متعب الصالح

من قاع الجب .. بدأت محاولة الطيران

[متعب الصالح @m1ltl]

كل ما سلهمتي : بْـ رمشينك
أرتشف من سلهمتها .. سجّه
'
اتركي عيني " تناظر " عينك
أصلا ، القهـوه مجـرّد : حجّه !

[متعب الصالح @m1ltl]

العمر مرّه ومن شافك نبت له جناح
وحلّق : بك .. بعمره الثاني مع الاوّلي

[متعب الصالح @m1ltl]

اعاند : خْطاي .. لو شفت الطريق الخطا
مادام قلبي يشوف أمشي : وعينك تشوف !

[متعب الصالح @m1ltl]

كل مازاد الوعي .. زاد إمتحاني
و ماكتبْه الله علي .. يامرحبا به

الجهل: فتّاك .. والعاقل يعاني
بين فقدان الضمير وشرع غابه

[متعب الصالح @m1ltl]

الماضي : اللي تجاهلته .. بعمر الزهور
وشلون أبرضي غروري به وأعيش برضى ؟

[متعب الصالح @m1ltl]

مالله عطاك مْن الليال التفاكير ؟
ولا طرى لك .. تسهر الليل مرّه !

شفني أرحّب بالطيوف المسايير
حتى غدت لك ، داخل البال جرّه

[متعب الصالح @m1ltl]

لو : للعجب عينٍ .. لك تصد عينه
وترسم معاك ،لـ عمره بلاد وحدود

على كثر مَ انتي ( جميله ، حزينه )
والحزن حيل مجمّل عيونك السّود !

[متعب الصالح @m1ltl]

الحرب مدّه .. وانت تبقى لتاريخ
والمجد متعلّق ، بطارف جفونك

مبطي وقلبي منضر�� بالصواريخ
من سلهمة رمشك ونظرة عيونك !

[متعب الصالح @m1ltl]

خليجنا من دونه الموت يالفرس
سيّد على العالم ، و عالي مقامه

[متعب الصالح @m1ltl]

كن الرضـى واقف وماحان ميعاده
وماودّي : أك��ر ولكن ، بالقدر راضي

انا أحزن إنسـان .. كل مامر ميلاده
يشوف نفسه ورا .. ويحن للماضي

١٦/٢

[متعب الصالح @m1ltl]

سجّتي مثل المسيح اللي تصلّب
يوم رمشي فيك ساكن .. ماتحرّك

تنقلـب : دنياي .. وقلـوب اتقلّب
وآنا آقلّـب في مقاطعْك و صورّك !

[متعب الصالح @m1ltl]

كل عين ودّه تكون بْـ وجهها وحدها
من : حسنها .. كن مابه غيرها غانيه

عيونها ( حور ) لانْها تغار من بَعضها
وتناظر " بْـ عينها " في عينها الثانيه !

[متعب الصالح @m1ltl]

فوق ماهي جميله .. حيل متواضعه
لا لفتني ، هتون مْن السحاب انهمر

وحبّة الخال .. بأيسر عينها الواسعه
كنّها النجمه : اللي دوم جنب القمر !

[متعب الصالح @m1ltl]

الأرض كانت تضيق و كان حزني كريه
وماكنت أعرف الوسيعه لين صادفتها

( عيونهـا كبار ) خلّـتني أشوف الوجيه
وجيه : لكن بدون عيـون .. من شفتها

[متعب الصالح @m1ltl]

جيتي مطـر مَ انتي من اللّي يمنّون
بالضحكه / ويوم الدفى من يدينك

والبدْو لو هـم .. ينزلون و يشدّون
( فـلا نـزلـت ) : إلّا .. بْـ غمازتيـنك

[متعب الصالح @m1ltl]

مرّت بخطواتها اللي مثل صوت المطر
كأنّها " تعطّـر الدّنيـا " .. بـ مجـدولها

تمشي : ومن كثـر مافيها .. نقاء وطهر
تقول : ( حوله غيـومٍ ) .. والرّعد زولها

[متعب الصالح @m1ltl]

ياغصنٍ لو ترديت بجزاي .. وميّلوك الناس
عشانك ينكسر فاسي ولا يقدر على قطعك

[متعب الصالح @m1ltl]

والله انك من كثر مَ انتي جميله
استحي اطلبْك .. حتّى في دعائي : )

[متعب الصالح @m1ltl]

من وين جيتي ياترى ؟ و وين كنتي
وجهك وهم ؟ ولاّ حقيقي وموجود

دايم : سوالفهم عن الموت / وإنتي
الموت أشوفه في مظاليلك السّود !