الأيام منسيه