لـشاعرها

[لـشاعرها @lssh33]

لا تشوف الناس ضعفك وانكسارك
لو عظامك تنكسر .. ما جبروها

انتصب كنك طلعت من المعارك
ما خذ(ن) ثار .. القبيلة كلبوها

#لشاعرها :
#ناصر_الحمادين
@nalhmadeen

[لـشاعرها @lssh33]

وجودي وجود اللي يداري له ام حوار
يبى الرزق منها يوم دنيا الفنى عيّت

سبرها مع الجهمه قبل لا يشب النار
ولقاها تـرص الشبك و حوارها ميّت

#لشاعرها :
#سلطان_الحويقل
@AL_HOWGEL

[لـشاعرها @lssh33]

انا تعبت اجامل الناس والناس
ماتقتنع لو انهم .. وسط عينك

تمسي معك منهم رياجيل واجناس
وتصبح خلياً .. " فاضياتاً يدينك "

#لشاعرها :
#عمر_العطاوي
@omar_al36awii

[لـشاعرها @lssh33]

قل حسبي الله على الجاحد ونعم الوكيل
احسن لك من التشره ، والعتب ، والملام

عزك من الناس من عاده يرد الجميل
والله ان بعضهم ماعاد يرد حتى السلام

#لشاعرها :
#سعيد_بن_فارع
@sabinfara

[لـشاعرها @lssh33]

اخذ نصايحك من قرمً شجاع وكريم
لاقام له في لزوم .. للرجال حسمه

لاتسمع اللي على البخل المولي مقيم
اللي لو يـضيع منه ريال .. ضاع نسمه

#لشاعرها :
#صنهات_بن_حشر
@S_h5111

[لـشاعرها @lssh33]

لالقيت المحترم سلّم عليه وحب خشمه
واترك اللي كل ماشاف العرب قام يتشرّه

مانبي الا اقبال وجهً طيب وقدر وحشمه
كثر خير اللي يفك الناس من خيره وشره .

#لشاعرها :
#ممدوح_بن_سعود
@1_l8e

[لـشاعرها @lssh33]

تعبت اقول تزين ، عيت لا تزين
الناس دلي مختلف ، عن دلهم

ما عاد باقي في زمنّا .. طيبين
الطيبين الـيوم ، " راحو كلهم "

#لشاعرها :
#ثامر_الرحّيل
@_b52t

[لـشاعرها @lssh33]

الوقت رحلة للعبر و التجاريب
جربتها و أخذت درس ٍ يهوّل

رفقة حليف الطيب منتوجها الطيب
و رفقة ردي المعرفة ما تطوّل

#لشاعرها :
#محمد_النخيش
@alnkhish

[لـشاعرها @lssh33]

على مواصلك مدري كيف أحصل مجال
وانا أدفع الروح لمشاهد عيونك مهر

معوضٍ(ن) خير ياقلبٍ(ن) خذتك الليال
لمعاتب احباب ومكابر وحزن وقهر

#لشاعرها :
#عايض_الملق
@Marzoukiaa

[لـشاعرها @lssh33]

نبي نطيب ونكسب الامداح
وعسى الردي لن ضاق ما يرضى

الطيْب مثل الطيْب لامن فاح
يكتم صدور العالم المرضى .

#لشاعرها :
#عبدالرحمن_القوس
@algoos_a

[لـشاعرها @lssh33]

لاكثرت الأشوار في علم ماصار
أجمع حبال الظن واقطع صلتها

حذرا تجي نفسك مثل شعلة النار
لا هبت رياح الهواء .. ميلتها

#لشاعرها :
#طلال_المحياوي
@taalaal128

[لـشاعرها @lssh33]

يعذرب الطيب راسٍ ماهو بطيّب
ويحقّر الجوع بطنٍ في نحا شبعه

دايم ضعيف الروابع شبحه قريّب
حتى رداه ان تردّى في حدا ربعه

#لشاعرها :
#محمد_جارالله_السهلي
@M_Jarallah

[لـشاعرها @lssh33]

قامت ضعاف الروابع على الطيّب تمون
والرعيّه خاوت الذيب فـ الارض الفلات

طاحت الدنيا من عيون حمران العيون
يوم صارت " سلة السيف " سلة مهملات

#لشاعرها :
#عايض_العاطفي
@atfy_a

[لـشاعرها @lssh33]

مواقف الاصحاب عند النوايب
واحد على جنبك وْاحد على جنب

واللي ما تضربّه كبار المصايب
اضربّه الحايط وَلا يلحقِك ذنب

#لشاعرها :
#حمود_بن_خلف
@1hha_

[لـشاعرها @lssh33]

صاحبي لا عاد تشره و عينك ماتشوف
اخر اوراق التغاضي .. ضميري شقها

ان وقفت اداحم الوقت و كبار الضروف
وان سكت ضروف الايام تاخذ حقها .

#لشاعرها :
#علي_حامد
@ali_h3meed

[لـشاعرها @lssh33]

القلب فالاقفاص ماكنه سوا طفلً صغير
مواجع الدنيا تقطع فيه من .. سكينها

اموت ولا ارجي من ورا العالم كبر حبة شعير
الحاجه الي تجبرك على العرب ياشينها

الحظ كنه شايب مريض طايح فالسرير
ماعنده الا بنتً تعينه عسى الله يعينها

#لشاعرها :
#ممدوح_بن_سعود
@1_l8e

[لـشاعرها @lssh33]

حرب المشاعر فالحياة اشد من كل الحروب
اليا خسرت ابها قهر ، واليا انتصرت ابها قهر

صعبه تحارب شخص يعرف وين توجعك الضروب
يعتبرك اكبر خصم ، وانته تعتبره اغلى بشر

#لشاعرها :
#عبدالرحمن_القوس
@algoos_a

[لـشاعرها @lssh33]

ماني على خافي ضميرك موايق
لكن لاتخلف .. كبار الهقاوي

كفيله ايامك بكشف الحقايق
ومن طاح والله مايطيح متساوي

#لشاعرها :
#مشاري_الكرشمي
@111mashari

[لـشاعرها @lssh33]

ماني على خافي ضميرك موايق
لكن لاتخلف .. كبار الهقاوي

كفيله ايامك بكشف الحقايق
ومن طاح والله مايطيح متساوي

#لشاعرها :
#مشاري_الكرشمي
@111mashari

[لـشاعرها @lssh33]

حرب المشاعر فالحياة اشد من كل الحروب
اليا خسرت ابها قهر ، واليا انتصرت ابها قهر

صعبه تحارب شخص يعرف وين توجعك الضروب
يعتبرك اكبر خصم ، وانته تعتبره اغلى بشر

#لشاعرها :
#عبدالرحمن_القوس
@algoos_a