ُ

لاضاق صدري بالقصيّد اتسلى

[ُ @llwrii0]

امرك وانا مستبعد فكرة المعواد
ويغلب علي وجه الشبه بينك وبينه

ملكني غرامك لين صرت أملك أستعداد
أناصر ضحايا الحب وافهم مجانينه

قبل اعرفك كان قلبي عيوف و صاد
و بعدك ما صرت اعرف غير الله يعينه

لكن الله الي مكنك و الله الي راد
تخلينه يحب الحياه و تخلينه

عويد النجود

[ُ @llwrii0]

تارك لي ذكريات ، ومداهيلٍ وراي
خاطري فيها ! وأنا ماقدر اعوّد ورا

سعود مبارك

[ُ @llwrii0]

جيتك من أقصى الدروب وبكره مسافر
على مواويل يا دنيا ! .. من أنتي له

عطني من الوصل .. لو بروس الأظافر
إن : شفتك اليوم .. ولاّ شفتك الليله

مطلق بن شويه

[ُ @llwrii0]

على طارف لساني يا كم مات حكيٍ زين
ياكم جيت اباقوله وعودت ما قلته

ذبحني شعور الخوف والظن والتخمين
وشعور إني أهوى شي وأبطيت ما نلته

بندر الدويش

[ُ @llwrii0]

اجبرته ظروف الايام لو ماهو قطوع
وان رحل زوله عن العين ، حبه مارحل

والله ان يبطي وحبه ورى حدب الضلوع
العرب غيره طراقي ، وهو راعي محل

محسن بن مترك

[ُ @llwrii0]

أنت حاكم خافقي و انت المفوّض
لو غدت كبدك على وصلي غليضه

أنت فرصه فالعمر ما هي تعوّض
في حياة اللي عسى ربي يعيضه

صالح النشيرا

[ُ @llwrii0]

بين الامل والياس عايش فـ احتمال
تساؤلات بدون ، اجابه شافيه

لا تقطع حبال المواصل ذا الليال
ماهيب دايم ، والليالي صافيه

فتحت لك قلبي قبل باب الوصال
وجيت ب مشاعر ، كلبوها وافيه

على الاقل ، بادر ، رساله ، اتصال
وحده من الثنتين ، عندي كافيه !!

سعد بن لوبيه

[ُ @llwrii0]

لاتغيّرك الليالي .. ويغريك الغياب
وتحداني والجفا منك حاديني حدي

نبض قلبي يوم ودّا .. ونبضه يوم جاب
مايقول : الا عسى الله يسامح ويهدي

وين أيمم شوف عيني وأنا اخيلك سراب
كل ماضميت زولك تلاشى من يدي!

مذهبٍ حالي بطاريك يامال الذهاب
مابقى فالقلب من سبّتك عرقٍ ندي

مطلق بن شويه

[ُ @llwrii0]

أحب اللي تحبه و أكره اللي يمكن تعاديه
ولا باقي سوا أحارب عن ظنونك و وسواسك

سلطان الوسمي

[ُ @llwrii0]

فاقد اللي زود بُعده ما نقّص غلاه
من يبشرني بشوفه ؟ و يبشر بـ سعده

مابقى في ساحة البال من ذكرى لقاه
غير تلويحة وداعه وخذلان وعده

عبدالله السراهيد

[ُ @llwrii0]

يا ليت الزمان يعود بي لاول المشوار
قبل . . لا تقص أحداث الأيام تذكرتي

وتاخذني الدنيا ، عن الدار وأهل الدار
غريبٍ يضج بـ غصّتي همس حنجرتي

شعوري شعور التايه المرغم المنهار
آعرف آوّلي .. لكنّي آجهل وش آخرتي

- عبدالله السراهيد

[ُ @llwrii0]

بعدك أنا المشهد اللي صعب تصويره
تمرّ الأيام .. و أوضاعي هي أوضاعي

مشتاق لـ الليل و الشرهات و الغيره
و مشتاق لـ أسألتك اللي مالها داعي

بدر بندر

[ُ @llwrii0]

مع إن كل فرضٍ لا أذن المذن أصلّيه
معي ضيقة اللي مايصليه في وقته

من أول أضحّك واحدٍ عند قبر اخيه
وذا الحين لا واجهني الطرْب ضايقته

لا شفت الجماد اسمع وش يقول وأحاكيه
والإنسان ما أفهم وش كلامه لا ناطقته

أعيش الحزن مع كل من يفتقد غاليه
لو أشوف غصنٍ جف ساقيه عانقته

[ُ @llwrii0]

مافيه علمً من ورى علمك يفوت
ومافيه أمر إلا بيديك زمامه

جيتك وذنبي حمل وإيماني القوت
في وحشة الدرب القصير وظلامه

عمري تحت امرك مقدر وموقوت
زدني حلاله ، واغنني عن حرامه

سعد بن جدلان "الله يرحمه"

[ُ @llwrii0]

يارب وانت اقرب من السمع والصوت
تبصر شعور اللي يخونه كلامه

انت المَلك والمُلك لك والملكوت
الكون كونك وأنت محكم نظامه

علقت فيه الأرض ياذا الجبروت
وسخرت للإنسان طيب الإقامه

رب البحر والموج والدُر والحوت
والريح والبر والشجر والغمامه

[ُ @llwrii0]

ياما تنازلت عن حقي ومصلوحي
حتى لو الكلمه العوجا على لساني

يفتل احبال الكلام وينقض جروحي
يالي على اتفه ذنوبي ينكر احساني

وانا على شان غيري موجعً روحي
ولا حدً موجعً روحه على شاني

- جابر النشيرا

[ُ @llwrii0]

@aprvip بسم الله نبدا نحذف الدنيا معاد تنضمن 😂😂😂😂

[ُ @llwrii0]

فيك تشخيص البصاير ولك مد الكفوف
يا كريمٍ يكرمون الاكارم من عطاه

- سعد بن جدلان

[ُ @llwrii0]

اجي يمك وأنا محتاج وأعود وأنا محتاج
على بيبان وصلك ما أكثر انكافي و مقبالي

مثل باب العنايه حارسه دايم عليه إحراج
يجيه الغالي اللي خايف انه يفقد الغالي

قطيم بن محمد

[ُ @llwrii0]

ان قدّر الله نجاحك بعد طول الكفاح
حتى عدوك يبي يلبس ثياب الصديق

ينثر لك الشوك في مبدا طريق النجاح
ويفرش لك الورد لاشافك عبرت الطريق

أنس بن مسيعد