عذب القصيد

القصايد على مثلك صغيرة مقام

[بدر بن سلطان الدويش @B1SD_]

قولي لهم يوم ابرقت شذرة السيف
الفعل فعلي واسمر القاف عبدي

انا ولد غيث الرجال الملاهيف
اللي على روس المواقيف يَبدي

يوم ان ساحات الشواعير نشّيف
بلّيت كبد الشعر وارويت تسبدي

[بدر بن سلطان الدويش @B1SD_]

الجادل اللي ربت في كنف ذرب اليمين
شيخً ليا كبرت القاله تعزوى بها

[بدر بن سلطان الدويش @B1SD_]

عليك السلام الصادق الين يوم الدين
سلامٍ يحفّك بـ الرضى وين ما كنتي

[بدر بن سلطان الدويش @B1SD_]

يا عفيفٍ تجمع الزين والساس العريق
جدك اللي يروي السيف الاملح والقنا

جيت من بطن السحايب كما الغيث الدفيق
تنجي اللي طول عمره .. حياته في عنا

[بدر بن سلطان الدويش @B1SD_]

تدور الليالي بس تبقّى الرجال رجال
مثل ما تدور الأرض والقبله القبله

[بدر بن سلطان الدويش @B1SD_]

مايجذب أكبر مقام إلا كبيرة مقام
وأنتي طموح القصيد ومنتهى غايته

أنتي شموخك عظيم ويجلب الإهتمام
وانا ما اقلط عليك الفكره البايته

[بدر بن سلطان الدويش @B1SD_]

ياعبيد ماحنا من اللي يقادون
حنا نقود الناس ياعبيد معنا

[بدر بن سلطان الدويش @B1SD_]

يوم تمشي على قاعٍ وروده شحيحه
ينبت الورد فوق الخطوة اللي مشتها

[بدر بن سلطان الدويش @B1SD_]

عاضني ربي عن الشمس بالبدر المنير
وعفت حنّيت دفاها وبرد ظلالها

ما يشابه طهر الإحرام في السيل الكبير
غير قلبٍ ردّ روحي على مدهالها

يا حبيبي، غاية الحب توحيد المصير
القلوب اليا التقت ما تعيش لحالها

أنت كنّك ركعتينٍ مع الثلث الأخير
كان ما صليتها ما عرفت أفضالها

[بدر بن سلطان الدويش @B1SD_]

مشاهدك خلّى ضايق الصدر يرجع طرب
معك يوم واحد كان يسوى العمر كله

وش أطيب من الماء عند ضامي لقاه وشرب
وش أحلى من المعروف لا جاء على حله!

غلاك الحقيقة في زمن طبع ناسه خرب
هواك الصواب وكلهم كانوا الزله

سنيني هجير وقبل أعرفك حياتي كرب
يانورٍ دروبي مظلمة قبل ما ادله

[بدر بن سلطان الدويش @B1SD_]

وجيهنا ماهي بـ عبّادة وجيه
ما تخضع إلّا وسط دور العباده

حنّا خلقنا الله على شان نرضيه
ما الله خلقنا لأجل نرضي عباده

[بدر بن سلطان الدويش @B1SD_]

إذا خادعت الكريم وانخدع لك، فلا تعتقد أنك أكثر ذكاءً منه، لأنه سيعطيك على ما في نفسه ليس على ما تستحقه ..

يقول الفرزدق:
استمطروا من قريشٍ كلّ منخَدِعٍ
إنّ الكريم إذا خادعته انخدع

[بدر بن سلطان الدويش @B1SD_]

اما مقامٍ عن الناقص يشرّفني
والا على الهينة ماني مضرّيها

[بدر بن سلطان الدويش @B1SD_]

كيف يلحقني من الوقت والأيّام روع؟
وأنت مدّاتك سحابة ، وفزعاتك وَبل

[بدر بن سلطان الدويش @B1SD_]

طاريك بين الناس بالخير مذكور
وما مات من ذكره مع الناس طايب

يالله عسى قبرك من الورد منثور
ومن السماء تأتيك وبل السحايب

[بدر بن سلطان الدويش @B1SD_]

فداك الي مضى والي بقى يفداك
ترا لولا غلاك وضحكتك ما بعت خلاّني

ولا جيت أتدارك ما بقى من فرحتي وألقاك
وأبيع العمر كله لأبتسم ثغرك على شاني

[بدر بن سلطان الدويش @B1SD_]

ذكرَك الودّ وإعشوشب طريق وهبَّت الأنسام
وطرَّاك النسيم .. اللي يميِّل بالغصن هبَّه !

يواري ما جرى طيش الشباب، ونزوة الأيَّام
وبالٍ يستردّ اللي يمر البال .. من ربَّه

يجود العمر، ويحطّ الرحال، وتثمر الأحلام
وصبحٍ يستردّك في الخيال السالي؛ أحبّه

[بدر بن سلطان الدويش @B1SD_]

عيوفٍ ما يملا عينها الا أبلجٍ مدهوش
يحط القمر والشمس في راحت يديها

[بدر بن سلطان الدويش @B1SD_]

أنا عيديتي في صوت شخصٍ معين
الحبيب اللبيب الي وساعٍ عيونه

أطرق في نهار العيد يوم يتزين
ودك تعايده و تعايد الي يجونه

[بدر بن سلطان الدويش @B1SD_]

الرياجيل ما تقبل محلّ الريب
في مخاسيرها والا غنايمها

وانت محتار ما بين الردا والطيب
لا المروءه تبيك ولا خوارمها