يا ق��ع حدك وين ؟ يا قاع حدك
مهما تسوي قاع والقاع خسران
فوق السعودية ولو زاد حشدك
حنا هل التوحيد سنة وقرآن
يا لعنبو ابوك لا رحم جدك
حوثي ومقعادك على كف شيطان
تطمر وتلقى لك رجال(ن) تردك
في وكرك ال��خزي تعذّب وتنهان
صارت هوايتنا ترا لطم خدك
يوم العرب تحفظ وتشهد بالاعيان
لا انتا بند(ن) له و لا هو بندك
جيش السعودية سقم زمرة ايران
يادار كلك عز بحرك ونجدك
من وين ما لدوا لك العز عنوان
يا طيب حظ اللي من الناس ودك
وغلطان من جرب يعاديك غلطان
انتي بكنف سلمان محد(ن) بقدك
سلمان قلب وكلنا نبض سلمان
مليكنا وجه السعد يوم سعدك
فارس وله هيبه وحكمه وسلطان
وولي عهده بالفعل صان عهدك
الفيصلي درع الوطن عالي الشان
زيزومنا جدد على مجدك
محمد الفارق على مر الازمان
وحنا السعوديين درعك وزندك
غني طرب يادار والراس طربان
وقت الفعل نبري بالافعال كبدك
حرب اليمن هذي لنا خير برهان
حدك يا قاع ان كان نسيان حدك
خسران ماتفهم على القول خسران!
لو زادت المده والارهاب مدك
حدك تبي تفنى على حدود نجران 🇸🇦
#عمر_بن_جغيمان
اربح قميصًا موقّعًا من اللاعب المنضم حديثًا "مارتينيلي" وتذاكر أجنحة الضيافة لحضور مباراة الهلال 💙🏟️
تابع حساب @riyadbank في منصة X، ثم اضغط للمشاركة 📲