عفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه
وعفى الله عن همومٍ ما تخلي مستريح البال
يعيش أيام عمره في صفا ذهن و صفا نيّه
وعفى الله عن هواجيسٍ توقف بي على الاطلال
تعيـد الذكـريـات اللي مـع الأيـام منسيّـه
عزاه ياقلب فقد شخص يغليه
مامرته يوم من الهم خالي
وعزاه ياقلب تلاشت امانيه
دايم طموحه ماتعدى الخيالي
ماني مصدق حبنا فراق تاليه
دنيا تفرق بين غالي وغالي
جفت غصون الحب من بين اياديه
غصب علي ودمعتي راس مالي
احن للماضي واراجع لياليه
اجمل ليالي العمر ذيك الليالي
حيل الله أقوى ما بقى في يدي شي
ما فيه حل ٍ في يدي ما ذخرته
حاولت لكن المحاصيل هي هي
الطير ��ار ولا بقى الا شجرته
وقفت أشوف شوي وأغمض شوي
واللي أنكسر في خاطري ما جبرته
لين ألحقت شمسي على بارد الفي
وشفت ان كل اللي جمعته خسرته
«لا تحزن إن صارت القصَّة أليمة
بعض القصص حزنها منها مْخلوق!
لو كل حلمٍ عشقته هلّ غيمه
ما صرت لأحلامك الكبرى تتوق
قم وأنفض غبار الأوهام القديمة
قم علِّم الشمس عن معنى الشروق»
لازلت اقول الحي بيصادف الحيّ
رغم اني اواجه معاك الف عده
قيدين في رجل وقيدين فيديّ
وبيني وبين الوصل عشرين شده
وش الي مجلس طيوفك حواليّ
وانا مسافر روحه بدون رده !
- كل ما أحس ودي أعاتب
يطري علي بيت بن فطيس لما قال:
"إن ما جبرك الغلا ما أقدر على جبرك"
دام غلاي ما خلاك تحسب حساب للخطاء
هنا العتاب ماله أي معنى وهنا نلتزم بالصمت
وال��عد أفضل من علاقه "ما تحفظ قدر راعيها"
على حبك فمان الله ولا تنتظرني يا وسيع العين
عسى عقبي لعينك من يجي يعمي نواظرها
عطيتك غلا ما عطيته حد من حوالي سنين
ومشاعر كثيرة كنت دايم أولها وآخرها
ولينت لك قلب والله ما عمره مع الدنيا يلين
ومديت لك نعمه مانت حامدها وشاكرها
-الوداع الأخير .