عمر بن جغيمان

شاعر..

[عمر بن جغيمان @omarbinju]

انا مع شمعة الجلاس لو كانت تحب الصمت
حشى لو سولفت ماكان للجلاس من داعي

تغطت بالخفوق ونامت بصدري وانا اللي قمت
اراقب لايجي هم(ن) يصحّيها وانا واعي ❤️

#عمر_بن_جغيمان

[الوليد بن طلال @Alwaleed_Talal]

لغة الارقام دائما هي الحَكم:
للوصـول لنـادي #الـهـــلال:

الثاني يـبـي له ٣٢ لقب
الثالث يـبـي له ٣٧ لقب
الـرابــع يـبـي له ٤٢ لقب
الخامس يـبـي له ٤٣ لقب

نراكم بالموسم القادم بإذن الله،
وكـل هـلال وانتم بـعـز وفـخـر.

[عمر بن جغيمان @omarbinju]

ماقد حسبت ان الحنايا لها نجد
الين جيتي وانخلق فيني هْضاب
يا نص قلبي ياخلف جدي الجد
يا اطهر غلى قد مر في ذكر الاحباب

لامن ضحكتي نخلط المزح بالجد
نقول كيف الشمس تشرق على ناب؟
مرّي غَنج يرجد على صدرهم رجد
طلّي وهج يخفي سنا كل كذاب

ضيقك فشل ورضاك هو قمة المجد
يخسى الزعل يلقى على مثلي اسباب!
غني تغنّيّ لعنبوا الضيق والوجد
ضدّي المواجع وانتي السور والباب.

#عمر_بن_جغيمان

[عمر بن جغيمان @omarbinju]

يارب من باب المنى والسعادة
ترزقني بفهدة عقب ملقى فهد .

#عمر_بن_جغيمان

[عمر بن جغيمان @omarbinju]

عزمتك في حفل جمعة مشاعر مابها معزوم
تعذّرت الوصل يا شرهة العازم لـ معزومه ..

#عمر_جغيمان

[عمر بن جغيمان @omarbinju]

@BackAgain367415 @wallahmaadry1 الله يبقيك ياحبيب القلب💙

[خبر عاجل @AJELNEWS24]

في مشاهد ساحرة وفاتنة ..

قاع محيرقة في وادي برك بمحافظة حوطة بني تميم جنوب منطقة الرياض ؛ يتحول إلى بحيرة ضخمة على امتداد البصر بعد هطول الأمطار الغزيرة .

💚💚

[عمر بن جغيمان @omarbinju]

خطاي قصة نسجها حبل تفكيري
تُمحى مع الوقت والتاريخ يتذكّر

#عمر_بن_جغيمان

[عمر بن جغيمان @omarbinju]

يضيق الليل من نفسه وازاريره قمر ونجوم
حبس ظلماه لين الصبح جاه وشقق هدومه

معاذيره غبن كنه يباريني عداه اللوم
رفيقي بالسهر لو زادت همومي من همومه

فداه الهم دامه ماتخلّى لو حرمني النوم
معي للصبح جعل اللي تخلى يسعد بنومه

تقاسمنا الغرام وما تقاسمنا العذاب اليوم
يغيب العدل في حكم الغلا والجرح مقسومه

#عمر_بن_جغيمان

[داليـا @daliamubarak]

ابي اغفى ولا لي غير نحرك لا بغيت اغفى
وابي برق العيون الناعسات الوضح مشكاتي
وابي من لمسة يْدينك ليا ضميتها ادفى
وابي منها بعد إذنك تحن وتجمع شتاتي
انا عاشق وعشقي ماله الا خاطرك منفى
وانا ظامي ولا لي غير وصلك يروي لهاتي
#تناخى

[عمر بن جغيمان @omarbinju]

@FreehAltamimi صح بدنك يابوتركي

[عمر بن جغيمان @omarbinju]

جعل السحاب اللي على نجد حوّل
يسقيك يا الحوطة ديار التماميم

يسقيك يادارٍ بها الجد الأول
يسقيك ياديرة كبار المجاهيم

يا حلوة جغيمان فيك يْتجوّل
سيرة حمد شيخ القروم الشغاميم

أسس ثراك وبان مجدك وطوّل
ذكره عطر والطيب سيّل مرازيم

ياما لطمتي عايلٍ قد تعوّل
وياما زبن ظلّك رجالٍ مقاديم

بارضك كزمتي الترك فعلٍ تقوّل
سطّر لك التاريخ خط المفاهيم

حظ السحاب اللي على نجد حوّل
دامه تحوّل في ديار التماميم

-برفقة ابناء العم في حوطة بني تميم- 💙

#عمر_بن_جغيمان

[عمر بن جغيمان @omarbinju]

@TamimSj صح بدنك ياولد عمي

[عمر بن جغيمان @omarbinju]

والله اني ما اشوفك
الا انك دعوة امي ،،
وحلم ابوي اللي جمعني من شتاتي
ووده اني في حياتي
اطوي البيدا لبكره
وفي يميني كف قمرا
وفي خفوقي مقلتيها
وان تحرّوا والديها
من هو هذا اللي يبيها ؟
قالت اني ،،
مع جبل ظله سندني
ولو قسى طبع الليالي ماتركني
ولو رضى يوم الهزيمه !
مارضاها غير مني ،،
لاني ادري ،،
ايه انا فرحه وضيقه
واني في نبضه موسيقه
تعزف اوتار الكمنجه
هاديه ومرات صجه !
واني اعذب من اغاني عندليب وعندليبه
واني في قلبه حبيبه
ذا عمر وجهه وطيبه
ماتغير في المرايه.

#عمر_بن_جغيمان

[عمر بن جغيمان @omarbinju]

عيّدي يا ام القراح العذب وان عيّدتي
اذكري جرد الضلوع وعيّديها غيمة

لا تقولين انتهينا ادري انك شفتي
في خفوقي لك مكان ولك شعور وقيمه

ومانبي سكر حلاو العيد لا قرّبتي
شفّتينك عرق سوس ووجنتيك كريمه

ونحرك المستور خايف منه لا بيّنتي
العذاب اللي حلاله ماسبق تحريمه

واصبح المجرم بحبك وانتي اللي جرتي
في طغى زينك حبيبك واجب(ن) تجريمه

لاتغيبي وانتي اللي بالغلا آمنتي
في وتر قبلة وصالي تمنع التسليمه

#عمر_بن_جغيمان

[عمر بن جغيمان @omarbinju]

@wallahmaadry1 حبيبي يابوخالد