ّ

" لا يُجيد التعارف .. ولا وده "

[ّ @llm9v]

غني عن وجيّه خلق الله .. والتعريف

[ّ @llm9v]

وأعرف الناس كثر ما الناس تجهلني
وهذا اللي وقف بيني و بين الناس :(

[ّ @llm9v]

لو ان النوايا في وجيه البشر تنشاف
عما نور وجهي كل من شاف نياتي

مصير البنادم واضح و ما يبي عرّاف
تحت بند " كل اللي تودونه بياتي "

ولوّ مهل الله ما همل قلبي الشفاف
يجي يوم و الدنيا تعدّ انتصاراتي

تخافون دورات الليالي و انا ما اخاف
تبي ترد ليّ معروفي و بيض وقفاتي

[ّ @llm9v]

مهما تغيّرتوا .. أسلوبي هو أسلوبي
في دروبي الآمنة و دروبي الخطرة
ماعرف اداهن عشان آصل لمطلوبي
يا زين وجه البياض اللي على الفطرة

[ّ @llm9v]

كلٍ يشوف انه سليم الإعتقاد
وان الله الهادي وهو المهتدي

البخل في عين البخيلين اقتصاد
والضعف حكمه في عيون الأجودي

واسهل عمل للفاشلين الانتقاد
كلٍ يسب أهل الردى حتى الردي

[ّ @llm9v]

يابوي مافيه بحياتي مطاليب
الا رضاك و دعوةٍ في صلاتك

و ان كان مالي في حياتي مكاسيب
مكسبي الوحيد اني على اربع جهاتك

لا يلحقك يا ابوي شكٍ ولا ريب
ابشر بنا يا أبوي .. قبل إلتفاتك❤️

[ّ @llm9v]

على الله تكلت الشون كلّه و أنا لله
إمْن الراجعون إليه بـ العز و الذلّه

الله يقطع الحاجه ، ومشيً بلا مشهاه
والله يقطع اللي كل من قاربه — ملّه

والله يقطع اللي لا بغيناه ما نلقاه
والله يقطع اللي لا صفا ما صفا كلّه

— بن جدلان

[ّ @llm9v]

الحر مايرضى على نفسه الميل
وأن كان شانت باعها ما شراها

[ّ @llm9v]

امرأة اعتادت الانفراد ، تؤذيها دائمًا فكرة الزحام

[ّ @llm9v]

قلبي اللي لواه من الصواديف لاوي
جرحتّه الليالي والحظوظ الرديّه

والله اني بوسط الناس كني خلاوي
من يلوم المفارق عقب فرقا خويه

والله ان المفارق من عظيم البلاوي
مير هذا نصيبك يالعيون الشقيّه

اتصبرّ واقول اني على البعد قاوي
والله اعلم بقلبٍ فيه الاشواق حيهّ

[ّ @llm9v]

بغيت أعدل مايل الناس وأزريت
أزريت أعدل مايلٍ في ضميري !

[ّ @llm9v]

اللهم أغننا عمن أغنيته عنا وزهدنا فيمن زهد فينا وهون علينا من هُنا عليه .

[ّ @llm9v]

جعل العمه الي على بنات أخوها ذرى
مايوجعها ضيمٍ على مر السنينّ ❤️

[ّ @llm9v]

أرجو أن يحبني الله لدرجة أن يضعني في أدعية شخصٍ ما لا يدعو لنفسه إلا ويدعو لي معه

[ّ @llm9v]

" حسبي الله ونعم الوكيل "
هذه العبارة كفيلة بأن تجرد الظالم
من كل نعم الله عليهّ وتفقده أعز ما يملكَ بالدِنيا . .

يالله أنت حسبي في من ظلمني وأنت حسبي
في من آذاني بفعل وكلمه وإستغفال ومن جرحني
حسبي الله ونعم الوكيل وكفى بالله حسيباً .

[ّ @llm9v]

يارب جنبني .. دروب الخايبين
وشماتة الأعداء وطيحات الفشل

ويارب سخّر لي قلوب الطيبين
ماغيرك الهادي وعليك المُتكل

ويانفسي اللي لـ المعالي تتوقين
العز .. يبغي له مرُوات وفعِل

والوقفه اللي تبي لها ضلع متين
يارب تجعلني لـ مواقفها .. أهل

[ّ @llm9v]

عسى الله يعوّض بالاجر فايض الإحساس
من يعيش زهرة عمره ولكن مشيّب

صدوف الليالي تمتحن كل طيّب راس
ما حسّ بمعاناة الكفو واحدٍ خيّب

وأنا فوق ماني منحرم لذّة الاوناس
لو أقرأ خبر عن شخص عدّيته قريّب

معي قلب متعبني ويحزن لحزن الناس
ولا يذبح الطيّب سوا قلبه الطيّب :(

[ّ @llm9v]

خل الرجاء حي بالله والله المستعان
استبشر بخير وان مال الزمان اعتدل

لا تترك الياس يسكن في زوايا المكان
أحيان تاقف على أعتاب الضياع وتدل

انا عن رسالة العاجز - و نصح الجبان
اخترت طيرٍ على اوراق الغصون يهدل

"اطيح مثل الجمل واقوم مثل الحصان"
ما لـ الكرامة - على وجه البسيطة بدل

[ّ @llm9v]

إن طعت شوري لا تفاخر بموقعك
لا تحسب الموقع يقدمك قدام

إن كان مالك فعل طيب يطلعك
المقبرة دايم على الشارع العام

[ّ @llm9v]

أستبسط الكاره وأهمّش موقفه وأتساهله
وأساساً شعور البنادم شي ماهو في يديه

على العقول الواعية ذنب العقول الجاهلة
وأنا ما أجامل واحدٍ في حاجةٍ ماهيب فيه

"يا كثر حسّادي، وأنا قد الحسد وأستاهله"
شرواي ما يرضى يجي بوضع لا يُحسد عليه