lollah.M

[‏ᴰᵀ دانـة الطويرش @Daneeda_t]

في اللحظة التي تُدرك فيها نفسك، يسقط الجميع.

[‏ᴰᵀ دانـة الطويرش @Daneeda_t]

في لحظة معينة، تكتشف إن الهدوء مو مكـان .. الهدوء حالة.
مو مرتبط بغياب المشاكل، بل بوجودك أنت مع نفسك بدون خوف أو استعجال.
تصير تختا�� ردودك، تختار معاركك، تختار كلامك ، وتختار سلامك قبل كل شيء.
وتدرك إن أجمل انتصار هو إنك ما عدت تتأذى من الأشياء اللي كانت تكسرك قبل.
هذا هو الهدوء اللي ما يعلّمه لك أحـد .. الهدوء اللي تبنيه بنفسك لنفسـك

[يوسف الهاجري @YouSiF_ALHajRi]

لا تـشيل هم البدايات . .
ولا تفكر حتى بـ فترة الورديـة . .
الخوف كله؛
هل بـيظل يـحبك ؛
في اليوم، اللي تـطفي فيه لمعتك ؟
الوقت اللي، يغرس الروتين انيابه في ايامكم؟
وتاكلون سوالف الامس الـبايته ؟

هل بتظل عيونه، تشوفك بنفس اللمعة ..
لما توصل لليوم، اللي انت ماعندك شيء جديد
تقدمه بالـ علاقة ؟
هل بيتحمل فترة اسئلتك، ويتقبل ان نجمتك تحتاج تنطفي حتى تضوي من جديد ؟
هل مستعد يسافر بـ ظلمة عيونك، حتى انت ترد ت��يد لمعتها ؟

[أسرار زكريا الأنصاري @Asrari]

يبلغ الفرح نضجه الحقيقي حين تتعلم أن تسعد لأسباب لا يراها أحد، أسباب تخصّك وحدك،
وتشبه هدوءك الداخلي أكثر مما تشبه ضجيج العالم 💫

[يوسف الهاجري @YouSiF_ALHajRi]

ادري اللي بقوله، المفروض يكون بيني وبين نفسي ..
او يمكن اشاركه شخص عزيز بـ لحظة فضفضة ☕️ ..
وانتهينا 👋 ..

لكن ..
بيدي اللابتوب .. وحسيت ابي اشاركم 💓 !

سبحان الله 🔐 ..
بهالفترة، قاعد امر بـ وايـــد اشياء ..
اسميها مخلفات 2025 ..
اشياء في ( نفسي، ظروفي، شغلي، وحتى الاشخاص اللي حولي .. )
بس اللي مستغرب منه !
هو طريقتي بالتعامل ؛ مع امور دنياي .. !

فرقت اشياء فيني ( رغم ان مو س��ل الاحظ هالشيء ! )
لــــكن ؛

ماعدت اخذ كل شيء مثل قبل
بشكل شخصي حيل
مـــثلاً ؛
( وثقت فيك، وطلعت شخص مو قد الثقة ؟
it's Fine ✨!
لا غلطتك، ولا غلطتي .. الدنيا كتبت جذي ! )
اللي بعده .. اكمل !

او مـــثلاً :
( سعيت لـ شيء، وسويته على اكمل وجه، وباقي النتيجة ؟!
خلاص ماعدت اخليه هو الـBackaround لـ تفكيري واتعب عقلي بالتفكير، استودعه الله ،واللي بعده .. اكمل ✨! )

صرت متفتح لكل الاحتمالات 👌🏻..
حتى مشاعري، صرت اعرف كيف اقراها، واترجمها ..
واصرف الزايد منها ..
كنت اظن،
ان اعظم كنوز الدنيا هي اني اوصل لـ (حلم، هدف، ارتباط .. الخ ! )

بس لقيت الان في ايام هذه ..
ان ( الاتزان، والنضج العاطفي، الوضوح في قرارات حياتك، وحتى الوقت اللي قضيته في التعرف على نفسي💙 .. )
نقل تجربتي بالحياة لـ مــستوى ثاني ..
كأنك كنت جالس في الايكومنومي💺.. ونقلوك فيرست كلاس ✈️ !

الرحلة واحدة .. لكن ..
الـ ( راحة مختلفة .. ومتأكد ان حتى الوصول 🤍..
بوصل، للي ابيه ( واللي فيه الخير من الله ... ) بس مو مثل كل مرة
منهلك من عناء الرحلة 💔!

يمكن المفروض، ما اقول هالسطر بالذات ..
خصوصاً، اني اكتبه في أمان الـ لحظة .. لكن متأكد ان في شخوص مقصوده بحياتي بـ تقراه
لكني؛
[ ممتن فعلاً لكل التجارب الصعبة، الايادي اللي تمنيت اني احضنها، ورحلت ابكر من موعدها، الوجوه اللي ظليت ليالي طويلة، ادعي الله يرد المحبة، الاحلام اللي احس اني ضحيت فيها، مثل ما ضحى ابراهيم بإسماعيل .. تركت اشياء كثيرة وراي، توقعت انها نهايتي .. لكن ..
لكن.. طلع العمر تــوه يــبدأ ..
واللي فات ماكان إلا Trailer ..
اتمنى يعرفون، اني اشكرهم، ا��هم ادوا رسالة الله في حياتي ..
وان اللي كنت اعتقد ان وجودهم وغيابهم سبب لي ألم ماقدرت اتجاوزه .. اكتشفت ان رسالتهم في حياتي .. يعلموني كيف انضج بـ قلبي، كيف امر على هالمشاعر، كـ انسان اولاً، ثم كـ كاتب ثانياً ، وثالثاً كـ ناجي .. اشكركم، على حسن اداء رسالتكم .. ❤️‍🩹!]

مرة ثانية، كان هالكلام المفروض يكون بيني وبين نفسي ..
او يمكن بقهوة بيني وبين شخص عزيز بلحظة فضفضة
واكمل يومي .. بس Somehow حسيت اني ابي اقوله لكم .. !

[يوسف الهاجري @YouSiF_ALHajRi]

بفضفض شـوي؛

سبحان الله ✨؛
كـنت مـاشي، بـ حالي.. لاهي بـ يومي 🚶‍♂️ ..
مخطط وين بـ طلع، ومنو بـشوف ..
وشنو بصـور وبـغطي ..
مرتب حتى عشاي وين بيكون ومع منو،
وشنو بـطلب 👌🏻

لـحد ما دخلت كافيه ☕️
وشفّت شـخص جدام عيني ؛؛

( عـايش حـلم .. كـنت ابـيه 🤍)
حلم، اذكر ان نسـختي القديمة ..
كانت بتموت عشان هالحلم ..
نسخة مني عادرتني لكن اعرفها،
كانت بتحفر الصخر بـ اظافرها،
لأجل هالـ حلم ..
واتخلى عن ( عالمي ) كله لأجلها ..

والـيوم اشوف غيري عـايشة ..
وامـر عليـه ..
وبيدي قهوتي الـ To Go عـادي ☕️..
عـادي
عـادي
عـادي

لكن

بداخلي سؤال واحد ؛
( هل هالـ شخص،
مستوعب ان الغريب اللي مر عليه ..
في يوم ماً، كان مستعد يسوي المستحيل ..
لأجل اللي بيده ؟
هل هالـ شخص عارف قيمة اللي بيدينه ؟)

I Guess We Will Never Know ✨

[‏ᴰᵀ دانـة الطويرش @Daneeda_t]

عليك أن تعرف ما إذا كنت أنت المهم،

أم أن الأشياء التي تقدمها هي المهمة ."

[يوسف الهاجري @YouSiF_ALHajRi]

بتمر في مرحلة معينة من حياتك . .
ان والديـنك ( امك، وابوك .. )
بـ يتحولون لـ اطفال ..

يحتاجون اهتمام، ورحمة،
و��ُرب الـ رضيع من والدينه ..
حد يسليهم ويآنس مجلسهم ..
وينوب عنهم، بـ اصغر التفاصيل..
( تشغيل تلفون يديد، تفعيل خدمة حكومية إلكترونية .. الخ )

ويا بختك . . صج يابختك 🫶🏻!

( لو اختاروك انـــت !
من بين كل اخوانك تكون ابوهم وامهم 🫂 )

يـا حظك بـ صك برّك فيهم، وياكبـر جنتك ❤️!

[يوسف الهاجري @YouSiF_ALHajRi]

كان عمر بن عبدالعزيز يقول✨:

[ اللهُم إني أطعتكَ في أحَب الأشياء إليك وهو توحيدك، ولم أعصِك في أبغض الأشيـاء إليك وهو الشرك، فاغفر لي ما بـينهما .. ]

آمين 🙏🏻

[يوسف الهاجري @YouSiF_ALHajRi]

[ يـارب ما ربّيتني إلا على النّعم . .
وما عوّدتني إلا على إحسانك، آمنت روعاتي، وسترت عوراتي، ودبّرتَ حياتي . .
وأرسلت لي خيرًا غزيرًا، لستُ أهلًا له ولكنك أهله، آنستَ وحشتي . .
وفرّجت كربتي، وآويتني، وأسقيتني، وأطعمتني من غيرِ حولٍ مني ولا قوة،
فلكَ الحمدُ والشكـر ❤️! ]

[يوسف الهاجري @YouSiF_ALHajRi]

سـعيت لـ شيء توّه . .
احـس صج بـتكون آخر مساعيي
في هالـجانب من ايامي . . !

يـارب يـضبط .. لأن ان ماضبط ( بـصيرتي بهاللحظة، مافيها من القوة، انها تآخذ الرفض، على انه دعوة لـ محاولة ثانية 🥸 .. )

[يوسف الهاجري @YouSiF_ALHajRi]

والله انـي عارف ..
ان ربـنا يـدبر الأمـر في سماه ☁️. .

لـكن ؛
كـل مطـلبي، انه يـرزق روحي الـ بـصيرة 💔..
اللي تصبرني، لحد مـا افهم حكمته !
ويعطي عـيني الـ نـور ..
اني اشـوف ؛ خـيرته في أمــري ✨!

لأن والله ابداً مو احساس حلـو 💔..
انـك تكون واعي، وقلبك نضـج، وفي عيونك اثـر ألف انتصار صعب ..
[ بس لازال في داخلك طفّل صغير ..
مافيه صبر ! ]

[يوسف الهاجري @YouSiF_ALHajRi]

انا اسف على اللفظ ..
او انه قاسي شوي ..
لكن اسمعني ؛

فـي يوم من الايام
بينولد شـعور يديد في صدرك
شـعور ماله مُسمى ( غـير الـطز 🙏🏻! )

من الاخر؛
شيء في صدرك، خلاص ..
( ماعاد بيتعافر مع الاشياء ..
ولا يأخذ كل شيء يصير حوله بـ شكل شخصي ..
ولا بيدقق على كل صغيرة وكبيرة .. )

اتمنى؛
في الـيوم اللي ينزرع إحساس الـ ( طز )
في صدرك، ترعاه 🕊️ ..
وتهتم فيه، وتسعـى انه يكون موجود فيه
مو اليوم ☝🏻..
لكن بعد فترة..
بتشكر نفسك، وجهازك العصبي بـيشكرك ..
وحتى ايامك بتشكرك .. على كم الهدوء والسكينة اللي بـ تصير فيك 🫶🏻!

[يوسف الهاجري @YouSiF_ALHajRi]

مـقابر صـدري امتلت ..
لا تقـولي اعذرني ..
ما عاد للعذر في قلبي مـجال !

[يوسف الهاجري @YouSiF_ALHajRi]

كان حلـو ؛
لـ خطرة شارع .. مو لـ مشوار العمر !

[يوسف الهاجري @YouSiF_ALHajRi]

اتـمنى ربي يكتب لنا بـ 2026 💙؛

تجارب حقيقية نعيشها..
مو دروس نتعب عشان نتعلمها !

وايام ✨؛
( نتغنى فيها، ما نعيشها واحنا نحارب فيها ! )

وعلاقات 🫂؛
( تجينا مثل الكمادة الدافية، من برد الايام ..
كـ عوض جميل،
عن كل وداع لـ وجه الله لوحنا فيه 👋🏻
مو نتوهم فيها، ونحل فيها عقدها كأنها لُغز! )

وخطوات 🚶‍♂️؛
( نمشيها تجاه الوحهات الصحيحة،
ولا نوقف بـ محطات انتظار فيها 🙏🏻! )

[يوسف الهاجري @YouSiF_ALHajRi]

ساعات .. اكلم ربـي اقوله 🤲🏻؛

[ انا مافيني قدرة، ولا املك كفاية من الأمل ..
حتى اكون مسؤول عن اي خطوة جديدة ..
ولا اكون ذراع لـ بداية اي علاقة
ولا فيني اي رغبة اخطي صوب اي مجهول🚶‍♂️..]

احس السنوات الاخيرة ؛
استنزفت كل مافيني وخذت مني ..
( الدهشة، القوة، الأمل، والصبر ..
وحتى الهقوّة 💔)
في الـ توقع لإي شيء قادم ..

لكن 🔐؛
اوعدك يارب ، اني بكون حريص على عطاياك ..
وان مديتني بـ عطية،
فـ صّب على قلبي اليقين في بقائها ❤️‍🩹 ..

مرات يصير فيني خلاص ؛

اكتفينا من تجارب على هيئة دروس 💔!
اكتفينا من محطات انتظار
ونبي وجهة الوصول 📍!

[يوسف الهاجري @YouSiF_ALHajRi]

مـرات
الـتخطي يكـون 💔؛
بـتقفيل الـ كـتاب بكبره 📕🔐 !
رغـم ان خاطرك
لا زال بالفصل اللي ما أكتمل
تـقفل إذنك👂🏻عن سؤال الـ هوى
( ليش مو انـا؟ )
( ليش ما كملت القصة؟ )
( ليش هذا جزاي رغم صدق النوايا؟ )
تسّكت هالاسئلة
وترتجي من الله؛ العوّض
الـعوّض وبس
حتى ولو كان في قصة ثـانية 🙏🏻!

[يوسف الهاجري @YouSiF_ALHajRi]

اتـمنى تلقى بـ حياتك ..
شـخص يـفهم ( لغـة روحك 🫂! )
حتى لا تعـيش عُمـرك كله ..
وانت تتـرجم روحـك ..
لـ شخّص أمّي العاطفة 💔!

[يوسف الهاجري @YouSiF_ALHajRi]

اسمـعني 🤝🏻؛
انا مـتفهم جداً
ان الـدنيا مرات تصير وايد صعبة ..
تـطقّك بـ اكثر مكان كنت تآمن له 💔..
وتطمئن عنده
لكن ارجـوك 🙏🏻:
لا تخلي هذا كله، يـفقدك ايمانك القديم ..
ايمانك اللي انقذت في مواقف كثيرة بـ حياتك من قبل .. العّشم اللي كان فيك بالدُعاء .. بـ قدرة الله انها تتدخل وتنتشلك من هذا كله .. ايمانك بـ تدبير الله لـ أمورك اللي منت فاهمها !

ارجوك ؛
لا تنـسى ايمانك الأصيل ❤️‍🩹!