بعد السحور اليوم بكتب لكم قاف
قافٍ عليكم يابشر تسمعونه
يابخت من صلى لربه وله طاف
ويابخت منهو صايمن كل يومه
أنا مقصر والبلى دوم سواف
والله يغفر من له اليوم توبه
رجلًا ليا شاف الصحن قام يسعى
ورجلًا ليا شاف الصحن كف يمناه
في مجلس الضيفان ياكل ويرعى
وفي مجلسه مايوم رحب وشفناه
ياليت في علم المراجل بيقرى
وياليتنا بالطيب حنا عرفنااه
بعض الرجال العيب فيهم مغطى
وبعض الرجال العيب من فعل يمناه
#شعر
يارفيقي ليت ماهي بدايات اكتئاب
عقب ماكنت اجتماعي نشوفك منطوي
لك سنه ماجيت مجلس ولا فكيت باب
مامعك لمقابل الناس دافع معنوي
كانها من مال يفداك مالٍ في الحساب
وكانها من حِمل فارمه على متن الخوي
أدري ان الهم في صفحة المؤمن ثواب
مير أنا يوجعني الضعف في وجه القوي