عـبـدالـعـزيـز 

| ماتعسّرت إلا وتيسّرت، وما ضاقت إلا وفُرجت

[عـبـدالـعـزيـز  @lmst3ar]

قمت اتبعد وابتعد عنك وأنساك
لقيت بالنسيان سلوى وراحه

وقتً مضى ياكثر حبك ومغلاك
عندي لكن اليوم خذها صراحه

ماعاد ابي قربك وعرفك ولاماك
الحر عن شوفك يرفّ بجناحه

[عـبـدالـعـزيـز  @lmst3ar]

صحيح ما عندي سبب للحزن لكنّي حزين
أحس بالضيقه و أنا والله ما أعرف أسبابها

مدري بداية ياس ولا شوق ولا قل دين
ولا ان نفسي من عيون الناس شيٍ صابها

قلبي غدا مدينة أشباح و بقايا راحلين
مدينةٍ ما تسمع إلا صوت صفق أبوابها

اللي خذا منها غرض و اللي ترك فيها حنين
و اللي رمت للريح سبحتها على محرابها

يا نفس مدري وش أسوي بك ولا أدري وش تبين
أتعبت عمري فالأمور اللي مغير أسعى بها

إن جتني الأحلام أقلّطها على سمن و سمين
و إن كانها ما جت لابوها لابو من جابها !

[عـبـدالـعـزيـز  @lmst3ar]

المدوّر في متاهات سـر الصامتين
بيتحيّر ماعرف كرهها من ودها
ㅤ
لا يغرّك من يقول تالي الخافي يبين
الأوادم نصفها ما يباح بسدّها
ㅤ
كم شفوف ٍخيمة في نفوس المستحين
لين ماتت بين بنيّ الآمال وهدها
ㅤ
واخذ عبره من كلام العوارف لولين
كل كلمةٍ تستحي من هدفها بدها

[عـبـدالـعـزيـز  @lmst3ar]

قال انت وشفيك لا حاضر ولا غايب
قلت المقادير لا منها ولا عنها

لا تمتحني وانا من الفضفضه، تايب
وغاسل يدي من كفوف الناس والسنها

من قلبي الورع حتي عقلي الشايب
عفت الاحاسيس ظاهرها وباطنها

الي رحل وش خذا ؟ والجاي وش جايب ؟
والله مدري .. لكْن الله يزينها

[عـبـدالـعـزيـز  @lmst3ar]

وتذكر يوم اعذرك وانت لا صادق ولا معذور
أدورلك عذر وأصدقه وأكذب احداقي !

وتذكر يوم جيت من الحزن متضايق ومكسور
فرشت لك الضلوع وقلت لك ياسيد عشاقي

خذ ضلوعي وابن فيها يسار الصدر بيت وسور
ترى مافيه قبلك من سكن صدري وخفاقي

[عـبـدالـعـزيـز  @lmst3ar]

تتابعت خلف الشهور !.. الأسابيع
والشوق واقف .. و الحنين متركّي

خل السكوت يسود كل المواضيع
أنا أكبر من اللوم .. ومن ، التشكّي

من أبسط حقوق الكلام إنّه يْضيع
الواقع أصدق !.. من يقيني وشكّي

لا تنتظر منّي !.. ( عبارات ) توديع
ما عندي ألّا الضحكة .. اللي تبكّي

[عـبـدالـعـزيـز  @lmst3ar]

آه يا شيٍ بقلبي و اجحده لا يبين
و العيـون الشقيه .. دمـعـها خانها

غصب عني بكت له و باح الكنين
يوم عن شوف خلي طال حرمانها

الهوى ذي سواته يفضح العاشقين
مـن بلي بالمحبه ترى ذاق نيرانها

البكى والقصايد والسهر والونين
ما نفعني وانا ما احسنت نسيانها

[عـبـدالـعـزيـز  @lmst3ar]

أصارع الايام و اطيح و اقوم
و عواقب حظوظي ما عنّي وعنها

أبني طموحاتي قبل حزة النوم
وانام و اصحى مامعي شي منها

[عـبـدالـعـزيـز  @lmst3ar]

لك الله يا قلب تعنّى و شاف و عاف
ولا عاد باقي به كثر ما خذوا منّه

بدا أوّل سنينه عاشق هاوي ميلاف
يروّح له بـ موال ويعووود بـ ونه

ليا ابحر خياله شاف له شي ما ينشاف
لو انه على جمر الغضا شاف له جنه

تذكرني ان جاتك ظروف الحياه احلاف
وتلقى شجاعٍ يشهر السيف ويسنّه

[عـبـدالـعـزيـز  @lmst3ar]

والا انا من غياب اللي فجعني غيابه
كافلً لي شعور وكافلتني يتيمه

سيدة قلبي اللي ماخذتني نهابه
واتنازل لرغبتها محبه وشيمه

كل بيتً عظيم ويستحق الكتابه
ما تعيّن وراه الا محبه عظيمه

[عـبـدالـعـزيـز  @lmst3ar]

علامة المتَّهم كثر التصاريح
وعلامة المكتفي قل أهتمامه

وعلامة أني ضعفت ويمكن أطيح
علامةٍ من علامات القيامه

[عـبـدالـعـزيـز  @lmst3ar]

مثل ما يحفظ المصلاح قدر الفارع الميلاف
تمثني روض صدري وازبني من قسوة إهمالي

وإلى دارت صواديف الزمان وقلتي اسمي حاف
أمانة لا تجين لجرحي اللي كان متشالي

[عـبـدالـعـزيـز  @lmst3ar]

انتصر حب الطويلة على حب الهنوف
واستساقتني من البيت والديره جلا

في هواها راح عمري ولا لحقته حسوف
مستحيل اعدد اللي فعلت من اولا

دايم المنه لاجات من عقب معروف
لاغدا مكسب جماله ولا دفعه بلا

القلوب تشوف وانا احسبنها ما تشوف
والعيون تميل وتحب قدام الملا .

[عـبـدالـعـزيـز  @lmst3ar]

افقدتني طعم اليالي والايام
مشاعري ماتت وعمري رهنته

لكن نعيش احرار واشراف واكرام
عافك خفوقي لو مع الوقت صنته

[عـبـدالـعـزيـز  @lmst3ar]

ياوجودي كل ماهب نسناس الشمال
وجد من حدّه زمانه على اللي ما يبيه

وياوجودي كل مااغفيت ثم مال الظلال
لا غفت عيني ولاذقت شيٍ مشتهيه

وجد من قفـّى وهو في رجا كلمة تعال
والتفت من عقب مااقفى ولحدن لدّ فيه

وياعذابي لادنـا الليل من روس الجبال
وانتهى يوم من العمر ماعاد ارتجيه .

[عـبـدالـعـزيـز  @lmst3ar]

اشتقت والي حط في قلبي الشوق
" ما فيه ليل يمرني ليل هادي "

في داخلي غصّه وفي صدري فتوق
ولا رحت ادوّر عند غيرك ضمادي

فرقت في عيني ولا فيه مخلوق
ينافسك و الي ينافسك غاااادي

ياليتك " العادي " ولا تملك فروق
واستسهلك ويكون فرقاك " عادي "

[عـبـدالـعـزيـز  @lmst3ar]

"ويمرّ طاريك ويهبّ الهوى من شمال
ويعكّر الصفو .. قلبٍ يطلب إعانته

لازال يعزف على لحن اللقا والوصال
حتى لو إنه "يعاني" وسط زنزانته

ماغيّرت منزلة حبّك ، صدوف الليال
جوارحي ! لو يطول البعد ما خانته

ما أحبّك إلين تاخذك السنين الطوال
أحبّك ، ( إلين ربي ) ياخذ آمانته"

[عـبـدالـعـزيـز  @lmst3ar]

على مفرق طريقين الرجوع وسكة الغياب
تخيّرت الطريق اللي عسى ما يشبه الرجعه

تبعتك لين ما جف الحنين وماتت الأسباب
ولا باقي سبب مقنع يحرّصني على الرجعه

تعبت من الوعود من الكلام اللي يجي جذّاب
عرفت أميز الواضح من المبني على خدعه

[عـبـدالـعـزيـز  @lmst3ar]

بلاك أنّك تعرف أنّي أحبّك لو غيابك طال
وبلاي أنّي اعرف أنّك دواي ولذّة سنيني

حسافه كل يوم يمر مالك في ذراه ظْلال
لا اسمع فيه صوتك و لا تزور ولا تحاكيني

[عـبـدالـعـزيـز  @lmst3ar]

تعال وقدّم الطارف وانا يا معذّبي عذّار
تعال اعذارك الخضرا غصونٍ مال وارقها

قضيت الثلث من عمري احبّك والعمر مشوار
دروبك ما تملّ وضحكتك من نَيِف غارقها

على لبّتك مهيافٍ طموحي وانتظارك نار
قبل لا تفتق ضلوعي .. اخذني في نمارقها