ســاريــه

كل ساريٍ في الليل يتبع له نجم

[ســاريــه @lsariahl]

أحلام قلبي كبيره من كبر شاني
و الصعب لاهل الصعب تتسهل دروبه

مدري على وين بمشي لكن إيماني
أصدق من إيمان مذنب مسّته توبه

عندي يقين بعدل ربي وميزاني
من عاش يتبع ضميره فاز بحروبه

ماطيح الله هالدعوات بلساني
إلا وهي ليّ مقسومه ومكتوبه

[ســاريــه @lsariahl]

تسامحت مع نفسي وهون علي دعاي
خصوصاً دعاي اللي دعيته وأنا ساجد

غمرني شعور من الرضا للزمان الجاي
ولا صار عندي خوف من عضة الناجد

اثر من عطاه اللّٰه نزاهة ضمير ورأي
يغيب الغياب اللي يخليه متواجد

[ســاريــه @lsariahl]

يارب تعرفني .. وتعرف نواياي
وتعرف جميع ظروفي المستبده

أحيان أصيب الرأي وأضيع الرأي
وأحيانا أفتح باب، وأحيان أسده

أحاول أقرب منك وتبعد يا كل مُناي
وتسرقني الأيام، في خضم شِدّه

عاملني بـ لطفك وعطفك ورجواي
ليا إنحرف قلبي عن الحق .. رده

[ســاريــه @lsariahl]

تمر السنين و تجتوّل و القلوب تهاب
و تبقين فالعمر المحدد مثل ما أنتي

عزيزة نسب و أطهر من الديّن التواب
رفيعة مقامٍ هان عمري و لا هنتي

تمرين و يصير السماء خيرها صبّاب
و تزين الأراضي كل ما أنتي تزينتي

فداك الشعر و الناس و الحلم و الأحباب
و أنا و السنين المقبله وين ما كنتي

[ســاريــه @lsariahl]

ترى غناة النفس هي أصدق غناه
وترى جمال الشي ما قلّ وندَّر

وترى التغافل أكثر أوصاف الدهاه
وترى الذكي هو أغلب العالم حذر

وترى البعاد أحيان نوع من النجاة
وترى السكوت أحيان من باب العذر

لا تكبرون إلا على ظروف الحياة
ولا تحزنون إلا على غالي قدر

[ســاريــه @lsariahl]

اللهم آمنّا في أوطاننا وأدِم علينا نعمة الأمن
والإستقرار في بلادنا وسائر بلاد المسلمين

[ســاريــه @lsariahl]

أزعل عليك من الشهر يوم يومين
وأشتاق لك تسعه و عشرين ليله

و أخلق لك الغايات وحده وثنتين
لو ما تبرر كل " غايه " وسيله

إن دارت الدنيا على طبعك الزين
ما همّشت ب الذكريات الجميله

ما عندي الا قلب ما هوب قلبين
لا غاب غالي ما إنتظرت لـ بديله

[ســاريــه @lsariahl]

يا عظيمه كل شي له حدود وله نهايه
لكن انتي ما وقفتي عند حدك يا عظيمه

استلذيتي بطعناتي واخذتيها هوايه
كن مالك حربة توجع وطعنات أليمه

آه ليتك ماتماديتي بطعنات البدايه
لين صار لكل طعنه بالحشى معنى وقيمه

[ســاريــه @lsariahl]

متى يذعذع على صدري نسيم الهبوب
و أرتاح من زحمة افكار القلق و أهدَى

إي والله أحن و أهوجسّ و روحي تذوب
طرقي و أشوف إغتراب الروح ماله مدَى

وأخاف من كسرة الخاطر وكسر القلوب
لو لحقت الفرصه الفرصه وراحت فدَى

أدخل على الله من دروبٍ عليها دروب
و الحاجه اللي تجيني من طوارف ردَى

[ســاريــه @lsariahl]

يا رب خارجني ليا خاطري طاب
وأطفت رياح اليأس هقوة سراجي

واهدني الراحة لو بجوف سرداب
وأمطر علي برحمتك في عجاجي

وافتح ليا ضاقت مغاليق الأبواب
يا رب والدنيا لا تعقد حجاجي

[ســاريــه @lsariahl]

لابد من عقب المطاريش معواد
ولا بد من عقب المواجع عوافي

ولا بد من عقب السهر لذة رقاد
ولا بد من عقب الكدر جو صافي

[ســاريــه @lsariahl]

ادري ان قلبه حنون .. وادري ان روحه نبيله
لو تهبّ الريح من همّيٍ على صدرٍ شمالي
قصر البال الطويل وأصبحت نفسه ثقيله
ولو يجي غيري مكاني ما يجي غيري بدالي
ولو يحبونه جميعًا ما يعوض حبّني له

[ســاريــه @lsariahl]

احفظ حِمى صدري من أضغاث الأحلام
ولا تحوجني يالله لـ مشرح طبيبي

و لا توري زلتي عين لوّام
و لا ينذكر في غيبتي غير طيبي

ربي قِني من شر نفْسي و الأوهام
و الأمنيات اللي ماهي من نصيبي

[ســاريــه @lsariahl]

أخاف لا دارت مقادير الاعوام
أعيش من تبديل الوجوه ريبي

و القى القريب يمرني مر الاكرام
و يمرني مر القريب الغريبي

عندي أمل في ضحكة الحظ قدام
دامك بـ مقسوم المقّدر حسيبي

أعوذ بك من هم تكرار الأيام
من دون لا أفرّق مشرقي عن مغيبي

[ســاريــه @lsariahl]

كيف من دون البشر صرت احتمالي؟
صرت بابٍ به أحقق أمنياتي

ليه أنت؟ مدري.. لكن أرهقني سؤالي
كن زولك جا يلملّم لي شتاتي

ما كسبت من البشر غير التجافي
إلا منك لاح نجم في مساري

يا أمان في زمانٍ ما يبالي
كيف صرت بعتمتي سر انتشالي

[ســاريــه @lsariahl]

ليه انت من بد هالعالم قبالي
في بحور العمر جا شطّك نجاتي

كنت أظن الوقت يتركني أعاني
لين أثبت لي حضورك طيب فالي

جيت مثل الهون يحيّي كل حالي
صوت لهفة من خيالي جا يداوي

من لمح طيفك تزلزل به جبالي
جت جيوشي بك تبرّر احتلالي

انت نجم وسط ظلمة هالليالي
جيت فارق عن همومي وذكرياتي

[ســاريــه @lsariahl]

أبيك يا أحلى أحلامي أبيك
يا مطر من غير سحاب
يا هواي اللي حضر بعد الغياب
يا أنتي .. يا عمري أنا
لا .. ما انتهيت
توي معك يا أجمل العمر أبتديت

[ســاريــه @lsariahl]

أنا على ما تشتهي نفسي و وين ألقى هواي
محدٍ يحرك وجهة شراعي على السّبع البحور

إليا رضيت أطيّر الحاجة و أوصلها سماي
و إليا زعلت أخلي الحاجة دبورٍ في دبور

[ســاريــه @lsariahl]

جفا الكلام.. الكلام وجفّت اشفاهي
يا مورق الهمس صوتك لا يناجيني

يا زين والله حسافه وردك الزاهي
ينبت على ما تهدّم من بساتيني

ليتي عصيت الغرام الآمر الناهي
وادميت قلب الهوى جرحٍ بسكيني

أنا احسب اني وحيد وكثروا أشباهي
كل الملامح سوى.. لاغمّضت عيني

[ســاريــه @lsariahl]

يا الله عسى مافي خاطري يحين
و تشرق شمس السعادة في حياتي

و تصبح لي الدنيا على ما أشتهي
و قدام عيني أشوف أطيب أمنياتي

و أحلامي لو انه مضى عليها سنين
عند الولي أودع أجمل أقداري والأماني