الجمال اللي بـ وجهك مرتسم
ما يخبّيه الحزن لو الف عام
انتي مثل الديم في وقت الوسم
والاراضي لجلك تزم الخزام
او مثل من يرمي الصيده عسم
رميَته في لحْم والا في عظام
نظرتك ماهي بـ نظرت من حسم
نظرتك يا بنت ممليّه هيام
لو بيّدي ضحكتك لـ اقسم قسم
ان افج بـ ضحكتك جور الظلام
ليه حزنك حط في كبدي وسم
كيف حسنك ذا يسبب لي غمام
يوم حزنك يا جميله يبتسم
ضيّق الارض وشكوا منه الانام 💔
عبدالهادي بن جفّال
تطوّر الموضوع عندي في كلمة "غادر" صاير اطبقها على كل شيء مؤرق سواءً كانوا بشر او اماكن او اوقات ، المغادره تحفظ راحة البال والشيمه والقيمه
كل مكان ما تجد نفسك او قيمتك فيه أول خطوه لك خلها المغادره
يا متّقي شر المخاليق ليتك
لبست من شر النشامى مشيلح
شر العرب لامن وصل باب بيتك
اضرب بـ راس دحيم على فويلح
وحمول متنك لا نقلها ونيتك
منتب على حاجة سواعد صويلح
واذا نصاك اللي تعلّمه صيتك
لا تبدي الاعذار ولا تسيلح
المرجله ماهيب خذني وجيتك
ولاهيب رسمت وجه والا تميلح
عبدالهادي بن جفَّال
فـ الموقف اللي منه يِبَّاس الارياق
يا بِرد وجه اللي خدمناه خدْمه
جيناه في ليلً نبي منه الاشراق
وان خاب ساسه من يدينا نهدْمه
ما هزهزه الا كلامً به احراق
خلّا مقامه ينحني تحت قِدْمه
فزع ولكن فزعته مثل الارباق
ما ينتفخ الا ليا جتْه صدْمه
#شومآن
خل الكوره على جنب
ان اسلم الله يثبته وان ما اسلم ف الله غني عنه وعن جميع الخلق حتى عن المسلمين انفسهم
حسستني ان اسلامه بيكون فيه فضل على المسلمين وان سجوده لله فيه رفعه للاسلام
الله يهديك لا تضع حاجة الاسلام في اسلام مخلوق وتقلل من الاسلام
وتذكر قول الله تعالى في سورة التوبه آيه (32)
"يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ"
للاسف النصر وجمهوره تحس انه يبتز الصندوق والانديه من لحظة توقيع رنالدو لهم ، مستغلين جماهيرية رنالدو وسيلة ضغط على المشروع كامل وللاسف حققوا اللي يبون من ضخ مادي كبير وصفقات ضخمه ما تدخل العقل والدليل اسماء المدرين واللاعبين اللي مثلوا النصر في هذي الفتره ، لين قفل البزبوز عليهم وضربوا بـ سمعة المشروع واهادفه بعرض الحائط مقابل صفقات للنادي وكأن صيفيته ما جا فيه كومان وفيلكس اللي كان مطلب هلالي ومدافع البرشا اللي للحين يعاني الكتالوني من غيابه وغيرهم كذلك مثل لابورت ودوران اسماء ضخمه لكن العاجز اللي لسانه طويل وفيه زهايمر ما له حيله ومافيه حيله😂
من مقام العز وكبار الهقاوي والشَّنَار
عشت حرً ما دخل قلبه مخاويف القطا
ان بديت ارمي مشاهيبي لها نار وشرار
لو سْبور النار علْقا، زد��ها لين اتعطا
وان كسبت مْن النفايل ما يوشّحني وقار
ما كسبت الا بيمناً قسمها ماهو عطا
صيدتي، قسمً خذيته طرق في وضْح النهار
ما على وجه الجماله لا مقام ولا غطا
ما لحد مِنّه وحمل شعيل شاله بـ اقتدار
لو يجي في ساعته والا يجي عقب البطا
مـ انتظرت الوقفه اللي تبري جروحً كْبار
ولا انتظرت الصاحب اللي لا دجر راسه، سطا
عدّي المِرقاب يا رِجلً لها الطاله مِسار
وشوم يا راسً رفعني عن دهاليس الوطى
في تقاليد الحَرار العِز يوخذ في جَهَار
ما يجونه بالطريق اللي يجيبه بالخطا
عبدالهادي بن جفَّال